JU LUTEM, ME SHIHNI NE ZEMER!

JU LUTEM, ME SHIHNI NE ZEMER!


Përralla në vesh, morali në lesh

"Kush janë? Nga vijnë? A i njihni spektatorët? A kanë të kaluar këta njerëz?
Po...! I njoh unë, di shumë për ta dhe për të shkuarën e tyre...këta janë ata, të gjuhës së lashtë me të cilën çoku "ngatërrohej" dhe Homeri te "Iliada", te "Odiseja", ata flasin gjuhën e perëndive. Këta janë ata të heroit Skënderbe që nuk lejoi otomanët të poshtëronin Europën, atë kurvë plakë që më vonë i telendisi nga intrigat e sajuara nëpër tavolinat e rrumbullakëta të 13-s, dhe si shpërblim morën prej saj produktet e fabrikimit shtazarak që po vuajmë dhe sot. Kjo turmë njerëzish është dhuratë e zotit e tejshitur prej xhudistëve. Këta janë bijtë e të madhit Mehmet Aliu që themeloi shtetin modern Egjiptian, të mendjes së Pashko Vasës që krijoi shtetin e Libanit. Janë zemra dhe gjaku i Kollokotronit, që metaksarat-nikolasgeixhiane e mbajnë për heroin e tyre kombëtar duke i "falsifikuar pasaportën e tij shqiptare" e Marko Boçarit, gjeneralit suliot me famë. Këta janë e njëjta racë me Odise Andruçin, Miaulin, Kunduriotin, Tombasin, Gurrën, Stromarin, Notin, Konstantinin, Bubulinën, që krijuan shtetin modern grek të 1821-shit. Janë ata të Nolit e Çajupit, të Ismail Qemalit e Isa Boletint, të Faik Konicës e Vëllezërve Frashëri, janë fëmijët e Terezës, nënës-tolerancë. Këta janë vëllezërit dhe motrat e Adem Jasharit, shqiptarit- kuq e zi.
Ky është populli që shihni, që po vuan nga "lojërat" dhe intrigat që ju, politikanë të pafytyrë po bëni në kurriz të tij. Po e vrisni, po e shisni në pazaret "sllavo-greke", po merrni nëpër këmbë fatet e tij, po bëni allishverishet e radhës në banko-provat nacionaliste grekosllave.
Zëri i njeriut muskuloz i nisur nga fundi i sallës po përplasej në fytyrën e skenaristëve…Pyetjet erdhën me forcë.
Si mundeni ju o të pafytyrë të detyroni këtë popull të flasë gjuhët e "jorgove" dhe të "popoviçave"?
Si guxoni ta ktheni në katastrofë një mrekulli të tillë për pesë franga të qelbura të servirura prej "shkive"?
Si mundeni ju, o burracakë e hipokritë të nëpërkëmbni ndjenjat e një kombi të vuajtur e të lashtë?
Me ç’moral i shërbeni sëmundjes sonë 96-vjeçare, e mbjellë nga intrigantët europianë dhe e ushqyer prej mushkonjave greke e mizave cece serbe?
Si mundeni ju, o të pamoralshëm të injoroni Shqipërinë dhe bashkë me të dhe Zotin, atë Zot që di veçse shqip të flasë?
Si guxoni,o të shpëlarë?
Ju, dordolecë e karagjozë, vegël e regjisorëve mafiozë evropianë, ju që po shkulni leshtë e kokës kinse nga dëshpërimi me shpresën të dilni pa lagur nga pellgjet e mëkateve tuaja.
Ju që i shërbeni shkatërrimit të këtij shembulli pozitiv që vet Zoti e krijoi dhe emrin ia vuri Komb shqiptar, mos harroni se do të digjeni si minjtë nga zjarri i së vërtetës së madhe dhe era e fëlliqur e djegies suaj do të ngrejë në protestë- pastërtie gjithë jashtëqitjen e globit!
Ju të pashpirtë, tradhtarë me surrat të shpifur prej Hamzai dhe shpirt të ndotur prej Esat Pashe, nuk do të mundeni kurrë të shkulni rrënjët e popullit tim. Ato janë të futura thellë në zemër të kësaj toke. Doni a s’doni, ju o këlysh të buçes putanë, kjo është dita jonë, ky është shekulli i artë i "Shqiptarisë"...!
Ju erdhi fundi! Ju do të shpërndaheni si kafshët në xhungël, të tmerruar nga ardhja e luanit mbret!