LDD Gjermani: Përqeshëm, e veshëm!

LDD Gjermani: Përqeshëm, e veshëm!



Kungulli mbi ujë,

gjithmonë, jo nuk shkon,

një ditë, po, plot bujë,

thellë, thellë do sharron!


Porsa lumi t´ngryset,

e rrena t´përmbyset,

dhe, ankthi t´mbaroj,

kungulli do t´sharroj.


Shpesh n´emër të Popullit,

janë bërë vrasje e krime,

ndaj dorës së mordit,

duhet bërë ndëshkime!


As vëllau, as miku,

jo, nuk ishte SHIKU,

vret me të drejtë të vetes,

i mallkuari prej jetës.


Erdhi i pa ftuar,

prej nga kurrë s´e deshën,

ngjarje e shëmtuar,

përqeshëm, e veshëm!


Në emër të Zotit,

të Drejtësisë që mungon,

shkaktarët e lotit,

turpi, t´i mbulon!


Këtë Kaptinë të turpshme,

duhet zbardhur, përmbyllur,

le t´jetë e dikurshme,

si ëndërr e hidhur!


Mentor Thaqi VS., 15.01.2010



Mentor Thaqi