LDD Gjermani: Kryetari i LDD-së Nexhat Daci i bën ofertë për koalicion LDK-së

nga **Agim Gashi** Fri Feb 12, 2010 1:52 am

LDD Gjermani: Kryetari i LDD-së Nexhat Daci i bën ofertë për koalicion LDK-së

Kryetari i LDD së, akademik Nexhat Daci i ka dërguar një letër kryetarit të LDK së dr. Fatmir Sejdiut për një bashkëpunim të mundshëm në mes dy subjekteve LDD - LDK.

Në një konferencë për media të mbajtur sot në selinë e LDD-së, kryetari i kësaj partie Nexhat Daci ka thënë se:“LDD ka vlerësuar se është koha që të ofroj një zgjidhje, një alternativë dhe sot një nga alternativat e mundshme të daljes nga kriza e thelluar është, që kryetarit të LDK-së Fatmir Sejdiut i kam dërguar një letër, ofertë për bashkëpunim, ofertë për një koalicion parazgjedhorë, konform qëndrimeve tona reale dhe duke respektuar rrugën e përbashkët që kemi pas një kohë të gjatë. Nuk kam dashur që ti dërgoj letër publike, por i mbetet kryetarit të LDK-së të vendosë se a dëshiron ta bëjë publike a jo, ngase nga LDD e ka atë leje. LDD nuk e ka në koncept të luaj lojëra.” ,tha lideri i LDD-së akademik Nexhat Daci në konferencën për media të këtij subjekti. Lideri i LDD-së akademik Nexhat Daci në fund të konferencës, bëri të ditur se, në cilësinë e kryetarit të LDD-së i ka dërguar një letër kryetarit të LDK-së Fatmir Sejdiut për një bashkëpunim të mundshëm në mes dy subjekteve LDD – LDK. Lidhur me këtë letër të nisur nga kryetari i LDD-së për atë të LDK-së akademik Daci tha para gazetarëve:“LDD ka vlerësuar se është koha që të ofroj një zgjidhje, një alternativë dhe sot një nga alternativat e mundshme të daljes nga kriza e thelluar është, që kryetarit të LDK-së Fatmir Sejdiut i kam dërguar një letër, ofertë për bashkëpunim, ofertë për një koalicion parazgjedhorë, konform qëndrimeve tona reale dhe duke respektuar rrugën e përbashkët që kemi pas një kohë të gjatë. Nuk kam dashur që ti dërgoj letër publike, por i mbetet kryetarit të LDK-së të vendosë se a dëshiron ta bëjë publike a jo, ngase nga LDD e ka atë leje. LDD nuk e ka në koncept të luaj lojëra”, u shpreh Daci.

Burimi: http://www.botasot.info/def.php?gjuha=0&category=3&id=47097

LDD Gjermani: Kryetari i LDD-së Nexhat Daci i bën ofertë për koalicion LDK-së 19761_311206183680_187205523680_3480065_3566993_a

Foto: LDD Gjermani

Koalicioni parazgjedhorë LDD - LDK,
e vetmja formulë e fitores .
Bashkë jemi më të fortë!!!!

nga **Agim Gashi** Fri Feb 12, 2010 4:16 am

LDD Gjermani: “LDK-LDD ribashkohen nga Ukë Rugova”

LDD Gjermani: Kryetari i LDD-së Nexhat Daci i bën ofertë për koalicion LDK-së 19761_311939103680_187205523680_3481732_960552_a

Ukë I. Rugova - Simbol i bashkimit!!!

Anëtari i Kryesisë së Lidhjes Demokratike të Kosovës, Naser Rugova, konsideron se e ka gjetur formulën për bashkimin e dy subjekteve politike që thirren në trashëgiminë rugoviane: LDK-së dhe LDD-së. Këto dy parti, sipas tij, do të mund të bashkoheshin nëse nga udhëheqja e tyre largohen dy kryetarët aktualë, Fatmir Sejdiu dhe Nexhat Daci, dhe në krye të tyre do të vinte djali i ish-presidentit, Ibrahim Rugova, Uka.

Në një intervistë për portalin e lajmeve Infosot, Naser Rugova ka deklaruar se Ukë Rugova, jo vetëm se ka karakteristika dhe pamje që reflektojnë unitet, por gjithashtu është një personalitet i brezit të ri, i cili nuk ka ngarkesa, inate, konflikte dhe ego personale.

“Unë mendoj se njeriu që do t’i bashkonte në një trung LDK-në dhe LDD-në është Ukë Rugova. Një djalë i ri që është gjak i presidentit historik, Ibrahim Rugova; që është rritur dhe edukuar në frymë dhe filozofi politike të tillë, e që tani po mbaron studimet në SHBA”, ka thënë deputeti Rugova. Sipas tij, dy liderët aktualë të partive, duhet të pajtohen me faktin se trendët e rinj politikë ua imponojnë që të lëshojnë rrugë.

”Vetëdijesimi i të dy liderëve të dy partive dhe hapja drejt këtij koncepti do ta ndihmonte shumë Kosovën, në radhë të parë ecjen përpara të Kosovës dhe do ta unifikonte elektoratin rugovian dhe definitivisht do t’i kthehej dinjiteti edhe pjesës dërrmuese të elektoratit kosovar që filozofinë politike rugoviane e kanë në zemër, e kultivuan, u rritën me të dhe definitivisht, simboli vetëm unifikues i këtij elektorati do të ishte Ukë Rugova”, ka shtuar Naser Rugova.

Ai ka thënë se Uka ka trashëguar nga i ati karizmin, pamjen, tolerancën, durimin, urtësinë dhe qëndrueshmërinë.

Deputeti Rugova, megjithatë, nuk pret që të bëhen lëvizje të shpejta brenda dy subjekteve që janë ndarë pas Kuvendit VI Zgjedhor të LDK-së. Si hap i parë drejt bashkimit, sipas tij, do të ishte ulja e Sejdiut dhe e Dacit për të diskutuar rreth së ardhmes së përbashkët të subjekteve që i drejtojnë. Me këtë rast, ai i ka bërë apel publik presidentit Sejdiu që t’i lërë inatet dhe egot dhe të shikojë nga e ardhmja e përbashkët e “partive rugoviste”.

“Ky do të ishte hapi i parë, fatkeqësisht si alternativë e vetme për nxjerrjen e vendit nga kjo situatë dhe këtë mund ta bëjnë koalicioni LDD- LDK”, është shprehur deputeti Naser Rugova.

Burimi: http://www.gazetaexpress.com/web/index.php/artikujt/lexo/24704/C4/C13/

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31