PA ÇAMËRI NUK KA AS KOSOVË AS SHQIPËRI!

nga **Agim Gashi** Sat Feb 13, 2010 11:37 pm

PA ÇAMËRI NUK KA AS KOSOVË AS SHQIPËRI!
Shkruan Bedri TAHIRI

I nderuari Abdurrahim Ashiku,

Të njoha përmes shokut tim nga Vjena, z. Hazir Mehmeti, dhe, pasi lexova letrën e tij dhe shkrimin tënd, pashë guximin tënd intelektual e atdhetar, andaj pranoje edhe mendimin tim.
Historia na mëson se shqiptarët dhe grekët janë popujt më të vjetër në Ballkan dhe së fqinjësia e tyre, mjerisht, nuk qe e ndërsjellë. Shqiptarët besnikë përherë ishin në krahun e tyre. Sa e sa trima e luftëtarë shqiptarë ranë për ta mbrojtur Greqinë. Dhe, në me bukë e ata me gurë. Synimet e tyre grabitçare e orekset e sëmura gllabëruese kulmuan kur tërë Çamërinë e futën brenda kufijve të saj.
Mirëpo, kot, Çamëria ngeli Çamëri, ngeli Shqipëri. Dhe, kjo, në saje të punës Suaj, që, aty ku jeni qëndroni si burrat e motit, si Marko Boçarët dhe sfidoni barbarinë. U lumtë!!!
Shembulli i drejtoreshës Stela në Grevas duhet t’u shërbejë edhe grekëve të tjerë për vetëdijesim se kohët e zezonave kanë perënduar dhe se tashti ka ardhur koha për ta bërë Shqipërinë Etnike, sepse pa Çamëri nuk ka as Kosovë as Shqipëri.
Edhe mësueses Denada Karkallo i lumtë, ajo është një heroinë e vërtetë e ditëve tona. Gjuha shqipe është gjuhë e shenjtë, është gjuhë Perëndie, për të cilën meriton edhe të sakrifikohemi. Vetëm duke e ruajtur gjuhën, duke i ruajtur traditat tona të shkëlqyera, mund të mbijetojmë kudo që jemi.
Mos harroni se Çamërinë e kemi të gjithë në mendje e në zemër. Plot rrugë, lokale e sheshe në Kosovë janë pagëzuar ÇAMËRIA. Edhe Drenica heroike, që nga gjiri i vet nxori ajkën e trimërisë si: Milosh Kopiliqin, Ahmet Delinë, Azem e Shotë Galicën, Shaban Palluzhën e Mehmet Gradicën, Tahir Mehën e Adem Jasharin, është më Çamërinë e për Çamërinë.
I respektuari Abdurrahim, guximit tënd intelektual ia kam lakmi. Ashtu duhet, intelektuali duhet tu paraprijë ngjarjeve, ai është pararojë shpirtërore e popullit të vet, pavarësisht nga pasojat. Edhe njëherë, të lumtë!!!

Galicë- Drenicë Bedri TAHIRI
13 shkurt 2010 shkrimtar e publicist

Dërgoi:Monda Korça

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30