Vullnet Mato: DËSHIRË ABSURDE

nga **Agim Gashi** Fri Mar 19, 2010 10:23 am

Vullnet Mato: DËSHIRË ABSURDE 22665_1163900988873_1568334934_30345381_3410171_n

Vullnet Mato

DËSHIRË ABSURDE

Në bisedë me një mikun tim të hershëm,
dëgjova një nga dëshirat
më të habitshme,
të shprehur ndonjëherë
nga njeriu i ndershëm,
në çastet e mbilodhjes nervore të përditshme.

-Ka raste kur dua të ndjehem kafshë naive,
tha ai me seriozitetin tronditës në kulm;
madje kafshë e egër,
por jo agresive,
një katërkëmbësh në paqe
me dykëmbëshat e shumtë.

Po të kthehesha mbrapsht në origjinë,
tremijë e ca vjetë të shkuar në lashtësi,
do kisha mjaft avantazhe
mbi filozofinë,
do isha më i qetë si kafshë,
se sa si njeri.

Duke qenë kafshë e egër parahistorike,
do kisha lirinë e plotë
që u mungon njerëzve,
do isha i pa rrezikuar
nga shkallmimet e përbindshme
që na bëjnë në tru
ideologjitë e sotme moderne.

Fjala vjen,
të isha kafshë në fushatat e zgjedhjeve,
në çastet kur duhet të dëgjosh
premtime bajate,
në çastet kur politikanët
na drejtohen si budallenjve,
të na mbushin trurin me grirje sallate;

Sepse në çastet
kur flasin deputetët parlamentarë,
do vrapoja nëpër livadhe
si kalë i harbuar,
do ndiqja pelat vraparake që kullosin bar,
dhe do bëja seks si hamshor i tërbuar;

Sidomos kur ca liderë
që vijnë nga hiçi,
kërcënojnë egërsisht
se do shkaktojnë cunamin,
do i rrija pelës gjithë ditën kalikiçi
e do bëja qejf sa të bëhej “nami”.

Dhe si njëthundrak me bisht
nuk do ndjeja zemërim,
e nuk do i jepja ryshfet
zyrtarit që vështron nga duart.
Por do i fusja një shkelm në prapanicë,
kujtdo që kërkon shpërblim për punën e paguar.

Ja, pse në disa raste krejt emotive
kam ca dëshira absurde
krejt të padenja,
të ndjehem kalë i species më naive,
jo intelektual i mprehtë
me logjikë e me ndjenja...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30