LDD Gjermani: Shqipëria natyrale zgjidhja e vetme

nga **Agim Gashi** Thu Apr 08, 2010 7:07 pm

LDD Gjermani: Shqipëria natyrale zgjidhja e vetme

Nga: Fehmi RAMADANI

Padyshim se pavarësia e Kosovës ishte akti më pozitiv në Evropën
Juglindore në këtë fazë të zhvillimeve politike dhe jo vetëm që ka
stabilizuar rajonin, por ka krijuar premisa të reja për një
gjeopolitikë dhe strategji të re të faktorit shqiptar në rajon. Me këto
premisa të reja gjeopolitike, përfundimisht do të zgjidhet drejt
problemi shqiptar në Evropën Juglindore. Kështu, kohën e fundit, jo
rastësisht kanë marrë hov deklarimet e llojllojshme të njerëzve me
ndikime të ndryshme në politike, si në Beograd, por edhe në arenën
ndërkombëtare. Sipas këtyre deklaratave në Evropën Juglindore,
përkatësisht në Ballkan pas një periudhe 5-10 vjeçare do të vjen deri
te ndryshimi i kufijve të shteteve të tanishme dhe një ristrukturim i
ri shtetesh.Mirolub Labus, një ish funksionar i lartë në Beograd i
Grupit G17, njëherësh ish-nënkryetar i Qeverisë serbe kishte deklaruar
se pas 10 vitesh rajoni i Ballkanit do të ketë një transformim tjetër
dhe do të vjen deri te bashkimi i Kosovës dhe trojeve tjera shqiptare
me Shqipërinë, por edhe i bashkimit të entitetit serb të Bosnjës me
Serbinë. Pra, sipas tij nuk do të ketë Maqedoni, por as Bosnjë
Hercegovinë. Ky politikan ka paralajmëruar bashkësinë ndërkombëtare se
duhet të gjendet e përgatitur për sfidat e ardhshme të këtij
rajoni.Edhe shumë analistë dhe politikanë tjerë të huaj, si në Evropë
dhe SHBA kanë parashikime të ngjashme për perspektivën e rajonit të
Ballkanit. Daniel Server, drejtor i Institutit për paqe në Uashington
ka një kohë të gjatë që tërheq vëmendjen e politikës amerikane, por
edhe të tjerëve për mundësinë e ndryshimit të kufijve në Ballkan. Më
herët, ish-sekretarja amerikane e shteti znj. Medeline Allbrajt para
Konferencës së Rambujesë kishte deklaruar se shqiptarëve në Ballkan u
duhet ndihmuar vetëm në një çështje, e kjo është përmirësimi i gabimit
të Konferencës së Londrës të vitit 1913, me ç’rast trojet shqiptare
ishin ndarë nëpër disa shtete të Ballkanit.
Tani, kur është projekti i Shqipërisë Natyrale, politika shqiptare e ka
shumë më lehtë të detyrojë Beogradin ta njohë pavarësinë e saj. Kjo do
të ndodhë vetëm atëherë kur Tirana dhe Prishtina pajtohen për projektin
në fjalë dhe dalin bashkë para Bashkësisë ndërkombëtare dhe Beogradit.
Pa asnjë dyshim, Beogradi do të nxitojë të njohë pavarësinë e saj,
sepse Shqipëria Natyrale, përfundimisht varrosë të gjitha ëndrrat serbe
për dominimin në Ballkan. Këtë formulë e dinë të gjithë shqiptarët,
përveç klasës politike të saj, e cila deri më tani është shfaqur shumë
indiferente ndaj këtij projekti. Ky bashkim do të jetë i mundur në
formë paqësore dhe demokratike, sepse është projekt shumë i drejt dhe
mund të konsiderohet si çelës kryesor i zgjidhjes shqiptare në Evropën
Juglindore. Ky projekt siguron bashkim sa më të shpejt në projektin e
Evropës së Bashkuar, paqe, stabilitet afatgjatë, zhvillim ekonomik,
prosperitet të përgjithshëm shoqëror për shqiptarët, por edhe për
popujt tjerë të rajonit dhe më gjerë. Ky projekt garanton që Evropa
Juglindore për një kohë të gjatë nuk do të ketë konflikte dhe situata
të tensionuara dhe do të jetë një e mirë e përgjithshme për të gjithë
popujt e rajonit.

Burimi: http://www.lajmishqip.com/?p=13364

Foto: http://www.ldd-bos.de/index.html

Shqipëria natyrale zgjidhja e vetme!!!

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31