Fadil Demaku: Rugova nuk ka nevojë për mbrojtjen time

nga **Agim Gashi** Thu Apr 15, 2010 3:33 pm

Fadil Demaku: Rugova nuk ka nevojë për mbrojtjen time

Dr. Ibrahim Rugova nuk ka nevojë për mbrojtjen time dhe të askujt tjetër.
Duke mbrojtur figurën e tij të madhërishme mbrohet demokracia dhe liria njerëzore, që aq shumë i mungon njeriut kosovar edhe pas pavarësisë. Pavarësia pa liri nuk ka kurrfarë kuptimi.

Fadil Demaku: Rugova nuk ka nevojë për mbrojtjen time 23464_1260844569654_1485887649_677255_810319_n

Ja ku është e djathta e bashkuar kosovare. E gatuar nga Rugova dje.
Mjerë ai që nuk e sheh. Asaj i duhet një saç i ngrohur për ta vënë në funksion
dhe ta shijoi populli i uritur pë liri e drejtësi(si për fli).

Rugova, tashmë ka vdekur, prandaj është e pakuptimtë edhe përpjekja për të ruajtur me aq fanatizëm veprën e tij, siq vepron ti, shpesh më thonë miq dhe kolegë.Disa më akuzojnë se kam ngelur në të kaluarën, sa herë bëj përpjekje të hyj në bisedat mbi aktualitetin politik në Kosovë. Një gjë pajtoj plotësishtë se Rugova ka vdekur. Eshtë ndarë fizikisht nga ne, por jo vetëm kaq. Ka vdekur edhe demokracia rugoviane në ditën e përçarjes së LDK-së së tij. Mjerishtë edhe kjo është e vërtetë. Më dhemb në zemër, por më duhet të pranoj këtë fakt.
Ai ka vdekur nëpër format e organizimit politik të Kosovës, përndryshe ai jeton te secili njeri liridashës kosovar, por kujt do t'i besohet ribashkimi i tyre, kur dështuan edhe ata që më së shumti thirreshin në emrin e Dr.Ibrahim Rugovës?!
Rugoven nuk e vranë atentatet e SHIK-ut, ato e ngriten edhe më shumë. Rugovën nuk e gjunjëzuan dot ata që e fyenin, sepse ai i vriste me buzëqeshje. Rugovën "e vranë", pikërishtë ata që fshiheshin pas emrit të tij dhe bënin njëmijë të zeza, duke brohoritur emrin e tij.
Rugovën "e vrau" Eqrem Kryeziu (Karaxhiqi i Prizrenit, siç e quan miku ynë John Eagle) në ditën e shkatrrimit të LDK-së. Rugoven "e vrau" Nexhat Daci me LDD-në e tij i dëshmuar për keqpërdorime edhe si ish kryetar i Parlamentit të Kosovës.
SHIK-u dhe format e veprimit ilegal si dhe keqpërdorimet e Qeverisë Aktuale dhe PDK-së kanë vënë në lojë gjakun e bashkëluftëtarëve- dëshmorëve të kombit, duke u thirrur në të edhe kur kryejnë krime kundër njerëzimit dhe pasurisë kombëtare, ndërsa i kanë rritur vlerat ideologjisë rugoviane, por jo edhe partive që thirreshin në këto ideale; LDD-së dhe LDK-së. Ato për nga mënyra e veprimit ranë në nivelin e njejtë, prandaj në masë humbi interesimi për politikë dhe për dalje në votime.
Cilin të votosh krejt njësoj! Merr hajnin, le hajnin i thonë kësaj pune.
Në Kosovë duket sikur e djathta mbaroi. Kanë ngelur zëre të çjerra, aty-këtu, por...
Edhe njerëzit e Dacit edhe ata të Sejdiut i qofshin falë të majtës. I lus të shkojnë bashkarishtë me krerët e PDK-së dhe të përulen para Albin Kurtit dhe Vetvendosjës, si alternativë e vetme e ekzistencës ë tyre afatëgjatë.
E djathta kosovare duhet të zgjohet nga gjumi, o sot o kurrë. Dr. Ibrahim Rugova nuk vdes dot. Nuk mund ta lëndoj as Daci, as Sejdiu, as Eqremi. Demokracia e mirëfilltë kosovare do të zbardhë një ditë domosdo. SHIK-u mund të vras edhe dhjetëra intelektualë. Forcat regresive do të përpiqen të kryejnë detyrën e tyre, duke njollosur kuadrot më të mira kosovare. Konzervativja dhe progresivja gjithëmonë do të jenë në dyluftim. Po atë ditë që do të nis demokracia e re humane në Kosovë, do të rilind edhe Dr.Ibrahim Rugova.
Unë kur mbroj Rugovën mbroj demokracinë, humanizmin, mirëqenjen njerëzore. Mbroj lirinë, për të cilën aq shumë ka nevojë njeriu kosovar sot. Unë nuk kam nevojë të mbroj figurën e Rugovës, sepse ai si askush tjetër në historinë kosovare u shkri për këtë pavarësi që po e gëzojmë, por edhe për lirinë që aq shumë po na mungon.Rugova nuk ka nevojë për mbrojtje, por Ai është Liria dhe barazia mes njerëzve me mendime pluraliste politike. E Rugova nuk ka nevojë për mua, por populli im ka nevojë të luftojë të keqen, korrupcionin, hajninë, të luftojë "Maskarenjtë" e Ali Asllanit, që ngrysen bosh e zgjohen milionerë, derisa populli vdes urie...
Ne kemi nevojë për Rugovën, jo Rugova për neve.
U bëj Apel të gjithë qytetarëve , që mendojnë se vërtetë Rugova duhet të ringjallet edhe njëherë dhe dyfish më i fuqishëm nga që ishte dje, të bashkohen dhe t'u thonë lamutumirën e fundit Dacave dhe Eqremave, për një të nesërme më të mirë dhe më demokratike dhe të ftojmë këta zëra të humbur të bashkohen për të krijuar një të djathtë rugoviane, që do të garantoj liri për njeriun dhe respekt e sakrificë për forcimin e një shteti të Ligjit dhe së Drejtës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30