Të shtëna armësh në kufi, gjithçka misterioze

nga **Agim Gashi** Fri Apr 30, 2010 1:04 am

Të shtëna armësh në kufi, gjithçka misterioze

Breshëri
armësh, fluturime helikopterësh dhe rrëmujë e madhe ka ndodhur mëngjesin
e së enjtes në zonën kufitare midis Kosovës dhe Maqedonisë, me ç`rast
është regjistruar përleshje midis njësiteve speciale të MPB-së dhe një
grupi të armatosur. Ministria e Brendshme në Shkup ka zbardhur një pjesë
të detajeve të incidentit, duke konfirmuar edhe gjetjen e një sasie të
konsiderueshme të armëve, ndërsa policia e Kosovës ka heshtur për
incidentin
Të shtëna armësh në kufi, gjithçka misterioze Fshati0

Të shtëna armësh në kufi, gjithçka misterioze Fshati0

Shkëmbim zjarri pranë kufirit Kosovë-MaqedoniNë zonën kufitare midis Kosovës dhe Maqedonisë po
rikthehen fluturimet e helikopterëve dhe prania e shtuar e njësiteve
policore – ushtarake në të dyja anët e kufirit. Gjithçka ka plasur në
një nga zonat e thella të kufirit midis këtyre dy vendeve, kur njësitet
speciale gjatë kontrollit të terrenit janë përballur me një grup të
armatosur, i cili sipas versionit zyrtar policor ka filluar të sulmojë
njësitet policore. Ministria e Brendshme e Maqedonisë ka konfirmuar
incidentin, duke theksuar se pas të shtënave, personat e armatosur kanë
braktisur vendin e ngjarjes.

“MPB-ja po vazhdon kërkimin e tyre dhe se nuk dihet se ata akoma janë
në territorin e Maqedonisë apo kanë ikur në drejtim të territorit të
Kosovës”, ka theksuar zëdhënësi i MPB-së, Ivo Kotevski.

Ministria e Brendshme me këtë rast ka gjetur edhe një sasi të
konsiderueshme të armëve të kalibrave të ndryshëm, të cilët ishin
fshehur në katër bunkerë special, që ruheshin nga grupi i armatosur. MPB
ka bërë të ditur se grupi supozohet se përbëhej prej rreth 12 personave
të armatosur, mirëpo deri tani nuk janë dhënë detaje të tjera.

Nga ana tjetër, Ministria e Brendshme e Kosovës nuk është përgjigjur
zyrtarisht për incidentin, por ka theksuar se bëhet fjalë për
kontrabandë armësh.

Zëdhënësi i MPB-së së Kosovës, Veton Elshani i është shmangur
pyetjevelidhur me incidentin.

Mediat maqedonase të afërta me Qeverinë kanë bërë të ditur se në
përleshjen me armë në kufi janë evidentuar dy persona, që sipas tyre
janë arrestuar nga policia e Kosovës. Sipas tyre, bëhet fjalë për Selman
C. dhe Avni R, me ç`rast ky i fundit është plagosur dhe më pas ka
arritur që të ikë nga Spitali i Prishtinës, ku ishte dërguar për shërim.
Nuk jepen detaje të tjera lidhur me këtë incident dhe kush janë
personat të cilët kanë shtënë me armë në kufi.

Lidhur me këtë incident nuk janë deklaruar as partitë politike,
ndërkohë, dy ditë më parë bashkësia ndërkombëtare nëpërmjet një
deklarate të përbashkët ka shprehur brengosje për zhvillimet e situatës
në Maqedoni, sidomos rreth çështjes së bllokimit të proceseve
evrointegruese dhe për ngecjen e zbatimit të Marrëveshjes së Ohrit.
(ina)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30