Matoshi: Mos intonimi i himnit kombëtar nuk ishte gabim

nga **Agim Gashi** Thu Mar 05, 2015 8:57 pm

Matoshi: Mos intonimi i himnit kombëtar nuk ishte gabim

Analisti dhe njohësi i çështjeve politike, Halil Matoshi, ka thënë se mos intonimi i Himnit Kombëtar, gjatë ceremonisë së “Epopesë së UÇK-së”, nuk ishte një gabim.

Ai thotë se gjatë ditës së sotme nuk është bërë asgjë tjetër, përveç se është respektuar portokoli i shtetit,dhe ka shtuar se akuzat drejtë shtetarëve kosovarë janë false pasi ato mësyjnë shtypjen e identitetit.
Këto qëndrime të Matoshit vijnë menjëherë pas reagimit të Bekim Jasharit, i cili gjatë fjalimit të tij, e ka quajtur turp mos intonimin e Himnit Kombëtar gjatë ditës së sotme, me rastin e Epopesë së UÇK-së.
“Respektet ma t’nalta Jasharve dhe flisë së tyne për me u ba dritë në Kosovë.
Por, shtetarët kosovarë sot në Prekaz nuk kane ba asni gabim – thjesht e kanë respektue protokolin e shtetit – me intonimin e hymnit kosovar, prandej cdo akuzë qe ata marrin, përse nuk na qenka intonue “Himnin Kombetar” asht false dhe mesyne shtypjen e identitetit (dhe entitetit juridiko-politik) kosovar ne qoshet ma inferiore kundrejt ni piemonti nacionalist te shekullit 19-20. Kjo qasje synon t’i jap legjitimitet ni zyre apo instance per me leshu certifikata patriotike, poashtu false, si diplomat e Universitetit te Pejes. Sipas Smith-it uniteti përmes diversitetit (similarity- cum- dissimilarity) është njëra formë e të kuptuarit të identitetit nacional. (Smith, 1991 : 75). Filozofi John Stuart Mill ka shkruar se kombi përbëhet nga njerëz që pajtohen të jetojnë nën një qeveri të përbashkët…” (Mill 1910)” ka shkruar Matoshi në profilin e tij zyrtar.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31