Rrokaqielli i Nju Jorkut që refuzon të bëjë dritë për Nënë Terezen

nga **Agim Gashi** Thu Jun 10, 2010 10:33 pm

Rrokaqielli i Nju Jorkut që refuzon të bëjë dritë për Nënë Terezen

BEQIR SINA, New York

Shtypi dhe opinioni njujorkez të shqetësuar

Lidhja Katolike Amerikane, me presidentin Bill Donohue, dje, i quajti pronarët e Empire State Building si "bigots"- që do të thotë sektar fanatik(ose racista), për refuzimin për të nderuar Nënë Terezën

Empire State Building nuk dëshiron të respektojë “gati asgjë me dritat e saj”. Edhe pse dërtesa më lart në Nju Jork, ndërtesa që shihet edhe nga dy shtete larg, Nju Xhersi dhe Kenektiket, do të ndriçohet nga prozhektorët me ngjyrë të verdhë, për nder të ditës së Aleancës së Artistëve dhe Shkrimtarëve për të rinjtë, nesër, kjo ndërtesë do të ndezë prozhektorët në ngjyrë blu, të gjelbër dhe të verdhë, për të nderuar gjatë gjithë kësaj jave atë që këtu thirret Java e Karaibeve.
Jo më larg se tetorin e vitit të kaluar, Empire State Building me prozhektorët e tyre, ndriçuan për herë të pare edhe të vdekurit, si përkujtim i Ditës së Mirënjohjes. Por, ndërtesa më e lart e qytetit me afro 120 kate, thuhet se e ka refuzuar kërkesën e Lidhjes Katolike në SHBA-s, presidentit të saj Bill Donahue, për të ndriçuar Empire State Bulding në prozhektorët me ngjyrë bardheblu për kujtuar 100 - Vjetorin e ditëlindjes së Nënë Terezës, më 26 gusht. Sot,debateve që jan hapur në Nju Jork, se përse Empire State Bulding, në mes të qytetit nuk dëshiron të respektojë “gati asgjë me dritat e saj”, përfshiu edhe Këshillin e Bashkisë së Qytetit të Nju Jorkut, anëtarin e Këshillit të Bashkisë së Qytetit, avokatin Peter Vallone Jr., i cili ka propozuar, sot, zyrtarisht një projekt-ligj, që kërkon nderimin nga Bashkia e Nju Jorkut, me rastin e 26 Gushtit, te 100 Vjetorit te ditëlindjes së Nënë Terses, fitues së çmimit Nobel për Paqe ;“për të ndriçuar ndertesen Empire State Bulding, me prozhektorët ndriçimi ESB me ngjyrë bardheblu.

Refuzojnë edhe kërkesën e Bashkisë së Nju Jorkut
Peter Vallone Jr., u tha sot gazetarëve njujorkez, se Nëna Tereze e meriton këtë të mirë, me anë të këtij ndriçimi prestigjoz në zemër të qytetit tonë, më 26 Gusht, në kujtim të 100 Vjetorit të Ditëlindjes, në metropolin botëror, qytetit të afro 12 milion banorëve, Nju Jorkut. Ajo, është një nga gratë e historisë së mëdha, që ka njohur ndonjëherë njerëzimi", thotë Vallone. Për, shkak, se nuk ka mënyrë më të mirë për të nderuar se sa, kjo, për Nju Jorkun, qytetin tone, ku ajo e vizitoi disa here, dhe në lagjen Bronks, ajo pati ngritur edhe qendrën e të Varfërve”.
Vallone, thotë se megjithëse Bashkia e Nju Jorkut, bëri kërkesë zyrtare, ai kurrë nuk e mori një përgjigje të drejtë nga zyrtarët e ndërtesës, se pse ata e kanë injoruar edhe kërkesën e Lidhjes Katolike Amerikane. Megjithëse, theksoi ai edhe pse oraret dhe netët e ndriçimit janë të zëna vetëm deri në 5 korrik, kështu që është e paqartë se pse ata nuk kthejnë përgjigje, apo ndoshta kanë në plan për të nderuar në atë vend - dike tjetër, po ato ditë. Beteja, thuhet se po bëhet sipas tyre, për të nderuar një grua çifute Manzikert Shortz, e cila, sipas pronarëve të Empire State Bulding, është Dita e Grave për Barazi. Vitin e kaluar, ndriçimi i ndërtesës, shkoi i gjithë në të bardhë për gati dy javë që rrethojnë datën, me prozhektoret e standardit "ESB ndriçimit,", kështu që ata do t’u shërbejnë atyre që i paguajnë më “mirë”, edhe për të paktën kësaj here për të festuar diçka.” tha duke akuzuar pronarët, e kesaj ndërtesë anëtari i Këshillit të Bashkisë së Qytetit të Nju Jorkut, Peter Vallone Jr.
Lidhja Katolike Amerikane, me presidentin Bill Donohue, dje, i quajti pronarët e Empire State Building si "bigots"- që do të thotë sektar fanatik(ose racista), për refuzimin për të nderuar Nënë Terezën
Ai tha se grupi i tij kërkoi deri në realizimin e kërkesës që ndërtesa Empire Statet Bulding më 26 gusht të shkëlqejë e gjithë si ndërtesë në prozhektoret “ndriçimi ESB ” blu dhe të bardha - ngjyrat, karakteristike të veshjes së Nënë Terezës – pikërisht, më 26 gusht për të nderuar Njëqind Vjetorin e Lindjes së të ndjerës, fitueses së Çmimit Nobel për Paqe . Kërkesa, e cila nga pronarët dhe presidenti i ndërtesës, çuditërisht ishte refuzuar me një letër, e cila, nuk konsiderohet zyrtare sepse është e panënshkruar, dhe është me faks letër, tha Donohue duke shtuar se faks letra, " kurrë nuk dha nga ata një shpjegim zyrtar." Për këtë çështje ndërhyri edhe kryetarja e Këshillit të Bashkisë së Qytetit, të Nju Jorkut, Christine Quinn. Ajo tha se kishte folur dje me një nga pronarët,e Empire State Building , Anthony Malkin, i cili, i tha asaj se "do të reflektojë mbi pikat që ata kanë bërë më parë për ta rifreskuar përgjigjen." Quinn, tha se përgjigjja e sakte duhet të jetë këto ditë, dhe shpreson se do te jete pozitive, pas gjithë këtyre kërkesave zyrtare, dhe përpjekjeve të Lidhjes Katolike Amerikane pra: "Po do të ndriçojmë ndërtesën Empire State Bulding, qoftë edhe një natë për të nderuar Nënë Terezën më 26 Gusht."
Pronari i Empire State Building Andrew Malkin, u tha gazetarëve sot, duke lexuar një deklaratë, të tyre, se "Sipas pronësisë private, ndriçimi ESB, ndërtesës Empire State Building, në Nju Jork, ka një politikë të veçantë, e cila është sipas tij kundër çdo ndriçimi tjetër për figura fetare ose kërkesave të feve dhe organizata fetare." Ai gjithashtu vuri në dukje se ndërtesa me vendim të posaçëm, nderon për çdo vit me ndriçimin e ndërtesës, vetëm disa festa fetare si; Krishtlindjet, Hanukkah dhe kësaj radhe për herë të parë, edhe Fitr Bajramit. Dhe kemi pas të drejta të mjaftueshme, siç është ai rastit për ndezjen e dritave për vdekjen e Papa Gjon Palit II në vitin 2005. Një zëdhënës i ESB, tha në atë kohë, se kjo u bë meqenëse "Ne, solemnisht i bëmë një nder të veçantë këtij njeriu të madh, simboli i paqes dhe trashëgimia që ai lë për brezat e ardhshëm." Ndërsa ai pranoi se tash pra më 26 Gusht, pronaret e shohin si disi edhe pak të diskutueshme, ndriçimin e ndërtesës për atë date, që do t’i dedikohet Nënë Tereses.
Të rikujtohet nëna e Kalkutës së famshme

Shtypi njujorkez dhe opinionet e qytetarëve janë se “është koha për Empire State Building për të rivlerësuar kriteret e saja të posaçme me dritat e saja. Javën e kaluar, me aspak të drejt dhe pa asnjë fare “justifikimi”, shkruajnë, sot, pothuajse të gjitha të përditshmet e Nju Jorkut, Empire State Building , refuzoi ndriçimin ndërtesës më 26 Gusht, duke hedhur poshtë kërkesën e Lidhjes Katolike Amerikane, që në nderim të Njëqindvjetorit të Lindjes së Nënë Terezës, qe i bie më 26 gusht, nga ndriçues me prozhektor ndriçimi EBS në një ekran gjigand në tre-nivele, të ndriçohet blu-bardhë-blu. Qëllimi është, shkruajnë gazetat e Nju Jorkut, për të kujtuar “gruan e Kalkutës së famshme’’ "Engjëllin e mëshirës", bijën me origjinë shqiptare, atë që bëri, gjithçka në të merren njerëzimit, njeriut që la pas të gjitha ato të mira që pa Bota, Ajo qe patë marrë edhe Çmimin Nobel të Paqes dhe Medaljen Presidenciale të Lirisë në SHBA. Mirëpo, kaq të çuditshme, janë këta “racistët” e Empire State Building, sa me pa pikë paturpësie në vjeshtën e kaluar e ndriçuan për tre net ne ngjyre të kuqe dhe të verdhë, me ndriçimin EBS, për të përkujtuar 60 vjetorin e Revolucionit komunistë kinez - themelues i të cilit, ka qenë diktatori komunist kinez Mao Zedong, revolucion që siç dihet historikisht çoi deri në vrasjen e 77 milion njerëzve në Kinë, dhe refuzojnë atë qe quhet nëna e gjithë botës, Nenë Terezen.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30