Zbulohen emrat e 4 viktimave në Viti

nga **Agim Gashi** Tue Jun 22, 2010 1:22 am

Zbulohen emrat e 4 viktimave në Viti

Zyrtarë nga Policia e Kosovës konfirmuan se të vrarët janë dy shqiptarë nga Kosova dhe dy nga Maqedonia

(E plotësuar) Burime ende jozyrtare kanë treguar për identitetin e viktimave të rastit të vrasjes së sotme në Viti.
Sipas informacioneve jozyrtare, personat e vrarë janë: Qenan Ademi (1981) nga fshati Nikushtak dhe Qazim Bakija (1986) nga fshati Nikushtak si dhe Qemal Agushi (1983) nga fshati Sllupçan.
Nga ana tjetër, në mesin e viktimave bëhet i ditur edhe emri i shtetasit të Kosovës, Bardhyl Fetahu.
Sipas Policisë së Kosovës, ata u vranë në orët e hershme të mëngjesit të sotëm nga persona të panjohur në një pritë të organizuar në aksin rrugor Viti-Kllokot.
* * * * * *
Katër persona janë vrarë si pasojë e një përleshje të armatosur që ka ndodhur gjatë orëve të hershme të ditës së sotme në rrugën Viti Kllokot. Zyrtarë nga Policia e Kosovës konfirmuan se të vrarët janë dy shqiptarë nga Kosova dhe dy tjerë nga Maqedonia.
Zëdhënësi rajonal i Policisë, toger Ismet Hashani bëri të ditur se përleshja e armatosur ka ndodhur rreth orës 02:00 të mëngjesit në rrugën Viti - Kllokot.
Ndërkohë Policia ende nuk ka bërë të ditur identitetin as motivet e kësaj vrasje të katërfishtë, por hetimet për ngjarjen janë duke vazhduar ende.
"Unë tani mund t'u konfirmoj se janë katër persona të vrarë dhe që të gjithë janë shqiptarë, kurse edhe një tjetër është i plagosur. Hetimet janë duke u bërë dhe më vonë do të japim detajet tjera", ka thënë Hashani.
Besohet se të katër të vrarët janë shqiptarë dhe prej tyre dy shtetas të Kosovës dhe dy të tjerë shtetas të Maqedonisë.

Bota sot

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30