“Me shpirt jam shqiptar, prandaj flas shqip!

nga **Agim Gashi** Mon Jul 12, 2010 11:12 pm

“Me shpirt jam shqiptar, prandaj flas shqip!

BEQIR SINA, New York
Këshilli Kombëtar Shqiptaro Amerikan (KKSHA), bëri fushatë fondmbledhëse, për kongresmenin Glenn Nye. Mori pjesë edhe kongresisti demokrat nga Nju Jorku, Eliot Engël

Në lokalin e njohur në qendër të Nju Jorkut, me emrin "Club A Steakhouse", pronari, një aktivistë i vjetër shqiptar, nga Vuthajt, Bruno Selimaj, më 8 korrik, Këshilli Kombëtar Shqiptaro Amerikan (KKSHA), bëri fushat tipike amerikane, fondmbledhëse, kësaj radhe për kongresmenin Glenn Nye, përfaqësues i District 2nd në Virxhinia. I cili, po rikandidon në këtë zonë elektorale, për një mandat të dytë në Kongresin Amerikan. Në këtë takim morën pjesë, aktivistë dhe veprimtarë të dalluar të komunitetit shqiptaro-amerikan dhe përfaqësues të Këshillit Kombëtar Shqiptaro -Amerikan (KKSHA), afaristë e biznesmen të suksesshëm.
Zoti Xhim Xhema, Harry Bajraktari, Cafo Boga, Nino Pjetri, Zenel Bajraktari, Patrick Devine, Lumi Hadri, dhe kryetari i KKSHA-s, Martin Shkreli, e shfrytëzuan takimin me Kongressmenin Glenn Nye, përfaqësues i District 2nd në Virxhinia, për t'i shprehur atij dhe kongresistit demokrat nga Nju Jorku, Eliot Engël, edhe një herë mirënjohjen për mbështjetjen e tyre, për një sërë çështjesh shqiptare, sidomos pavarësinë e Kosovës dhe anëtarësimin e Shqipërisë në NATO dhe strukturat euro-atlantike.
Falënderime për presidentët amerikan, Bush e Klinton
Kryetari i KKSHA-s, Martin Shkreli, e vlersoi lart kongresmenin Glenn Nye, i cili tha Shkreli "Duke i u bashkëngjintur kongremenve të tjerë, grupit të kongresmenve, "Albanian Csucas:, në Kongresin e SHBA-ve, si mikut të madh të shqiptarëve, bashkëkryetarit të këtij grupi Eliot Engel, dhe të tjerve, ai u bë edhe vetë mbështetës dhe përkrahës për “shpresat dhe aspiratat e popullit shqiptar”, në Ballkan, të ndihmoj pavarësinë e Kosovës dhe çështjet e tjera shqiptare".
Gjatë fjalës së tij veprimtari i dalluar Harry Bajraktari, nënvizoi rëndësinë e vazhdimit të përfshirjes së SHBA-ve në Ballkan, sidomos në Kosovë, tash kur ende nuk është zgjidhur problemi i Mitrovicës. Bajraktari, shprehu mirënjohje për mbështetjen e madhe që na ka dhënë Presidenti Klinton, Bush dhe kongresmenët, senatorët, si dhe zyrtarët e lartë të qeverisë Amerikane, të cilët kanë dëshmuar ndaj përpjekjes së kryesuar nga SHBA, për çlirimin dhe pavarësinë e Kosovës, anëtarësimin e Shqipërisë në NATO dhe strukturat euro-atlantike, dhe shtytjen përpara të një sërë çështjesh të shqiptarëve, si ato në Kosovën Lindore, Maqedoni e Mal të Zi.
Ndërsa veprimtari Cafo Boga, kërkoi nga kongresmenët Egel dhe Nye, mbështetjen konkrete në rajon nga SHBA-të, për të ndihmuar me zbatimin e" Marrëveshjeve për Implementim", si në Maqedoni, Mal të Zi, Preshevë, Medvegje e Bujanovc. Zoti Boga tha, se "vërtet se gjendja e shqiptarëve Maqedoni, Mal të Zi, Preshevë, Medvegje e Bujanovc, nuk është ajo e para 10 vjetve, por, atje ka probleme dhe çështje që duhen zgjidhur, për ndihmuar dhe vetë ato vende si Maqedonin, Serbinë dhe Malin e Zi , të integrohen në Europë", tha ai.
Të pranishmit kërkuan vazhdimin e përfshirjes amerikane në rajon, si në Maqedoni, Serbi, Malin të Zi dhe, ku ekzistojnë një sërë çështjesh të rëndësishme për të gjithë shqiptarët, që jetojnë atje.
Engel: Mitrovica është pjesë e pandarë e Kosovës

Miku i madh i shqiptarëve, kongresisti demokrat nga Nju Jorku, Eliot Engël, tha se e përshëndet vendimin e " Parlamentit Evropian, që me shumica votash ka miratuar Rezolutën për Kosovën, me anë të të cilës ftohen vendet anëtare të cilat nuk e kanë njohur pavarësinë e Kosovës, që t'a bëjnë atë. Ai tha se përshëndeste të gjitha ato vendet anëtare të BE-së që e njohin pavarësinë e Kosovës, ndërsa shprehu keqardhjen, për Greqinë, Qipron, Spanjën, Sllovakinë, Rumaninë, që e kanë kundërshtuar atë.
Kongresmeni demokrat i Nju Jork-ut, Eliot Engel, ka përsëritur qëndrimin e tij për gazetën Bota Sot, duke thënë se " Mitrovica është pjesë e pandarë e Kosovës, as edhe një centimetër nga territori i Kosovës nuk do të ndahet, pavarësisht problemeve që ka tani atje.Sipas Kongresmenit demokrat i Nju Jork-ut, Eliot Engel, “Serbia, nëse vazhdon të tentoj ndarjen e Kosovës, humb kohë dhe rrezikon integrimin e saj në Evropë”, thekson kongresmeni me ndikim Engel.
Kongresisti Glenn Nye, përfaqëson Qarkun numër 2( District 2th) në shtetin e Virxhinias, zonë elektorale e cila përfshin bashkësitë e zonës Rruga Hampton( Hampton Road) dhe Bregun Lindore(East Shore). Ai është një anëtarë i gjeneratës së pestë të rrethit të tij familjar në SHBA-ës. Nye ka qënë një ish-oficer i lartë Shërbimit të Jashtëm Amerikanë, të cilët i kaluan me këtë shërbim më shumë se dhjetë vite jashtë SHBA, për të shërbyer në zonat e konfliktit në mbarë botën duke përfshirë edhe Kosovën, Maqedoninë, Irakun dhe Afganistanin. Kongresisti Glenn Nye, tash po ri-kandidonë, në të njëjtin distrikt, për një termë tjetër, në zgjedhjet e 3 nëntorit. Ai në përpjekjet e tij, për rindërtimin në Kosovë në vitin 2001, mori nga Departamenti i Shtetit, Çmimin e Lartë i Nderit. Ky kongresmen është shquar për organizimin e shpëtimit të 26 qytetarëve amerikanë, si dhe për të negociuar lirimin e një pengu amerikan. Nye ishte caktuar pranë ambasadës së SHBA në Singapor, ku ai ndihmoi për të negociuar marrëveshje të pronës intelektuale që mbrohet biznesi amerikan dhe sipërmarrës.
Glenn Nye u betua si Përfaqësuesi i ri i Qarkut 2 nga Virxhinia e më 6 janar 2009. Ai është anëtarë në Komitetin e Shërbimeve Ushtarake, atë të Dhomës dhe të Punëve të Komitetit të Veteranëv, dhe ka shërbyer si kryetar i nënkomitetit të vogël, në Shtëpinë e Biznesit të Kontraktuese dhe të Teknologjisë.
Ligjvënësi Glenn Nye nga Virxhinia i cili ishte i pranishëm mbrëmë në këtë takim fondmbledhës, tregoi me krenari, se është i vetmi anëtar i Kongresit Amerikan që di të flasë shqip. “Kur më pyesin nëse jam me prejardhje shqiptare, unë u them se me shpirt jam shqiptar” thotë kongresisti Nye, i cili gjuhën shqipe e ka mësuar gjatë qëndrimeve me punë në Kosovë e mes shqiptarëve në Maqedoni, përpara se të zgjidhej në Kongres si përfaqësues i shtetit të Virxhinias. Takimin e fundit me shqiptarët, ai tha se e pati në një nga mjediset e Kongresit amerikan më 28 prill, kur u përurua ekspozita me titull: "Nënë Tereza - Gonxhe Bojaxhi, simbol i gjallë i dashurisë dhe dinjitetit njerëzor", në prani të një numri anëtarësh të kongresit dhe shqiptaro-amerikanësh.

Bota sot

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30