DIANA ISMAILI ~ "Gezim Uruci Eksploratori më i madh shqiptar i të gjitha

nga **Agim Gashi** Sun Jul 18, 2010 12:02 pm

SHKODËR -Ka qenë vetëm 5 vjeç, kur në vitin 1950 së bashku me babanë e tij, zbuluan shpellën e Gajtanit pranë fshatit Gur i Zi në Shkodër. Ky ishte vetëm fillimi i një pasioni të madh në fushën e speleologjisë për shkodranin Gëzim Uruçi, i cili konsiderohet si eksploratori më i madh shqiptar i të gjitha kohërave. 62-vjeçari është eksplorues i rreth 3200 shpellave në të gjithë botën dhe mban titullin Profesor Honoris në shkencat speleologjike. Ndonëse 12 vjet më parë një sëmundje e la invalid, ai me një përpjekje mbinjerëzore e mposhti atë. Edhe pse me paterica, Uruçi është pjesë aktive e ekspeditave ndërkombëtare. Shkodra njihet si qyteti që ka nxjerrë emra të shquar në fushën e artit, kulturës dhe të shkencës. Një prej tyre është Gëzim Uruçi. Në vitin 1994, Unioni Internacional i Speleologjisë në Bruksel i dha titullin Profesor; Federata Bullgare e Speleologjisë dhe Unioni Internacional i Astronomisë, e kanë nderuar me medalje; më 1994, në Spanjë iu dha çmimi "Juri Gagarin". Ndërsa më 2001, Instituti Biografik i Kembrixhit e përfshiu ndër intelektualët më të shquar të botës. Uruçi është përfshirë në 8 enciklopedi ndërkombëtare, ku e fundit është ajo e vitit 2006 (enciklopedia e speleologjisë së Bullgarisë). Aktualisht, 62-vjeçari që nderoi e nderon qytetin e tij të lindjes dhe Shqipërinë në arenën ndërkombëtare, merr pjesë çdo vit në mjaft konferenca ndërkombëtare
PASIONI PËR
SPELEOLOGJINË
Gëzim Uruçi, pasionin për zbulime e kërkime e ka trashëguar nga babai i tij, Myftar Uruçi. Ky i fundit, i diplomuar në Perëndim, në vitin 1936, krijoi në Shkodër me disa shokë të tij, shoqërinë e bjeshkatarëve e shpellarëve, si pjesë e shoqërisë "Vllaznimi". Po nga babai, Gëzimi trashëgoi dhe pasionin për alpinizmin. Në vitin 1970, ai krijoi grupin e parë të speleologëve shqiptarë. Por sipas urdhrit të dhënë nga qeveria e asaj kohe, ky grup speleologësh duhet të shkonin vetëm në disa shpella për eksplorim, si në atë të Jubanit dhe Zhylës në Shkodër; Pirogashit në Jug dhe e Piratëve në Dhërmi. Zhvillimi i speleologjisë do i çonte arkeologët në zbulime të rëndësishme; si mbishkrime të lashta; instrumente litikë; piktura neolitike, siç janë ato në shpellat e Dukagjinit e Këlmendit në Shkodër; në shpellën e Trenit në Korçë; në shpellat e Karaburunit; Dhërmiut e Himarës. Në vitin 1972, zbulimet e tij bëhen prezent në Akademinë e Shkencave, ku Gëzim Uruçi pranohet si bashkëpunëtor për speleologjinë, ndërsa punonte si teknik i mesëm në uzinën mekanike "Drini "në Shkodër.
RREZIQET
Eksplorimet në shpellën e Gjolajve në Bratosh të Bajzës, atë të Bijës së Husit në Bogë, shpellën e Majës së Harapit në Theth, shpellat e Konispolit e Karaburunit, janë ato që kanë lënë dhe mbresat më të pashlyeshme tek speleologu Uruçi. Duke rrëfyer për emocionet dhe rrezikshmërinë, ai tregon se mjetet që përdoreshin ishin mjete primitive empirike, pasi mungonin pajisjet e posaçme dhe teknika përkatëse. "Këto mjete prodhoheshin nga ne, si gozhdët për shkëmbinj, ganxhetat, shkalla prej litari etj. Përdornim dhe mjetet e alpinizmit. Për kaskë mbrojtëse merrnim kapele minatorësh, të cilat i gjenim privatisht me anë të lidhjeve shoqërore e miqësore me minatorë", - tregon 62-vjeçari. Ai thotë se ishte tepër e rrezikshme futja e lëvizja nëpër hapësirat e sifoneve, të cilat janë gropa në formë omega, si vezore të mbushura me ujë, në pozicione të ndryshme nën tokë, në thellësi 150-300 m. "Të gjitha pajisjet e zhytjes prodhoheshin nga ne. Maskat e fytyrës i bënim me lozen e gomave të vjetra të makinave, të cilat nuk përdoreshin më. Tek sytë vinim xham të zakonshëm si dhe faqet gominash të makinave Çentauer. Tubat lidhës i modifikonim me tuba gome të ndryshëm, dhe këto i bënim në fshehtësi. Kjo për faktin se nuk lejohej përdorimi tyre, pasi mund të përdoreshin për arratisje", - rrëfen Uruçi. Sipas tij, disa prej këtyre mjeteve ruhen dhe sot në muzeun e tij privat.
Gëzim Uruçi tregon se të dhënat që grumbullonin ia dorëzonin Akademisë së Shkencave. Në mjaft raste të studimeve, anëtarët e kësaj akademie u referoheshin të dhënave të tyre (speleologëve).
APARTAMENTI
MUZE
Shtëpia ku jeton Gëzim Uruçi së bashku me familjen e tij ndodhet në katin e pestë të një pallati në qytetin e Shkodrës, por ajo mund të quhet mjaft mirë një muze i arkeologjisë e speleologjisë, një qendër studimore ku arkivi, fototeka e biblioteka kanë zënë çdo hapësirë. Në çdo mur të apartamentit të tij shikon të ekspozuara objekte të gjetura në shpella apo gërmime arkeologjike. Ai ruan në arkivin e punës së tij (fototekë) filma dhe foto të bëra me teknikë dixhitale, rreth 1.300.000 të tilla të skeduara me indeks shkencor sipas sistemit të fototekës 'Marubi'. Thuajse gjysma e tyre i përket studimeve speleologjike, me foto bardh e zi dhe kolor, ndërsa ka dhe mjaft diapozitiva. Edhe biblioteka e tij personale është ndër më të mëdha të biblioteka private, ku përfshihen mjaft literature për gjeografinë dhe speleologjinë. Lidhur me bibliotekën e tij personale, Uruçi sqaron se në vitin 1990 ka pasur oferta nga shteti i atëhershëm për t'ia dhuruar atij, kundrejt një këmbimi qesharak (do e dërgonin të punonte mësues në një fshat afër Shkodrës). Madje pas 1990-ës nuk i kanë munguar dhe interesimi për arkivin e tij nga universitete të huaja që kanë afruar çmime të pëlqyeshme, por që janë refuzuar, pasi dorëzimi i kësaj pasurie për Uruçin do të thotë të tradhtojë pasionin e jetës së tij si dhe traditën e familjes. Vetëm letërkëmbimi i familjes dhe i tij përmban rreth 13.000 letra në 18 gjuhë të ndryshme të botës, ku nuk mungojnë ato me 70 universitete të huaja dhe 30 akademi. Literatura që ka biblioteka familjare e tij, i përket fushave të etnografisë, astronomisë, arkeologjisë, speleologjisë, muzikës empirike, mjekësisë antike etj. Për të sistemimin e ruajtjen e kësaj pasurie e ndihmon dhe vajza e tij.

DIANA ISMAILI.

KOMENTE.
Botuese Medaur, Merita Smaja, Agim Pipa dhe 11 të tjerë e pëlqejnë këtë.

Merita Smaja ~ Nuk eshte keq te te bejne magji shkodranet Elsa .....e kam provuar dhe e them me bindje ....Qofte keshtu edhe per Dianen...)

Lediana Kapaj ~ Respekte dhe nderime per kete njeri te shquar!

Gezim Uruci ~ Ju faleminderit te gjitheve. Jeni te mrekullushem, por me mrekulloni edhe mua. Ndjehem kranare per Ju, Ju nperqafoj miqesisht te gjitheve.

Gezim Uruci ~ Diana, Ju jam shume mirnjohes.

DIANA ISMAILI ~ "Gezim Uruci Eksploratori më i madh shqiptar i të gjitha 35360_130058227035685_100000945263952_139334_6078298_a

DIANA JU FALEMINDERIT DHE GJITH JUVE QE ME KOMENTONI !

DIANA ISMAILI ~ "Gezim Uruci Eksploratori më i madh shqiptar i të gjitha 26848_104121772962664_100000945263952_34262_574387_n

DIANA ISMAILI ~ "Gezim Uruci Eksploratori më i madh shqiptar i të gjitha 32189_117389671635874_100000945263952_88869_5003643_n

Te kerkojme dhe te mbrojme thesaret kulturore te Kosoves te Grabitura nga Fashiste e S. MILLOSHEVIQIT.

DIANA ISMAILI ~ "Gezim Uruci Eksploratori më i madh shqiptar i të gjitha 31139_118493868192121_100000945263952_94002_7240271_n

##### NJE PJESE E SHTEPIS TIME ME PASIONET E MIJA TE FOLKUT SHQIPTAR DHE TE ATIJ BOTERORE.
@@@@@ NJE KUJTESE PER HISTORINE E TEATRIT SHQIPTAR.... !
Te nderuar miq. MOS HARRONI......HISTORINE E VERTETE te TEATRIT KOMBETAR SHQIPTAR ! Se sipas Pjeter BOGDANIT, ne vitin 1645, Sulejman Pash URU... Shiko më shumëÇI, Veziri i Shkodres (Shkodrane). KISHTE NDERTUAR NE KALANE E SHKODRES, nje TEATER te mirfillet, i cili kishte edhe nje salle pritje dhe konferencash per trupen Diplomatike, ku jepeshin shfaqe dhe koncerte te kohe, nga trupa teatrale te vendeve perendimore. Ku mirrnin pjes si muslimanet ashtu edhe te krishteret. Ai eshte edhe themeluesi i Bandes se Pare Frymore, ne tere Ballkanin... etj. Sipas kronikaneve te kohes ai kishte studiuar edhe per artin skenik, muzikore dhe per letersi, si ne Persi, Stamboll, Rome, Firence, Paris, Wiene etj. Dekumentat origjinale ne Arkivin e Institutit Jezuit - Shkoder. Kronikat e URUÇ Pashes jane me te rende sishmet dhe me te plotat, per HISTORINE e SHQIPERISE. Ai udhehoqi rrethimin e famshem te Wienes. Vdiq me atentat, ne Shkoder pas nje komploti te organizuar nga Bushatllinjet, te cilet me pas moren pushtetin me dhune, duke shkretuar ter lulzimin qe krijoj Uruç Pasha i Shkodres. Duke djegur edhe teatrin e Kalase, nga e cila mbeti vetem nje armonio e vogel e ish Kishes se Shen Stefanit. ( Bibliografite e Willi KAMSIT - Per Piettro BOGDANIN si dhe perkthimet e shkrimet e Franc Babyngerit) Me shume respekt nga nje pinjolle e Familjes URUCI ne Shkoder.
Prof. GEZIM My. URUÇI - EUROETNOLOG.
Shkoder Maj 2010.@@@@@

DIANA ISMAILI ~ "Gezim Uruci Eksploratori më i madh shqiptar i të gjitha 31089_119249534783221_100000945263952_96579_5737138_n

DIANA ISMAILI ~ "Gezim Uruci Eksploratori më i madh shqiptar i të gjitha 31089_118802944827880_100000945263952_95057_3099359_n

Ne Majen e RADOHIMES - 2554 m. Tek piramida e majes. Ja keto jane Bjeshket e NAMUNA. 1974.

DIANA ISMAILI ~ "Gezim Uruci Eksploratori më i madh shqiptar i të gjitha 30889_119878361387005_100000945263952_98984_375386_n

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31