Klinton të mërkurën arrin në Kosovë

nga **Agim Gashi** Fri Oct 08, 2010 10:56 pm

Sekretarja amerikane e Shtetit, Hillari Klinton.

Klinton të mërkurën arrin në Kosovë Gordon1233

Ndihmës Sekretari i Shtetit për Çështjet e Evropës dhe Euro-Azisë, Filip Gordon.

Klinton të mërkurën arrin në Kosovë
Sekretarja amerikane e Shtetit, Hillari Klinton do të vizitojë Bosnjën, Serbinë dhe Kosovën nga data 11 deri më 13 tetor. Duke komentuar për këtë vizitë, një zyrtar i lartë i Departamentit të Shtetit u tha të premten gazetarëve se Shtetet e Bashkuara mezi presin fillimin bisedimeve për çështje praktike mes Prishtinës dhe Beogradit. Komentet i bëri përmes një konference telefonike Ndihmës Sekretari i Shtetit për Çështjet e Evropës dhe Euro-Azisë, Filip Gordon.

Pikëpamja e Shteteve të Bashkuara, tha Ndihmës Sekretari Filip Gordon, është se këto duhet të jenë bisedime mes të barabartësh dhe ky do të ishte një rast që të dyja palët të ecin përpara dhe të zgjidhin çështjet e nevojshme që i ndihmojnë të shkojnë drejt integrimit evropian.

Gordon tha se nuk ka ndonjë datë konkrete për bisedimet por ka rëndësi që ato të zhvillohen dhe Shtetet e Bashkuara presin që të jenë të angazhuara plotësisht në këtë proces.

Gordon tha se kur Shtetet e Bashkuara bëjnë thirrje për dialog mes Prishtinës dhe Beogradit kjo nuk nënkupton bisedime për kufijtë. Pikëpamja e Shteteve të Bashkuara është e qartë, tha ai.

“Sovraniteti dhe tërësia territoriale e Kosovës nuk duhet të preken; çështja e statusit nuk duhet të shtrohet për diskutim, as ndonjë ide për ndarje të Kosovës, sepse ndjekja e një kursi të tillë do të ishte një katastrofë për rajonin”, tha Gordon.

Gjatë vizitës në Kosovë të mërkurën më 13 tetor, Klinton do të takohet me ushtruesin e detyrës së Presidentit, Jakup Krasniqi, me kryeministrin Hashim Thaçi dhe me Ministrin e Jashtëm, Skënder Hyseni. Ajo do të vizitojë pastaj Graçanicën, një komunë me shumicë serbe afër Prishtinës. Gordon tha se vizita në Graçanicë është një shenjë se Shtetet e Bashkuara janë të përkushtuara ndaj të gjitha komuniteteve në Kosovë.

“Ne e kemi bërë fare të qartë që në fillim se mbështesim fuqishëm pavarësinë, sovranitetit dhe tërësinë territoriale të Kosovës por ne gjithashtu e kemi inkurajuar Kosovën të garantojë se të gjitha grupet etnike do të jenë të përfaqësuara”, tha Gordon.

Ndihmës sekretari i shtetit, Gordon, tha se Kosova ka bërë hapa impresionuese në organizimin e komunave me shumicë serbe dhe në organizimin e zgjedhjeve në këto komuna. Këto zgjedhje, tha ai, janë zhvilluar dhe në një numër rastesh janë zgjedhur kryetarë serbë komunash. Ka rëndësi, tha ai, që Klinton të takohet me këta kryetarë komunash dhe të dëgjojë mendimin e tyre se sa përparim është bërë në aspektin e përfaqësimit të pakicave. Klinton, tha ai, do të verë në dukje gjatë qëndrimit në Graçanicë se të drejtat fetare dhe trashëgimia kulturore e pakicave do të mbrohen.

I pyetur se përse Sekretarja Klinton nuk do të shkojë në Shqipëri gjatë këtij turneu, Gordon tha se zonjës Klinton i vjen keq që nuk mund t’i vizitojë të gjitha vendet e rajonit pasi koha e saj është jashtëzakonisht e kufizuar, kjo edhe për shkak të angazhimit të saj në procesin e Lindjes së Mesme.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30