Bukoshi: Nuk krisë kiameti nëse prishet koalicioni

nga **Agim Gashi** Wed Oct 13, 2010 7:22 pm

Bukoshi: Nuk krisë kiameti nëse prishet koalicioni

Ministri i Shëndetësisë, njëherësh kandidat për kryetar të LDK-së, Bujar Bukoshi, gjatë një vizite të mërkurën në Spitalin Rajonal të Pejës ka thënë se nuk bëhet kiameti nëse prishet koalicioni aktual PDK-LDK, ndërsa ka mohuar që brenda LDK-së të ketë rivalitet.
“LDK-ja ka dalë në garë dhe kjo garë do të kryhet mirë, është punë si brenda një shtëpie. Nuk ka rivalitet e as luftë brenda në LDK, nuk shoh kurrfarë arsye as shkak të ndodhë ndonjë gjë si në vitin 2006. Të gjithë jemi të interesuar të përmirësohen gjërat”, ka thënë Bukoshi.
Për sa i përket mundësisë së prishjes së koalicionit qeverisës, Bukoshi ka lënë të nënkuptohet se nuk mërzitet nëse ndodhë një gjë e tillë.
“Nuk krisë kiameti nëse prishet koalicioni në mes të LDK-së dhe PDK-së, dhe nëse vjen një Qeveri e re, ne jemi për zgjedhje të parakohshme”, ka thënë Bukoshi.
Ai nuk ka hezituar të akuzojë anëtarët e partisë së tij si për shembull Ismet Beqirin.
“Pikërisht zoti Ismet Beqiri vetë ka thënë që kandidati për kryetar të LDK-së nuk ka të drejtë të bëjë fushatë, e pikërisht ai tash po vrapon e s’di a ka motor që e zënë atë duke bërë fushatë”, ka thënë Bukoshi, i cili rënien e LDK-së e vlerësoi si pasojë të sjelljeve të anëtarëve të kësaj partie.
“A po e shihni që kur keni punë me politikanë demagog sesi ajo hakmerret dhe irriton njerëzit. Vetëm në Korenë Veriore ndalet fushata. Unë do të shkoj deri në fund, vetëm nëse më lëshon shpirti”, është shprehur ai.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30