Kavajë-Durrës: 4 të vdekur dhe 1 ne koma

nga **Agim Gashi** Sun Oct 17, 2010 11:45 am

Kavajë-Durrës: 4 të vdekur dhe 1 ne koma

Aksidentohet familja nga Librazhdi, 4 të vdekur në aksin Kavajë-Durrës. Ky është bilanci tragjik i aksidentit të mbrëmshëm në vendin e quajtur Mali i Robit kur fuoristrada u përplasja me një automjet të tonazhit të rëndë, tip trajler.
Mësohet se gjatë natës kanë ndërruar jetë 2 prej të aksidentuarve rëndë të familjes Gurra, Bujar dhe Artur Gurra 35 dhe 20 vjec ndërsa mbrëmjen e së shtunës rreth orës 19:00 humbën jetën në vendin e ngjarjes 2 prej të aksidentuarve Idriz dhe Pranvera Gurra. Në koma vetëm njëri prej familjarëve, i riu Rigers Gurra, njëri prej fëmijëve të drejtuesit të mjetit.
Ngjarja e rëndë ka ndodhur pasditen e së shtunës në afërsi të Malit të Robit, në segmentin Plepa-Kavajë, kur një trajler është përplasur me një automjet tip furoristradë. Të aksidentuarit ishin të gjithë udhëtarë të fuoristradës me targë Tirane pjestarë të së njëjtës familje, ndërsa drejtuesi i trajlerit me targë Mati, nuk ka pësuar dëmtime nga ky aksident dhe ndodhej i shoqëruar në polici.
Automjeti tip fuoristradë drejtohej nga Idriz Gurra, 45 vjeç dhe është përplasur me trajlerin me targë MT 2745 A, me drejtues 36-vjeçarin Artur Mallkuçi nga Mamurrasi. Në fuoristradë gjendeshin 5 pjesëtarë të familjes Gurra. Si pasojë mbetën të vrarë Idriz Gurra me kunatën 25 vjeçe, Pranvera. Ndërsa u plagosën Bujar dhe Artur Gurra, Rigers Gurra që më pas u dërguan për ndihmë mjekësore në spitalin e Durrësit. Në spital humbën jetën gjatë natës, duke u gdhirë dita e sotme Bujari dhe Arturi.
Ekspertët e qarkullimit rrugor përcaktuan se në momentin e aksidentit, fuoristrada po lëvizte në drejtim të Plepave, kurse trajleri në drejtim të kundërt për në qytetin e Kavajës. Kushtet klimaterike dhe shpejtësia janë duke u hetuar si shkaqet e aksidentit.
Ndërkohë për forcat e policisë së qarkullimit rrugor prej kohësh ky aks është kosnideruar si tejet e vështirë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31