Kuçi: Nuk do të ketë qeveri teknike

nga **Agim Gashi** Sun Oct 17, 2010 8:12 pm

Kuçi: Nuk do të ketë qeveri teknike

Kryesia dhe Këshilli Drejtues i Partisë Demokratike të Kosovës, në mbledhjen e mbajtur sot kanë shqyrtuar situatën e krijuar pas tërheqjes së paparaljmëruar të Lidhjes Demokratike të Kosovës nga koalicioni qeveritar.
Të gjitha veprimet dhe vendimet e ardhshme të Partisë Demokratike të Kosovës do të jenë në pajtim të plotë me Kushtetutën e Republikës së Kosovës, me ligjet në fuqi dhe me procedurat e parapara në Rregulloren e Punës së Kuvendit të Kosovës.
Partia Demokratike e Kosovës fton të gjithë qytetarët e Republikës së Kosovës që t'i përgjigjen situatës së re politike më maturi, unitet dhe përgjegjësi të lartë qytetare, duke kontribuar në forcimin e stabilitetit në vend, përmes pjesëmarrjes aktive në proceset e ardhshme.
Partia Demokratike e Kosovës do të japë të gjithë kontributin e vet për të siguruar zgjedhje të lira, fer dhe demokratike, në pajtim me standardet më të larta ndërkombëtare.
Partia Demokratike e Kosovës fton Komisionin Qendror Zgjedhor, si dhe ekipet monitorese vendore dhe ndërkombëtare që të bëjnë të gjitha përgatitjet e nevojshme për një proces zgjedhor të lirë dhe transparent.
Partia Demokratike e Kosovës, në këtë proces zgjedhor hyn e përgatitur, me program dhe vizion të qartë për të vazhduar implementimin e projekteve të filluara për forcimin dhe konsolidimin e shtetit, për zhvillimin ekonomik të vendit, për rritjen e mirëqenies sociale të qytetarëve dhe për integrim sa më të shpejtë në Bashkimin Evropian dhe në NATO.
Partia Demokratike e Kosovës fton të gjithë anëtarët dhe simpatizuesit e vet për përgatitje dhe angazhim të plotë në prag të procesit tanimë të filluar zgjedhor.
Partia Demokratike e Kosovës i jep përkrahjen e plotë bartësve të institucioneve shtetërore, ushtruesit të detyrës së Presidentit të Republikë së Kosovës, Jakup Krasniqi dhe Kryeministrit të Republikës së Kosovës, Hashim Thaçi, që në kuadër të autoritetit të tyre kushtetues dhe ligjor të vazhdojnë udhëheqjen kompetente të institucioneve.
Organet drejtuese të Partisë Demokratike të Kosovës i delegojnë autoritetin e plotë Kryetarit të Partisë Demokratike të Kosovës, z. Hashim Thaçi, për marrjen e vendimeve të ardhshme, në përputhje me zhvillimet aktuale.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30