“Ibar” kishte spiunuar arkitektët e pavarësisë së Kosovës

nga **Agim Gashi** Tue Oct 26, 2010 11:19 pm

“Ibar” kishte spiunuar arkitektët e pavarësisë së Kosovës

Mediat maqedonase vazhdojnë të publikojnë “dosje” të cilat nxjerrin si kodosh edhe pjesëtar dhe themelues të ish- UÇK-së.
E përditshmja “Dvenik” në numrin e sotëm zbuloi dosjen e titulluar “IBAR” e cila bënë fjalë për një funksionar të lartë partiak dhe themelues të Ushtrisë Çlirimtare Kombëtare.
Gazeta shkruan se ”Ibar” kishte vepruar në Zvicër, në mesin e emigrantëve shqiptarë. Aktivitetet e tij kanë qenë të bashkërenduara me bashkëpunëtorin “Daja” dhe “Strelac”, ndërsa ato kanë pasur për qëllim informimin e shërbimeve serbe lidhur me veprimin e aktivistëve për pavarësinë e Kosovës, siç janë Kadri Veseli, Xhavit Haliti, Ramush Haradinaj, Agim Çeku, Jakup Krasniqi, Azem Syla - daja i Hashim Thaçit, Abaz Zerja, Hidajet Hyseni, Ram Buja, Bardhyl Mahmuti, Emrush Xhemaili dhe të tjerë.
E përditshmja “Dnevnik”, flet edhe për vërtetime për dhënien e pagesës, si kompensim për shërbimet e bëra nga “Ibar”. Në mesin e shumë detajeve, gazeta shkruan se bashkëpunëtorit “Ibar” i është dhënë dokument udhëtimi me emrin Aleksandar Antiç, i lëshuar zyrtarisht nga Ministria e Punëve të Brendshme të Serbisë.
“Ibar”, thuhet në artikullin e “Dnevnik”-ut, është i implikuar edhe në vrasjen e vëllezërve Gërvalla dhe Kadri Zekës.
Gjithashtu, në artikull thuhet se ekzistojnë fotografime të ndërtesës ku kanë jetuar dhe vepruar këta veprimtarë të shquar, të bëra nga ana e “Ibar”,
Sipas gazetës, “Ibar” është funksionar i lartë i Bashkimit Demokratik për Integrim (BDI) dhe deputet aktual në Parlamentin e Maqedonisë. Kjo dosje do të verifikohet nga Komisioni për Lustrim. Ende nuk dihet nëse këto dosje janë të vërteta apo kanë për qëllim të etiketojnë pjesëtarë të Ushtrisë Çlirimtare Kombëtare. /INA

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30