Shpallet fraksioni “LDK Ibrahim Rugova”

nga **Agim Gashi** Thu Oct 28, 2010 8:44 pm

Shpallet fraksioni “LDK Ibrahim Rugova”

Prej sot LDK-ja Ibrahim Rugovës e ka adresën pikërisht në këtë shtëpi, pra në Velani.
LDK e manipuluar nga Hashim Thaçi dhe interesat personale të Fatmir Sejdiu e ka adresën te Qafa.

Ukë Rugova, djali i presidentit Ibrahim Rugova e Bujar Bukoshi ndahen përfundimisht nga Fatmir Sejdiu dhe kryesia e LDK-së

(E plotësuar) Ukë Rugova, Bujar Bukoshi, Astrit Haraqija, Dardan Gashi dhe një grup aktivistësh e udhëheqësish të LDK-së janë ndarë përfundimisht nga Fatmir Sejdiu dhe nga pjesa e anëtarëve të Kryesisë së LDK-së. Të pakënaqur me rrjedhat e procesit zgjedhor në LDK e mbi të gjitha të revoltuar me mosdorëheqjen e Fatmir Sejdiut nga LDK-ja, fraksioni i udhëhequr nga Bujar Bukoshi e Ukë Rugova kanë publikuar qëndrimin e tyre për rrjedhat e mëtejme në LDK. Ata thanë se kanë provuar që të bisedojnë me Fatmir Sejdiun për unifikimin e veprimeve të tyre brenda LDK-së por kanë hasur në “kokëfortësi” të Fatmir Sejdiut dhe grupit të tij në Kryesinë Qendrore të LDK-së. Ata sot kanë thënë se mbesin në LDK por ndryshojnë formën e veprimit brenda LDK-së në garën zgjedhore për zgjedhjet nacionale. B.S

Deklaratë për shtyp e “Lëvizjes Ibrahim Rugova”

Nuk krijojmë parti por alternativë të re brenda LDK-së

Sot ju kemi ftuar që të bëjmë publike vendimin tonë në formimin e një liste alternative të LDK-së me të cilën planifikojm të kandidojmë në zgjedhjet e ardhshme parlamentare.
Me vendimin për krijimin e listës LDK-“Ibrahim Rogova” ne nuk braktisim LDK-në, dhe nuk po krijojmë parti të re. Me këtë iniciativë po krijojmë alternativë për votuesit e LDK-së që janë dëshpëruar nga keqmenaxhimi i vazhdueshëm i kësaj partie që nga marrja e udhëheqjes nga zoti Sejdiu. Ky vendim është marrë pas takimit të djeshëm me Fatmir Sejdiun ku ndër të tjera kam kërkuar që Sejdiu të lëshojë rrugën për reforma dhe ringjallje të LDK-së.
Për arsye thjesht individuale Sejdiu refuzoi kategorikisht çdo ide e cila do të sillte reforma, hapje ,ringjallje të LDK-së. Me këtë konsiderojmë që janë shterur të gjitha mundësitë për të gjetur rrugëdalje nga kriza në të cilën është sjellë LDK-ja
Që nga fillimi I shtatorit ne kemi identifikuar para nisjen e një krize e cila kulmoi ne sjelljen inatqore të kreut të LDK-së që solli vendin në krizë institucionale.
Në baza të përditshme, Dr.Bukoshi, z.Haraqija,z.Dardan Gashi, unë dhe I tërë ekipi jonë kemi qenë në kontakte të vazhdueshme me anëtarë të kryesisë ,struktura tjera të partisë, njerëz të afërt me z. Sejdiu, si dhe me vetë Sejdiun për të tejkaluar situatën ku e solli ai LDK-në.
Kemi dhënë maksimumin për evitimin e kësaj situate, mirëpo pa marrë parasysh përpjekjet tona, kapricet personale të zotit Sejdiu, dhe klanit të tij nuk lejojnë asnjë kompromis që do të rrezikonte interesat e tyre personale. Në të njëjtën kohë kemi qenë në kontakte edhe me alternative të tjera ndaj zotit Sejdiu, të cilat poashtu kritik ndaj Sejdiut,nuk janë treguar të gatshëm të sfidojnë kartelin e zotit Sejdiu.
Për këtë arsye mendojmë se lista alternative është mjeti I vetëm për të ruajtur voten e LDK-së. Ne jemi të vetëdijshëm, që votuesi I LDK-së ka të drejtë të jetë I frustruar dhe I pezmatuar me udhëheqjen e deritashme e cila ndër të tjera ka arritur ta përgjysmojë partinë, ti humb tri palë zgjedhje prej vitit 2006, kur z.Sejdiu mori drejtimin e partisë. Në zgjedhjet e fundit para eres Sejdiu , LDK-ja kishte mbi 45 për qind të elektoratit, kurse 4 vite më vonë kjo parti nuk e ka as gjysmën e kësaj vote.
Prej sot LDK-ja Ibrahim Rugovës e ka adresën pikërisht në këtë shtëpi, pra në Velani. LDK e manipuluar nga Hashim Thaçi dhe interesat personale të Fatmir Sejdiu e ka adresën te Qafa.
Anëtarët e listës, platforma zgjedhore e saj dhe detajet tjera do të komunikohen brenda javës së ardhshme.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30