PDK mbështet mocionin kundër qeverisë

nga **Agim Gashi** Mon Nov 01, 2010 11:58 pm

PDK mbështet mocionin kundër qeverisë

Grupi parlamentar i Partisë Demokratike të Kosovës (PDK) është i përgatitur të votojë në mbështetje të një mocioni të mosbesimit ndaj qeverisë të propozuar nga partia opozitare Aleanca Kosova e Re (AKR).
Shefi i grupit parlamentar të PDK-së, Ramë Buja i ka deklaruar BBC-së se nëse mocioni i mosbesimit ndaj qeverisë nuk do t’i sigurojë votat e mjaftueshme gjatë votimit në parlament të martën, pro këtij mocioni do të votojnë edhe deputetët e PDK-së.
Buja ka thënë se "tash për tash ka një disponim që të ndodhë një gjë e tillë", megjithëse vendimi përfundimtar do të merret në një mbledhje të grupit parlamentar të PDK-së para votimit të mosbesimit.
"Ne do të kemi një takim të martën në orën 11-të dhe aty do ta marrim qëndrimin përfundimtar për mocionin, por që është shumë i hetuar një disponim që kjo agoni e krijuar në institucionet e Kosovës, të ndërpritet sa më herët të jetë e mundur", tha Buja.
"Mund të them se nëse është e nevojshme e kemi disponimin që edhe ne ta japim votën pro mocionit, edhe pse kjo gjë është pak e pazakonshme, në mënyrë që të shkojë qeveria, në mënyrë që koha e krizës të shkurtohet sa më shumë të jetë e mundur", tha Buja.
Shefi i grupit parlamentar të PDK-së, tha se "kriza institucionale" në të cilën ndodhet vendi e bën votimin kundër qeverisë rrugën "e vetme për të dalë nga kriza".
Ai ka thënë se pas mocionit të mosbesimit do të hapet rruga për zgjedhje të jashtëzakonshme të cilat do të mbahen me 7 ose më 12 dhjetor.
Që para dy javësh qeveria e Kosovës, funksionon e përgjysmuar pa gjashtë ministra të LDK-së, të cilët braktisën qeverinë me urdhër të kreut të partisë Fatmir Sejdiu, i cili pak kohë më parë kishte dhenë dorëheqje nga posti i presidentit, duke e prishur balancën politike dhe koalicionin qeveritar.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30