Krasniqi: Nuk përjashtohet mundësia për koalicion me LDK-në

nga **Agim Gashi** Thu Nov 04, 2010 9:54 pm

Krasniqi: Nuk përjashtohet mundësia për koalicion me LDK-në

I pyetur nga “Bota sot” se a është i mundshëm krijimi i një koalicioni përsëri me LDK-në, Jakup Krasniqi, u.d. i presidentit dhe kryetar i Kuvendi thotë se realisht nuk është ithtar i atyre që thonë bëje koalicionin me këtë apo atë parti, nganjëherë edhe duke u thirrur në profilizimet politike që i kanë në Kosovë. “Nuk mund të them edhe që nuk e njoh situatën politike në vend, por në asnjë mënyrë unë nuk kam mundur ta bindi vetën se partitë politike në Kosovë janë të ndërtuara mbi baza ideologjike, e ndoshta kjo është edhe një fatkeqësi jona. Prandaj mua më duken të paarsyeshëm ata që përjashtojnë partitë politike për të bërë koalicion, sepse koalicionet në rend të parë krijohen për të krijuar qeverisje stabile, nuk bëhen për dëshirë të askujt. Mendoj se koncepti i marrëveshjeve në koalicion duhet të ndryshojë, e jo të jetë sikur deri më tani. Pra marrëveshjet të jenë më të përgatitura më të verifikuara, jo vetëm nga liderët e partive politike që zakonisht janë tek ne, por të jenë të verifikuara nga organet edhe të partive politike që e arrijnë marrëveshjen, si dhe të jenë koalicione mbi bazën e bisedimeve më të gjëra, më demokratike dhe më të përgjegjshme. Unë konsideroj se do të ketë mundësi për koalicione të reja edhe me LDK-në” tha për “Bota sot” Jakup Krasniqi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30