Daci: Gjykimi kundër meje telenovelë e UNMIK-ut, akt grushtshteti

nga **Agim Gashi** Fri Nov 05, 2010 1:59 pm

Daci: Gjykimi kundër meje telenovelë e UNMIK-ut, akt grushtshteti

Dënimi
Sipas akuzës nëse personi zyrtar ka përfituar para mbi shumën 2500 euro, kryesi dënohet me burgim deri në pesë vjet, por nëse kryerja e veprës penale tejkalon shumën prej 5000 eurosh, atëherë, dënimi mund të shkojë deri në dhjetë vjet burgim.

Prokuroria kërkon fajësi për kreun e LDD-së

Prishtinë - Kryetari i LDD-së, Nexhat Daci e ka quajtur një telenovelë politike të UNMIK-ut gjykimin e tij, që po zhvillohet në Gjykatën e Qarkut në Prishtinë. “Mendoj që ka qenë një telenovelë politike e UNMIK-ut, e kërkuar fuqishëm prej njerëzve pa asnjë traditë as politike, as dije, as ndjenjë kombëtare, për ta sjellë Kosovën pikërisht në këtë pozicion në të cilin asnjë qytetar i Kosovës nuk është i lumtur”, deklaroi Daci të enjten në fjalën përfundimtare para trupit gjykues të kryesuar nga një gjykatës i EULEX-it, në gjykimin kundër tij dhe ish këshilltarit të tij Ahmet Alishani. Ndërsa, në fjalën e saj përfundimtare prokurorja e çështjes, Fikrije Krasniqi, i propozoi trupit gjykues që të akuzuarit të shpallen fajtor dhe të dënohen sipas ligjit, për faktin që siç, tha ajo, gjatë shqyrtimit kryesor është vërtetuar se Nexhat Daci dhe Ahmet Alishani kanë kryer veprat që u vihen në barrë. “Gjatë shqyrtimit gjyqësor u vërtetua se në mënyrë të plotë të akuzuarit i kanë kryer veprat penale për të cilat akuzohen. Propozoj që të akuzuarit të shpallën fajtor dhe të dënohen sipas ligjit”, tha prokurorja Krasniqi. Krejt këtë proces gjyqësor kundër tij, Daci e ka quajtur montim politik kundër tij me qëllim që siç tha ai, për tu arsyetuar grushtshteti i qetë demokratik, pas vdekjes së presidentit Rugova. “Them me bindje të plotë se ka qenë një perceptim i imi se krejt kjo lojë ka qenë në atë kohë me prapavijë politike për të ushtruar grushtshtetin e qetë demokratik pas vdekjes së presidentit Rugova, për të ardhur në pushtet njerëzit më të cilët mund të manipulohet lehtë, të përkeqësohet ardhmëria e shtetasve të Kosovës. Kjo është vërtetuar edhe nga Gjykata Kushtetuese dhe proceset tjera që janë të njohura për tu humbur autoriteti i Kosovës”, deklaroi Daci. Ndërsa, avokati i tij, Bajram Tmava, beson se me provat që janë shqyrtuar dhe administruar në gjykatë, është vërtetuar se klienti i tij nuk ka kryer veprat penale për të cilat akuzohet. “Mendoj se kemi vërtetuar që Nexhat Daci në çështjen penale që është zbatuar kundër tij do të shpallet i pafajshëm”, theksoi Tmava. I akuzuari tjetër, Ahmet Alishani, tha se nuk e ka kryer veprën penale me të cilën akuza e ngarkon. “Nuk kam kryer vepër penale me të cilën më ngarkon prokuroria. Unë kam qenë këshilltar për siguri i Nexhat Dacit, dhe nuk kam dhënë urdhër për të blerë gjëra që akuza më ngarkon. Kam pritë që prokuroria të heqë dorë nga akuza, por siç duket mizën e bëjnë buall e buallin mizë”, deklaroi ai. Ndërsa, avokati i tij, Flamur Bogaj, tha se nga dëshmitë e dëshmitarëve nuk është dëshmuar se klienti i tij, është i ngarkuar me veprat që i vihen në barrë. Prandaj ai kërkoi që ndaj Alishanit të shqiptohet aktgjykim lirues. Shpallja e aktgjykimit do të bëhet me 10 nëntor. Nexhat Daci dhe Ahmet Alishani akuzohen për vepër të njëjtë penale, e cila parashihet konform nenit 340 të Kodit Penal të Kosovës.
T. Rexhepi

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30