Postribë: Nderim për të gjithë ata që sakrifikuan që shqiptarët sot të lëvizin të lirë

nga **Agim Gashi** Sun Nov 07, 2010 2:03 pm

Postribë: Nderim për të gjithë ata që sakrifikuan që shqiptarët sot të lëvizin të lirë

Kryeministri Berisha gjatë vizitës në qytetin e Shkodrës ku mori pjesë në inaugurimin e një sërë investimeve publike u ndal edhe në komunën e Postribës, ku përuroi përfundimin e punimeve për rikonstruksionin e rrugës Qendër – Mes, rrugën Kala Drisht, Kodër – Boks si dhe shëtitoren Ura e Mesit, katër objekte këto të cilat kapin vlerën totale prej 99 milion lekësh. Gjatë kësaj vizite kryeministri Berisha shoqërohej edhe nga Kryetarja e Kuvendit znj. Jozefina Topalli, Kryetari i Bashkisë z.Lorenc Luka, deputetë të zonës dhe qeveritarë vendorë.
Duke shprehur kënaqësinë që vizitonte Postribën në agun e vendimit historik të heqjes së vizave, në fjalën e mbajtur, kryeministri Berisha shprehu nderimin e tij të thellë për të gjithë qytetarët e kësaj komune. “Postriba Nderi i Kombit sot. Është Nderi i Kombit, sepse baballarët dhe gjyshërit tuaj nderuan lirinë me sakrificat më sublime dhe nuk u mposhtën. Baballarët dhe gjyshërit tuaj sakrifikuan në mënyrë, që sot Shqiptarët të lëvizin të lirë në mbarë Evropën”, u shpreh kryeministri.

Kryeministri Berisha theksoi se gjatë mandatit të ardhshëm tre vjeçar qeveria do të asfaltojë çdo rrugë si dhe do të rindërtojë çdo shkollë e ujësjellës e kanalizimet të kësaj komune. Kryeministri theksoi se rruga e Prekalit do të nisë shumë shpejt nga ndërtimi pasi projekti për ndërtimin e saj është gati. Ai i bëri thirrje fermerëve të zonës të aplikojnë për të marrë subvencione për të gjitha kulturat frutore pasi qeveria do të subvencionojë çdo rrënjë ulliri, molle, shege, gështenje, bajame, lajthi që ata do të mbjellin.
“Sot ne jemi së bashku në një përpjekje të madhe, të ndershme, serioze për ta ndryshuar çdo ditë Postribën, Shkodrën dhe Shqipërinë”, u shpreh kryeministri. Por krahas kësaj qëndron alternativa e mohimit, nihilizmit, e shpifjes dhe e trillimit e opozitës, e cila është në gjendje ti ofrojë shqiptarëve vetëm kutitë, theksoi ai.

Gjatë fjalës së tij më gjerësisht kryeministri Berisha u shpreh:
Të dashur qytetare dhe qytetar të Postribës,
Së pari ju përshëndes vëllazërisht dhe shpreh kënaqësinë e madhe, gëzimin e pa përshkruar, që unë, në agun e vendimit më të madh historik të Evropës për Shqipërinë dhe shqiptarët, zgjodha Shkodrën Postribën për të përshëndetur , për tu përulur me nderim të madh para sakrificës së qytetarëve të Shkodrës, të Postribës, për lirinë dhe vlerat e saj , për vokacionin perëndimor të këtij kombi. Postriba Nderi i Kombit sot. Është Nderi i Kombit, sepse baballarët dhe gjyshërit tuaj nderuan lirinë me sakrificat më sublime dhe nuk u mposhtën. Baballarët dhe gjyshërit tuaj sakrifikuan në mënyrë, që sot Shqiptarët të lëvizin të lirë në mbarë Evropën.
Qytetare dhe qytetarë të Postribës
Kjo është një arritje e madhe, arritje e merituar , arritje e cila u realizua përmes reformave më të thella dhe më serioze që në realizuan së bashku. Shqipëria, e cila u bë famëkeqe në Evropë për krimin e saj të organizuar, e shndërruam në një nga vendet më të sigurta në Evropë, që vizitohet nga miliona e miliona turist dhe kthehen në shtëpitë e tyre. E realizuam heqjen e vizave, sepse së bashku luftuan korrupsionin dhe bëmë të mundur, që këtu në Postribë, në Shkodër, në Tropojë, në Kukës, Gjirokastër, Sarandë, Tepelenë në mbarë vendin të investohen në katër vjet më shumë se në 20 vite të marra së bashku.
E merituam plotësisht, sepse ne votuam si qytetarë të lirë njëlloj siç votuan qytetarët e botës së qytetëruar. E merituam plotësisht , sepse ne ia dolëm me lumenj djerse, mundi, të bëjmë që Postriba, Shqipëria, vendi nga i cili 20 vite më parë njerëzit dyndeshin në det për një jetë më të mirë, sepse nuk mund të jetonin në vendin e tyre, të jetë sot vendi i 57 në botë ku jetohet më mirë.
E realizuam këtë me mund dhe me djersë, rindërtuam dhe po ndërtojmë çdo ditë Shkodrën, Postribën dhe mbarë Shqipërinë. Kryetari juaj u shpreh këtu para jush për Postribën turistike, e vërteta është se vlerat turistike të Postribës janë ndër vlerat më të mëdha. Në gjirin tuaj ju trashëgoni thesare të jashtëzakonshme të kulturës sonë kombëtarë. Urën e Mesit që u rindërtua siç e meritonte, kalanë e Drishtit, kështjellën e një prej epiqendrave më të ndritura kulturore të trojeve shqiptare, por edhe të Ballkanit, Postriba pra ka pasuritë e saj, të cilat mund t’ia dëshmojë mbarë botës me krenarinë më të madhe.
Zoti kryetarë i Komunës,
Ju cituat këtu, se keni asfaltuar 23 km rrugë, se janë ndërtuar objekte të tjera, por unë kam ardhur sot në Postribë për të dhënë fjalën, se çdo metër katror, çdo metër linear i rrugëve dhe rrugicave të kësaj komune do të asfaltohet. Shkollat e kësaj komune do të rindërtohen, ujësjellësit dhe kanalizimet në të gjithë zonën. Postriba turistike duhet të jetë Postriba e infrastrukturës më moderne dhe ne së bashku do ta ndërtojmë atë.
Zoti kryetar i Komunës,
Për banorët e Postribës dhe të mbarë Shkodrës, duke i shprehur nderimin më të madh për punën që bëjnë fermerët e kësaj zone, ju bëj thirrje të aplikoni për të marrë subvencione për të gjitha kulturat frutore që ju mbillni. Unë ju garantoj ju se kjo qeveri do të subvencionojë çdo rrënjë ulliri, molle, shege, gështenje, bajame, lajthi që ju do të mbillni. Ndaj dhe ne le të shfrytëzojmë së bashku këto projekte për ta bërë Postribën, për ta bërë Shkodrën, për ta bërë Shqipërinë një nga vendet me prodhimet më të shumta dhe më të mira.
Të dashur qytetarë dhe qytetare të Postribës,
Sot ne jemi së bashku në një përpjekje të madhe, të ndershme, serioze për ta ndryshuar çdo ditë Postribën, Shkodrën dhe Shqipërinë. Ne në këto përpjekje kemi shënuar dhe arritje të mëdha historike, kemi arritur të antarësohemi në NATO, po arrijmë të heqim vizat. Kemi arritur të qëndrojmë në krye të botës për fillimin e biznesit, kemi arritur të shpallemi njëshi i planetit për vitin 2011 për turizëm si vendi më i preferuar, që duhet vizituar dhe imagjinoni ju vendi më i izoluar, kemi arritur të dyfishojmë pensionet rrogat, pra në mundin tonë të madh dhe sakrificën tonë, ndërtohen mirësitë, ndërtohet e ardhmja jonë.
Krahas kësaj qëndron alternativa tjetër. Alternativa e mohimin, e nihilizmit, alternativa e shpifjes, alternativa e trillimit. Ju keni kaq kohë që i dëgjoni ata, ju bëj thirrje në ndërgjegjen tuaj, bëni një pyetje çfarë ofroni ju zotërinj për ne. Mirë kjo qeveri paska të meta, por ju çfarë ju ofroni qytetarëve shqiptarë, kutitë, kutitë dhe vetëm kutitë . A jeni ju dëshmitarë të qëndrimeve të tyre të egra kundër letërnjoftimeve elektronike dhe pasaportave biometrike. A mund të fitonim ne të drejtën e lëvizjes pa pasaporta biometrike dhe te letërnjoftimeve elektronike. A jeni dëshmitarë ju se çfarë bënë këta zotërinj për regjistrin e gjendjes civile dhe se çdo ditë përpiqen ta nxijnë.
Deklaronin se 70 mijë letërnjoftime janë fallco. A jeni dëshmitar se këta zotërinj filluan grevën e urisë pikërisht muajin që do të merrej vendimi më i rëndësishëm për ju, për lëvizjen e lirë. A jeni dëshmitarë që këta zotërinj në fillim të këtij vendimi shpallën protestën popullore si mjet për ta bllokuar atë.
Pra këto janë arsyetimet që duhet të bëjë çdo qytetar në mënyrë që secili ti japë atë që meriton. Po unë ju garantoj ju se pseudokultura e bllokmenëve të rinj, e cila bazohet në përçmimin në nënvlerësimin e qytetarëve pasi ata nga mega bunkëri i bllokut ku jetonin projektonin vetëm terror internime, mashtrime, pushkatime, varfëri, mjerim. A jeni ju dëshmitar se çfarë pësoi Shkodra gjatë tetë viteve të qeverisjes së tyre, 18 orë pa drita dhe akuzonin se Shkodra nuk paguan. Ndëshkonin dhe justifikonin ndëshkimin, po sot pse Shkodra paguan, pse ju paguani.
Unë do ta mbyll fjalën time duke ju uruar edhe njëherë shumë përzemërsisht për këtë arritje historike të merituar për të gjithë shqiptarët, të merituar për të gjithë ata që sakrifikuan më shumë, për Shkodrën, për Postribën, të cilët për vlerat e lirisë qëndruan të pa mposhtur.
I jap fjalën kryetarit tuaj se gjatë viteve që vijnë, gjatë këtij mandati tre vjeçar së bashku do të asfaltojmë çdo rrugë. Rruga e Prekalit fillon shumë shpejt , rruga e Prekalit e ka projektin e saj gati dhe po bëhet prokurimi dhe së shpejti do të inaugurojmë së bashku fillimin e punimeve.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30