Gjosho Vasija:Mesha historike e Dom Jubanit

nga **Agim Gashi** Sun Nov 07, 2010 8:40 pm

Gjosho Vasija:Mesha historike e Dom Jubanit
Nga Gjosho Vasija

Gjosho Vasija:Mesha historike e Dom Jubanit 5121

Prifti i Meshes së Parë historike
Dom Simon Jubani...

(Ky recitim u transmetue disa herë mbrendaditës,per disa muej rresht, i lidhun me altoparlant
edhe në faqen e murit të Kishes,edhe diku mbrenda Sajë).

Dom Simon,t'mbajtë Zoti nderen
se ja rrite Shkodres vleren.
.......................................................................
Bash n'kte kohë kur vlonte sherri,
dhe n'Atdhë sundonte Ferri
e çdo truell mbulonte terri,
që prej Jugut n'bjeshkë- t' Kelmendit
ishte djalli zot i vendit,
që perzhiste me barot
per kush thoshte, besoj n'Zot..!

Kur nderkohë burgjet n'Shqipni
kishin mbrendë ka nji per shpij,
ku nji pjesë u vranë në Zallë,
e nji pjesë doli tek gjallë..
Bash n'kte kohë,kur neper shpija
në çdo kand u sillte'urija,
edhe fmijtë me vàj në gushë
mbushen mal e shpat e fushë..

Po n'k'te kohë kur diktatura
si postblloku neper ura
"mizë" nuk lente me'i kalue
"-Prej nga vjen,ku don me shkue.?
Edhe kurr mos të mendoni
se prej plumbit tim shpëtoni,
në k'te vend kurr s' do guxoni
as të flisni,as t'mendoni"--
E n'sa bante zhurmë cikloni,
nxori koken Dom Simoni...

"--Kush asht vallë ky Dom Simoni
që kaq shum po e vlersoni,
a mos asht bre Kastrioti
q'e ka ngjallë së dytit Zoti?"--
"--Jo bre mik,ky Dom Simoni
që po thoni e diskutoni
s'asht luftari që mendoni,
por nji Hyllë që bani dritë
bash atë ditë kur s'e kemë pritë..

Pra ,në kulmin e mjerimit,
të trishtimit të rregjimit,
i bamë shpirti paçavure
me'i hy Kishes n'kater mure,
me pà Meshë,me puthë Figure,
Baaaaam! kerset nji pushkë pa pritë."--
"--O çka'asht pushka morë n'kte ditë,
a mos asht ndoj krisem vàjit
ajo pushkë sot n'Fushë të Rmajit?
"--Jo bre jo,mos u friksoni
nuk asht vàj ai që mendoni
por qet "pushkë" sot Dom Simoni....

E kur "krismen"ndigjoj Shkodra
mori turr me male e kodra
plak nuk mbet atë ditë te votra,
nuk mbet grue n'atë fund motmoti
pa shkue atje ku lutet Zoti,
me'i fmij n'krah e dy per dore,
tue marrë turr si ortek bore,
e madje e zhgrehun vàjit
aty fillë e n'Fushë të Rmajit..
U mbush Fusha, aman o Zot
çka s'kish pà syni der m'sot,
me t'thanë mendja qinda e mija,
me t'thanë mendja t'tanë Shqipnija
kishte hy atë ditë n'atë lamë,
thue dhe t'vdeknit janë çue n'kambë...

"--Hapi sytë mori njiherë
a din gja,kush duel n'Eltër?
Ai po m'duket shkamb mermër
që'e kanë hypë mbi piedestal?
Po ti shih,Ai duket mal??"---
Atë fillë e shperthyen pritjet,
aty plasen duartrokitjet
e s'u mbajten brohoritjet...
.............................................
...........................................
Dom Somoni trim dhe Murg
njiqind stinë Ju kalben n'burg..
N'njiqind stinë q'u burgos trimi
s'e ligshtoi jo kurr rregjimi
me torturat me çnjerzore,
pa'u hjekë kurr hekri per dore,
veç lagshtinë,uri e gjak,
pshtyjë e shtyjë gjitherë n'dajak.

Por ama aq sa lot mali,
sa mund t'bahet fushë Cukali
aq u lodh dhe Dom Jubani,
atherë n'fund foli dushmani:
"--E ka fajin prokorori
kur në gjyq kryeneqen nxori
e me'i plumb shpirtin s'ja mori"--

Por mendue s'e kà "lavdija"
se kur vritet pafajsija
asht në Qiellë i Madhi Zot
që s'e mban kandarin kot
por me to mbushë Ferrin plot..
Ndersa "Prifti"pa farë fajit
sot thotë Meshë në Fushë të Rmajit-

Shkoder-Dhjetor.1990---Gjosho

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30