Si mund të votoni në diasporë në zgjedhjet e 12 dhjetorit?

nga **Agim Gashi** Fri Nov 12, 2010 12:56 am

Si mund të votoni në diasporë në zgjedhjet e 12 dhjetorit?

Ambasada e Republikës së Kosovës në Zvicër njofton për mënyrën e votimit për zgjedhjet në Kosovë

Zgjedhjet e jashtëzakonshme për Kuvendin e Republikës së Kosovës do të mbahen më 12 dhjetor 2010.
Ju që jeni nga Republika e Kosovës dhe jetoni jashtë Kosovës, përkatësisht në Zvicër, për Zgjedhjet 2010 për Kuvendin e Republikës së Kosovës mund të votoni përmes postës (OVPP).
Operacioni i Votimit Përmes Postës(OVPP):
Për të votuar përmes postës, paraprakisht ju duhet ta plotësoni aplikacionin.
Aplikacionin për Votim Përmes Postës mund ta merrni nga burimet e mëposhtme:
· www.kqz-ks.org
· Linja ndihmëse e Programit për të Votuar nga jashtë Kosovës:
Tel: +381 (038) 38 552 452; +381 (038) 38 552 453
Përveç aplikacionit, ju duhet t’i plotësoni edhe këto kushte:
· Në ditën e votimit më 12 dhjetor 2010 të jeni të moshës 18 vjeçare ose më shumë.
· Të jeni të regjistruar në Regjistrin Civil të Kosovës/UNMIK-ut dhe të posedoni: dokumentin e Identifikimit (DI) të Kosovës ose të UNMIK-ut (ose pasaportën), ose ndonjë dokument tjetër që vërteton se jeni shtetas i Kosovës (çertifikatë e lindjes, shtetësisë).
· Nëse ju posedoni dokument të identifikimit të Kosovës ose të UNMIK-ut me afat të skaduar, ju lutemi që së bashku me këtë ta dërgoni edhe një kopje të një dokumenti valid të identifikimit të shtetit ku jetoni.
· Nëse e keni vetëm dokumentin e identifikimit të Zvicrës, keni të drejtë të aplikoni nëse në dokument shënon se jeni të lindur në Kosovë.
· Aplikacionet e plotësuara, dhe domosdo të nënshkruara, për Votim Përmes Postës mund t’i dërgoni:
1. Me postë në adresën:
Komisioni Qendror i Zgjedhjeve
Rr. Agim Ramadani p.nr.
10000 Prishtinë
Republika e Kosovës
2. Me postë elektronike (të dy faqet scanuara) në adresën:ogpp@kqz-ks.org
3. Me faks: +381 38 552 453
Do të pranohen vetëm aplikacionet që arrijnë në KQZ deri më datë 16 nëntor 2010.
Personat, të cilëve u pranohet e drejta për të votuar, do të njoftohen me postë, në adresat e tyre, ndërsa emrat e tyre do të publikohen në faqen e internetit të Komisionit Qendror të Zgjedhjeve (KQZ).
Me kohë, pastaj, do t’u dërgohen me postë edhe listat (formularët) për të votuar.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30