Cikël poetik nga Beqir Cikaqi

nga **Agim Gashi** Sat Dec 04, 2010 1:59 am

Cikël poetik nga Beqir Cikaqi

Dashuri e pakuptim
- pseudopatriotëve -

Marrëzia nuk është dashuri
Gjithashtu jo çdo herë edhe
Dashuria nuk është marrëzi

E kur të marrët dashurojnë
Fjalët e tyre janë të kota
Edhe dashuria është boshe

Dashuria e të marrëve
Ka domethënien
E një dashuri të pa kuptimtë

Debati televiziv

Liderët në debate televizive
Vetëlavdërohen para kamerave
Njeri thot - kam bërë ashtu e kështu
Tjetri thot – do të bëjë kështu e ashtu

Premtimet që bëjnë
Nuk janë të vogla
Derisa teleshikuesit
Në fund të debatit sikur thonë
Liderët në ndërrimin e posteve
Sikur bëjnë tregti
Në moton e proverbit mashtrues
-“Dushk për gogla”

Fushata si paragjellë

- ata që bëjnë premtime të kota -

I servuat rrenat pa pjata
Në vend të bukës normale
Tavolina me “kore” të thata…
Ju “bëftë mirë”- urdhëruat
Kjo është vetëm paragjellë
Ma jepni kokrrën
Nëse doni arat t’i mbjellni
Mandej “bashkë” e ndajmë tortën

E more zotërinjë
Nëse kësaj i thoni Ju
Vetëm si paragjellë
Atëherë Ne ju themi
Edhe mushka paska me pjellë
--------------------------------------------

Nga libri "HESHTJA E NENELOKES", autor Beqir Cikaqi

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30