Limaj: AKR nuk mund të vë kushte, AAK-ja më e afërt

nga **Agim Gashi** Wed Dec 22, 2010 4:46 pm

Limaj: AKR nuk mund të vë kushte, AAK-ja më e afërt

Numri dy i PDK-së, Fatmir Limaj, ka shprehur haptazi simpatinë e tij për ta pasur në koalicionin e ardhshëm qeveritar, partinë e Ramush Haradinajt, AAK. Në një intervistë për emisionin Interaktiv, Limaj ka thënë se AAK-ja duhet të jetë pjesë e koalicionit sepse ka shumë gjëra të përbashkëta me PDK-në.
“AAK duhet të jetë pjesë e koalicionit, pse jo. Të ketë vend meritor në qeverisjen e ardhshme. Nuk e di a ka AAK disponim për këtë. Të shohim pas 9 janarit. Edhe dikur në PDK nuk kishte disponim për koalicionin me LDK-në, por u bë. Ka zëra në AAK, sikurse në PDK që të bëhet koalicioni. Unë personalisht jam i interesuar. Dhe kemi gjëra të përbashkëta”, ka thënë Limaj.
Ministri i Transportit i është kthyer akuzave të nënpresidentes së AKR-së, Mimoza Kusari se “nuk do të jetë në një qeveri me Fatmir Limajn”. Ai ka thënë se “Mimoza është politikane e tipit ‘Gërvisht e Fito’, e cila gërvishti shumë tek Pacolli dhe fitoi shumë, por nuk mund të fitoj çdo herë duke gërvishtur”.
“Mimoza Kusari Lila nuk mund t’i vë kushte askujt jashtë partisë së saj. Ajo edhe në AKR u fut me kushte, duke thënë se do të hyj nëse largohet Makolli apo Gashi. Asaj mund të ia plotësoj dëshirat Pacolli, t’i jap 10 mijë euro rrogë apo edhe të ia ofroj 100 mijë apo 200 mijë euro për të hyrë në parti”, ka thënë Limaj.
Duke folur për AKR-në, Limaj ka thënë se Ferid Agani i PD-së e shpëtoi këtë parti sepse në të kundërtën do ta pësonte fatin e LDD-së.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30