Ukë Rugova hyn në Kuvend me 40 mijë vota

nga **Agim Gashi** Fri Dec 24, 2010 3:23 am

Ukë Rugova hyn në Kuvend me 40 mijë vota

SOT UKË RUGOVA KA DITËLINDJEN, PËRFITOJMË NGA RASTI PËR T'I URUAR QË TË NDJEKË GJURMËT E TË JATIT PËR TA BËRË KOSOVËN ASHTU SI E PËRCAKTOI PRESIDENTI IBRAHIM RUGOVA NË VIZIONIN E TIJ GJENIAL PËR NJË KOSOVË TË PAVARUR E SOVRANE, ANËTARE E BE-SË DHE NATO-S NË MIQËSI TË PËRHERËSHME ME SHBA !
Ndonëse rezultatet zyrtare të zgjedhjeve të jashtëzakonshme parlamentare do të vonohen të komunikohen deri në përsëritjen e këtij procesi, në komunat që patën parregullsi të mëdha në proces, e që po shoqërohet edhe me një rinumërim të rreth 40% të votës së gjithëmbarshme në nivel vendi, koalicioni parazgjedhor AAK -“Lista Dr. Ibrahim Rugova” konsideron se ka pasur një performancë relativisht të mirë. E veçanta e këtij koalicioni gjithsesi është pritja nën ethe e përfaqësuesve të “Listës Dr. Ibrahim Rugova” nga rinumërimi i votave dhe eventualisht ndonjë ndryshim sado i vogël në rezultatet e kandidatëve që mund të ndikojë në përfaqësimin e tyre në Parlament. Burime të sigurta të gazetës brenda këtij koalicioni kanë bërë të ditur se janë tre kandidatë të kësaj liste të cilët mund të shpresojnë që të jenë pjesë e Grupit parlamentar të AAK-së në mandatin e ri të Kuvendit të Kosovës.“Ajo që është e sigurt ka të bëjë me votat e Ukë Rugovës. Numri i votave që ka fituar ai, e që sipas të dhënave të raportuara nga komisionarët është rreth 40.000 vota, nuk lë as për të diskutuar çështjen nëse do të përfaqësohet apo jo në Kuvend “Lista Dr. Ibrahim Rugova”. Ndryshimi i këtyre votave mund edhe të jetë në ndonjë shifër tjetër, derisa nuk ka një rezultat final, por gjithsesi ai nuk do të ketë lëkundje aq të madhe, në asnjë variant, prandaj Uka e ka të sigurt vendin e deputetit në Kuvendin e Kosovës”, tha burimi i gazetës.
Shumë afër sigurimit të ulëseve besohet të jenë edhe ish- ministri Bujar Bukoshi dhe një kandidat tjetër i kësaj liste, Blerim Grainca, shkruan "Kosova Sot".

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30