Mentor Thaqi:NË MASHKULLORE, JEHON PRORE!(Ajo që pat filluar, mbet me kohë pa përfunduar!!!)! Vargje

nga **Agim Gashi** Thu Dec 30, 2010 12:05 am

Mentor Thaqi:NË MASHKULLORE, JEHON PRORE!(Ajo që pat filluar, mbet me kohë pa përfunduar!!!)! Vargje

Në Mashkullore,

atëditë e sot, jehonë,

me bekim prore,

vetë Toka, uron!

Krisma, nisma, çëndisma,

gdhëndje, n´mëndjerënje, ëndërrëndje...

Herë Grameno, herë Gjakova, aty Topulli,

pushka, fjalë e Zotit, populli!

Ah, se ç´rënditje?!

nga shumë mëndjendritje,

me shkronjat plumb,

egërsirën, n´thumb!

Aty, as filloi e as mbaroi,

por,mbarësia, fort jehoi!

Në ikje t´shekujve t´mykur,

me zjarrë pushke, turpit t´ndytur,

mbahet emri, Historia,

dalë nga vendi, nga Arbëria

dhe nuk mund të ishte ndryshe,

se, as fjala s´bëhej dyshe!

Po po, s´pushon dot,

atje në Mashkullore,

jehonë e pushkëve edhe sot,

ndërgjegjen thërret prore.

Trimërinë, Legjenda ngjizi,

dashuri-Atdheu, Çerçizi,

zjarrë e mbajti, vëllëzërve u fali,

me fjalë nderi, ke Mihali,

nga Kosova një pushkë më tepër,

s´e harron koha, jo, atë ëndërr t´vjetër!

Hop! Dhe një hap tjetër prap,

në Janinë e në Filat,

se, zemrat zjarri i mbanë ndezë,

n´atë Tokë Arbëri në Prevezë,

Artë, Margëlliq e Gumenicë,

kanë prush zemrën për sakrificë!

Po po, Legjendat jetojnë prore,

t´gjalla, t´ndritura në Mashkullore,

rron me to dhe vetë Lavdia,

n´shpirtë e zemër të Trojeve t´mia!

Arbëri moj, rreth e rrotull,

n´Histori me Çerçiz Topull,

për Liri me Besë Shqiptari,

gjet frymëzim Adem Jashari,

me trimëri nga ati ke i biri,

TY, t´nderoi si është më së miri!

Aty ka shumëçka të Shënjtë,

Kreshta malesh, ëndërr e shtrenjtë,

gjithë dynjaja duket, matet,

baraspesha, n´sqep luhatet,

s´mund të ketë ndarje, kufi,

jo, s´është jeta veç bardh e zi,

si më heret dhe tevona,

çështje nderi, punë e jona!

Të lexohet drejt vetë nisma,

n´flakë të pushkëve, nëpër krisma,

porosia, heret a vonë,

do kumboj në veshët tonë,

se ajo që pat filluar,

mbet me kohë pa përfunduar!!!

Mentor Thaqi VS., 28.11.2010

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30