Dardanët në diasporë nuk kanë arsye për të qenë të përçarë!...

nga **Agim Gashi** Mon Jan 03, 2011 1:14 am

Dardanët në diasporë nuk kanë arsye për të qenë të përçarë!...

Në gazetën “Bota Sot” e datës 24. 12. 2010, është botuar shkrimi me titull "Përçahen dardanët edhe në diasporë - Humbjet e LDD-së reflektohen në anëtarësi", të cilën e ka nënshkruar Ruzhdi Pacolli në cilësinë e ushtruesit të detyrës së kryetarit të LDD-së në Zvicër. Shihet qartë se në këtë fletërrufe R. Pacolli ka bërë abuzime mbi të vërtetën, pasi shkrimi nuk përkon me realitetin në Degën e LDD-së në Zvicër, pasi konsiderojmë se shkrimi është mjaftë tendencioz dhe me prapavijë të theksuar politike. Tani për të dytën herë vetëm sivjet Dega e LDD-së duhet të reagon kundër grupeve të frustruara të cilët duke gjetur mbështetje nëpër mediet e shkruara dhe elektronike i kanë rënë në qafë pa arsye Degës së LDD-së në Zvicër, duke ia hedhur fajin kryetares legjitime znj. Pepshi, për ato që i bënë, po më shumë për ato që nuk i bënë, dhe nuk ndihet fajtore. Edhe për këtë rast kryesia e Degës së LDD në Zvicër reagon ashpër duke hedhur poshtë këto tendenca qëllimkëqija dhe me prapavijë të tejdukshme. Për kundër dëshirës për t’u marrë me këto çështje, shtrëngohemi ta sqarojmë anëtarësinë e gjerë të LDD-së dhe opinionin publik se këto pamflete që lëshohen si fletërrufe janë shpifje të kulluara dhe thashetheme që qojnë ujë në pusin e kundërshtarëve politik të dardanëve rugovist. Por jemi të vetëdijshëm se zërat e nëntokës nuk kanë pushuar dhe nuk do të pushojnë akoma. Ata zëra ku më shumë dhe ku më pak sikurse (urithi nëntokën), janë të interesuar vetëm të shkatërrojnë. Prandaj siç e theksuam edhe më lart, ne detyrohemi që për hir të së vërtetës të bëjmë këtë paraqitje, që më shumë ka karakter sqarues se sa kundërshtues.
E kuptoj edhe “mllefin” e reaguesve për zgjedhjet e 12 dhjetorit 2010, por secili veprimtar mund ta merr me mend se mundësia e ndikimit të Degës sonë në rezultatin përfundimtar ka qenë e pamundur, teorikisht dhe praktikisht prandaj jemi ndier të akuzuar pa faj, e për më tepër guximi për të fajësuar kryetaren e LDD për këto rezultate.
Tani më kryesia qendrore po merret seriozisht me këto çështje, qoftë me rezultatin final e qoftë me fletërrufetë që lëshohen nga individ të pakënaqur, të cilët shprehin mllefin e tyre, por nuk e di ç’ju duhet kështu publikisht vetëm sa për të krijuar konfuzion, i cili pa asnjë arsye po shkarkohet mbi personalitetin e një gruaje, vetëm pse është Kryetare e LDD-së në Zvicër.
Miqtë e mijë, delegatët e shumtë dhe anëtarësia e gjerë e dinë se kuvendi i LDD-së në Zvicër ka nxjerr kryetare Zize Pepshin, siç e dinë se çdo gjë ka qenë në formë demokratike dhe në përputhje me statutin dhe programin e LDD-së. Është vlerësuar se ishte një kuvend transparent dhe i rregullt. Këtë e kanë pohuar dhe vlerësuar mjaftë pozitiv edhe kryetari i partisë akademik Nexhat Daci, por edhe kryesia e LDD-së në Prishtinë.
Nuk frikësohem nga shkarkimet jashtëstatusore por dua t’ua rikujtoj se sipas normave statusore mua mundet të më shkarkon vetëm organi që më ka zgjedhur, pra vetëm Kuvendi i LDD-së, qe është organi me i larte i partisë dhe lideri i saj akademik Nexhat Daci. Unë nuk mund të jem fajtore as për konceptet tejet të vjetruara të dikujt në kryesi, pikërisht të atyre që nuk i njohin mirë as rregullat e organizimit partiak, sepse në parti duhet të përfillen strukturat udhëheqëse dhe hierarkia partiake, e cila dike vazhdimisht e pengonte, dhe me kalimin e kohës sikur janë bërë një gangrenë e padurueshme dhe qe besa edhe neveritëse.
Dhe në përfundim të këtij sqarimi të detyrueshëm, miqve të mijë ua rikujtoj një thënie të Shekspirit i cili thotë: “Vlera e njeriut matet, sa ka armiq”, por unë nuk mundem të ju konsideroj si të tillë, sepse kemi udhëtuar e vepruar për vite të tëra bashkërisht, prandaj ti lëmë inatet publike dhe pakënaqësinë tonë, aty ku ka vend, ta shprehim në sofrën e partisë aty ku e ka vendin kuvendi e debati politik.
Bernë, 28 dhjetor 2010.
Për kryesinë e Degës së LDD-së në Zvicër
Zize Pepshi / Kryetare

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30