Obama përshëndet dhe falenderon Berishen

Pres që të punojmë së bashku gjatë 4 vjetëve të ardhshëm

Presidenti amerikan Obama falënderon kryeministrin Berisha



Presidenti i Shteteve të Bashkuara të Amerikës, Barak Obama, i ka dërguar një letër falënderimi kryeministrit të Republikës së Shqipërisë, zotit Sali Berisha, për mesazhin e urimit me rastin e inaugurimit të tij President i Shteteve të Bashkuara të Amerikës.
Në letrën e tij presidenti Obama shkruan:
“I dashur zoti Kryeministër!
Ju falënderoj për mesazhin tuaj të njerëzishëm të urimit me rastin e inaugurimit tim.
Me marrjen e detyrës dhe të përgjegjësive si President i Shteteve të Bashkuara të Amerikës, unë çmoj shumë fjalët tuaja të inkurajimit.
Unë pres me padurim që të punojmë së bashku në frymë të miqësisë dhe të paqes për të ndërtuar një botë më të sigurt gjatë 4 vjetëve të ardhshëm.

Sinqerisht juaji,
Barak Obama