Dega e LDD-së në Gjilan shumë shpejt me analizën e zgjedhjeve të 12 dhjetorit

nga **Agim Gashi** Sun Jan 16, 2011 2:19 am

Gjilan, 15 Janar 2011

Është mbajtur sot takimi i kryesisë së degës së Lidhjes Demokratike të Dardanisë së bashku me kryetarët e nëndegëve dhe aktiveve të kësaj dege. Në këtë takim u diskutua aktualiteti politik i krijuar pas zgjedhjeve parlamentare. Këtë takim e udhëhoqi kryetari i degës z. Jakup Bajrami.

Pas përfundimit të zgjedhjeve nacionale dhe rivotimit të tyre, LDD dega në Gjilan rikonfirmon dhe mbështet qëndrimet dhe vendimet e kryesisë qendrore dhe kryetarit të saj akademik Nexhat Daci, për rrjedhat e procesit zgjedhor, theksoi para të pranishmëve kryetari i degës z. Bajrami.

Gjithashtu, u kërkua unanimisht dhe u murr vendim që Lidhja Demokratike e Dardanisë dega në Gjilan, së bashku me nëndegët dhe aktivet e saj si dhe dy forumet, të fillojnë menjëherë analizën e brendshme dhe të paanshme, lidhur me rezultatet e fundit në këto zgjedhje për LDD-në degë në Gjilan, duke filluar nga aktivet, nëndegët e deri te dega, në një periudhë të shpejtë kohore, duke e dërguar më pastaj këtë analizë në kryesinë qendrore të LDD-së.

Dega e LDD-së në Gjilan, së bashku me dy forumet dhe nëndegët mbetet e angazhuar plotësisht për të vazhduar vizionin dhe politikat e udhëhequr nga lideri i saj akademik Nexhat Daci, përderisa nuk merret ndonjë vendim tjetër.

ZMP LDD Gjilan

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30