Pasqyra e zezë e trojeve shqiptare

Thyhet zyra e LDK-së në Skënderaj



Mbrëmë në Skënderaj është thyer një dritare zyrës së degës së LDK-së në këtë qytet. Siç njoftoi përmes telefonit kryetari i Shtabit Zgjedhor të LDK-së në Skënderaj, Idriz Mecinaj, në dritaren e thyer me një gur, ishin të vendosur flamuj "dardanë" dhe partiakë. Gjithashtu Mecinaj tha se të gjithë posterët e LDK-së të vendosur dje nëpër disa pika në qytet janë shkyer brenda një ore

Atentat në Shkodër, vritet 27-vjeçari, plagoset një kalimtare




Detaj nga ngjarja

SHKODER - Një 27-vjeç ka mbetur i vrarë me armë zjarri në qytetin e Shkodrës. Ngjarja ka ndodhur në mbrëmje në rrugën "Lin Delija", afër kryqëzimit të spitaleve dhe monumentit të Prekë Calit. Sipas policisë, viktima, Olsi Curri ka qenë në një lokal së bashku me persona të tjerë, kur një automjet ka kaluar pranë lokalit dhe është ndalur e ka qëlluar në drejtim të tij. Viktima ka dalë nga jashtë lokalit dhe në trotuar ka marrë plumbat që i kanë sjellë vdekjen. Një grua 31 vjeçe, L. Pali që ndodhej në këtë vend është plagosur aksidentalisht në krah. Nuk dihet akoma nëse viktima ka qenë objekt i sulmit me armë, por në vendin e ngjarjes janë gjetur katër gëzhoja. Policia bën me dije se vetëm një plumb e ka kapur viktimën duke i shkaktuar vdekjen e menjëhershme. Policia ka rrethuar vendin e ngjarjes si dhe ka bllokuar lokalin ku kanë qenë rreth 20 persona, të cilët nuk janë lejuar të lëvizin pa u marrë dëshmitë dhe bërë kontrolli i tyre. Policia po heton në disa pista siç janë ajo e ndonjë konflikti të mundshëm që ka pasur më përpara viktima, grindje e çastit apo dhe hakmarrje. Autori është larguar me shpejtësi i ndihmuar nga errësira.

Zhduket në rrethana misterioze një 58-vjeçare




Policia shqiptare


Tiranë, Shtetasja Nadire Dervishi, 58-vjeçare, është larguar nga banesa pa lënë asnjë adresë konkrete se ku do të shkonte, çka ka bërë që të shqetësohen së tepërmi bashkëshorti dhe anëtarët e tjerë të familjes së saj. Mungesa e saj, e ka detyruar burrin e saj, Zyber Dervishin, që ta paraqes rastin në Policinë e Tiranës. Kallëzuesi i ka sqaruar policisë se qe tri ditë e shoqja e tij ishte larguar nga shtëpia, por nuk ishte kthyer më. Për orë të tëra, z.Dervishi, 62-vjeçar, nuk ka reshtur kërkimet nëpër të afërm dhe të njohur, por përpjekjet e tij kanë rezultuar të kota. Policia tha se po punohet për gjetjen e saj, për çka ka kërkuar edhe ndihmën e Prokurorisë së Tiranës. Policia tha se fotografia e së zhdukurës u është shpërndarë të gjitha komisariateve të Tiranës, me qëllim lehtësimin e identifikimit të saj.

I mashtron për gjetjen e të humburve më 9 janar, pranga



Lezhë – Forcat e policisë së komisariatit të Lezhës me anë të një operacioni të koduar “Grepi”, kanë arrestuar shtetasin Gjin Ndrecaj, 51-vjeç, lindur dhe banues në fshatin Spiten, Komuna Zejmen.
Ky shtetas është prezantuar si polic i interpolit, me një emër të rremë, të quajtur Gjon Marku, dhe duke përfituar nga gjendja emocionale e të gjithë familjarëve të Qarkut Lezhë të cilët kanë humbur femijët në tragjedinë e 9 Janarit, në kanalin e Otrantos, ka filluar të kontaktojë me ta duke kërkuar për çdo rast sasi të konsiderueshme parash, në këmbim të gjetjes së eshtrave të femijëve të tyre.
Gjatë kontrollit në momentin e kapjes, ju gjet dhe sekuestruan me cilesinë e provës materiale një granatë dore sëbashku me ndezësin, një pasaportë në emër të shtetasit Nikolin Ndoj, një kartë identiteti të një vajzë nga kallmeti, telefona, fletore me adresa, të cilat i mbante më vete në një çantë dore.
Grupi hetimor i Drejtorisë së Policisë së Qarkut Lezhë po punon per dokumentimin e cdo rasti mashtrimi qe mund te kete kryer ky shtetas, dhe për sqarimin e plotë të kësaj ngjarje.

30 vjet burg për një ish-oficer të serbëve të Bosnjës



Gjykata për krimet e luftës në Bosnje-Hercegovinë dënoi me 30 vjet burg një ish-oficer të serbëve të Bosnjës për pjesëmarrje në masakrën e Srebrenicës.
Gjykata në Sarajevë e gjykoi 51-vjeçarin Millorad Trbiq fajtor për gjenocid dhe për pjesëmarrje në një akt të përbashkët kriminal.
Trupat e serbëve të Bosnjës në korrik të vitit 1995 patën hyrë në ish-zonën e mbrojtur nga OKB-ja Srebrenicë, dhe patën rrëmbyer para syve të ushtarëve holandezë të OKB-së, të pajisur vetëm me armë të lehta, rreth 8.000 myslimanë, kryesisht burra dhe djem, të cilët më pas i patën vrarë.
Përgjegjësit kryesorë për masakrën konsiderohen ish-shefi i serbëve të Bosnje-Hercegovinës Radovan Karaxhiç dhe komandanti i tij Ratko Mlladiç. Karaxhiç do të dalë përpara Gjykatës së OKB-së për krime lufte në Hagë më 26 tetor. Mlladiç vazhdon të jetë në arrati.

Mbi 90 për qind e rasteve të denoncuara nga qytetarët lidhur me fenomenin e korrupsionit, kanë të bëjnë me sektorin e gjyqësisë, thonë përfaqësues të organizatave, që merren me luftimin e kësaj dukurie në Kosovë.
Megjithatë, sipas tyre, për shkak të mungesave në rrafshe të shumta, lufta për çrrënjosjen e këtij fenomeni vazhdon të jetë e kufizuar. Dukuria e korrupsionit vlerësohet të jetë njëra prej sfidave më të mëdha për institucionet kosovare. Raportet e fundit të organizatave të ndryshme vendore dhe ndërkombëtare, ndërkaq, tregojnë për një rritje të këtij fenomeni.

Drejtori i Agjencisë Kosovare Kundër-korrupsion, Hasan Preteni, thekson se arsye e efikasitetit të dobët në luftën kundër korrupsionit, përveç faktorëve të tjerë, siç është infrastruktura ligjore, është edhe efikasiteti i dobët i gjykatave.

“Është një përgjegjësi më e madhe e gjykatave, jo vetëm ato që duhet të gjykojnë për veprimet e mundshme korruptive, mirëpo gjykatat në raport me Agjencinë Kosovare Kundër-korrupsion janë shumë neglizhente dhe nuk na raportojnë për rastet që i zgjidhin”. “Në anën tjetër, pretendohet që, pikërisht, gjykatat janë të përfshira në korrupsion. Në një anë nuk i zgjidhin problemet, e në anën tjetër, gjatë punës se tyre ka veprime të mundshme korruptive”, thotë Preteni.

Për rritjen e efikasitetit në këtë drejtim, Preteni pohon se duhet të kompletohet infrastruktura ligjore dhe të përshtatet me rrethanat kosovare, mandej të fuqizohen mekanizmat antikorrupsion si dhe të investohet në ngritjen e vetëdijes qytetare për luftë kundër korrupsionit. Një hulumtim për dukurinë e korrupsionit, i bërë nga Instituti Demokratik i Kosovës, tregon se mbi 90 për qind e rasteve të denoncuara nga qytetarët, kanë të bëjnë me sektorin e gjyqësisë.

Zëdhënësi i Institutit Demokratik të Kosovës, Besnik Ramadanaj, shpjegon se: “Në rend të parë ankesat më të mëdha vijnë për sektorin e drejtësisë, pastaj vazhdojnë tek shërbimet e qytetarëve tek pronat, në arsim, ekonomi-çështjet e privatizimit". “Bazuar në këtë raport, KDI-ja më pas do të veprojë në kuadër të projektit me avokim, duke avokuar tek institucionet përkatëse që të përmirësojnë ato segmente ku janë gjetur raste të shumta të korrupsionit”.

Njëkohësisht, edhe raporti i fundit i Programit të Kombeve të Bashkuara, UNDP, raporton se gjykatat, Korporata Energjetike e Kosovës, prokuroria, Agjencia Kosovare e Privatizimit, spitalet dhe Qeveria radhiten ndër institucionet që janë më të përfshirat në korrupsion. Ndërkaq, ekspertët e çështjeve të sigurisë thonë se për ta luftuar korrupsionin, duhet të ekzistojë një guxim më i madh i institucioneve, të cilat merren me luftimin e këtij fenomeni.

Proceset që kanë të bëjnë me këtë, ata theksojnë se nuk duhet të mbesin vetëm të publikuara, por të përfundohen të gjitha procedurat. I të njëjtit mendim është edhe eksperti për çështje të sigurisë, Agim Musliu.

“Sipas asaj që publikohet është shumë pak, është pothuajse minore. Nëse zbulohet një korrupsion i 50 eurove dhe ai është i dyshimtë në një zyre administrative, nuk mund ta quajmë atë korrupsion, korrupsioni rrjedh prej burimeve të mëdha materiale, dhe ajo dihet ku është; në vendimmarrje, në ekzekutiv. Prej atyre buron gjithë problemi në Kosovë”, shpjegon Musliu.

Institucionet e Kosovës, ndërkaq, janë akuzuar disa herë se nuk po bëjnë sa duhet për ta parandaluar korrupsionin në shoqëri. Madje, edhe një nga institucionet më me renome ndërkombëtare, “Freedom House”, thotë se niveli i korrupsionit në Kosovë ende është i lartë, ndërsa nuk ka angazhim institucional për ta luftuar këtë. Sidoqoftë, Qeveria e Kosovës është zotuar për zero tolerancë ndaj dukurisë së korrupsionit.

Qytetaret ne Shqiperi i vleresojne te pamjaftueshme masat e marra kunder korrupsionit ne administraten publike. Ne intervista me rastin e Dites Boterore kunder Korrupsionit, qytetare te moshave te ndryshme pohojne se ndeshin korrupsionin ne gjykata, ne spitale dhe ne shume fusha te tjera. Korrespondenti yne, Ilirian Agolli, bisedoi sot me disa banore te Tiranes dhe pergatiti kete material

https://www.youtube.com/watch?v=KLmWKDmDxzA&feature=related

Ambiente të Spitalit i jepen me qira dhe pa konkurrim një kompanie të huaj private.


https://www.youtube.com/watch?v=Pk5-Yz60cc4&feature=related


Nuk kuptoj: pse duhet te japim ne pronat tona ne kete menyre, kur vet qytetaret tane nuk kan kushtet e nevojshme?!

Arrestohen dy persona në Gjakovë, 60 të tjerë të dyshuar



Policia e Kosovës ka arrestuar dy persona, ish-punonjës të Shkollës së Lartë Pedagogjike “Bajram Curri” në Gjakovë. Ata dyshohen për dy vepra penale, keqpërdorim të detyrës zyrtare dhe marrje të ryshfetit.
Dy të arrestuarit njëri i moshës 65 dhe tjetri 66 vjeç, dyshohen se kanë marrë ryshfet shumën prej 14 mijë e 380 eurosh dhe 200 markash gjermane.
Policia ka identifikuar edhe 57 persona të dyshuar nga Komuna e Malishevës, të cilët mund të jenë pajisur me certifikata të diplomës, të cilat dyshohet se janë të falsifikuara.
“Diplomat janë lëshuar nga dy të dyshuarit, njëri ish-referent për çështje studentore dhe tjetri ish-sekretar në Shkollën e Lartë, tani në pension”, thuhet në komunikatën e policisë.
Gjithashtu policia ka njoftuar se gjatë ditës së sotme është bërë kallëzimi penal në Prokurorinë Komunale në Gjakovë ndaj 60 personave. Sipas policisë, njësiti antikorrupsion në drejtorinë rajonalë të policisë në Pejë është duke zhvilluar hetime shtesë për ndërlidhjen e mundshme të personave të tjerë.

Arrestohen dy ish punëtorë të SHLP të Gjakovës për shëpërdorim detyre



Policia ka njoftuar se dje (e hënë) një ish referent për çështje studentore dhe tjetri ish sekretar në Shkollën e Lartë Pedagogjike në Gjakovë, tani në pension, për shpërdorim të detyrës zyrtar/legalizim i përmbajtjes së pavërtetë/falsifikim i dokumentit zyrtar/marrja e dhënia e ryshfetit.Në informatën e Policisë së Kosovës, Komanda rajonale në Pejë, thuhet se qysh më datën 20/05/09, Njësiti Rajonal për Krime Serioze, Sektori Antikorrupsion, ka pranuar urdhëresën nga Prokuroria Publike Komunale Gjakovë, ku është kërkuar të verifikohen disa diploma të dyshuara, të cilat janë lëshuar nga ish Shkolla e Lartë Pedagogjike “Bajram Curri” në Gjakovë.
Njësiti Rajonal për Krime Serioze, Sektori Antikorrupsion, pas analizimit të rastit kanë konstatuar se ka elemente të dyshimit mbi ekzistimin e kësaj vepre penale.
Pas hetimeve preliminare janë identifikuar 57 persona të dyshuar nga Komuna e Malishevës, se mund të janë pajisur më certifikata të diplomës, të cilat dyshohen se janë të falsifikuara. Diplomatë janë të leshura nga dy të dyshuar të cilit kanë punuar në ish SHLP- Gjakovë.
Pas një pune intensive dhe mjaft voluminoze, me ç’rast janë verifikuar dhe proceduar dokumente dhe intervistuar mbi 60 persona, ekziston dyshimi i bazuar se: dy të dyshuar (kosovarë/shqiptar, rreth 65 dhe 66 vjeçar) duke e keqpërdorur pozitën zyrtare kanë marruar ryshfet në shumën prej 14 mijë e 380 € si dhe 200 DM dhe kanë lëshuar diploma të falsifikuara. Policia, dje (me datën 19/10/2009), ka arrestuar dy të dyshuarit nga Gjakova, njëri ish referent për çështje studentore dhe tjetri ish sekretar në shkollën e lartcekur, tani në pension. Më urdhër të Prokurorit, dy të dyshuarit, mbahen në ndalimin policor.
Sot me datën 20/10/09 është bërë kallëzimi penal në PPK-Gjakovë ndaj 60 personave për veprat në fjalë. Njësiti Antikorrupsion, pranë Drejtorisë Rajonale të Policisë në Pejë janë duke zhvilluar hetime shtesë mbi ndërlidhjen e mundshme të personave tjerë, thuhet në njoftimin e policisë.

Itali, shkatërrohet organizata shqiptare e shpërndarjes së drogës






Shkatërrohet në Itali një organizatë shqiptare e trafikut dhe shpërndarjes së drogës. Operacioni i koduar me emrin “Shamikuqja” është kryer nga policia e Modenas e cila ka vënë në pranga 8 persona. Hetimi për veprimtarinë e organizatës, i nisur në tetor të 2007 konsiderohet mjaft i rëndësishëm jo vetëm sepse objektivi ka qenë një grup kriminal i cili vepronte në veri të Italisë, por dhe për numrin e personave të hetuar, më shumë se 100.
Arrestimet e sotme, për të cilat nuk është dhënë ende asnjë emër, kanë prekur nivelet drejtuese të organizatës të përbërë kryesisht nga shqiptarë. Në përfundim të operacionit hetuesit e seksionit të antidrogës të Skuadrës Lëvizëse në bashkëpunim edhe me prokurorinë e Modenas kanë mundur të shkatërrojnë 3 nivele të organizatës.
Hetimi mundësoi individualizimin dhe arrestimin e gjithë komponentëve të organizatës që çdo javë shisnin disa kilogramë lëndë narkotike të pastër në tregun e Modenas dhe të qendrave të tjera urbane të veriut të Italisë.

U arrestuan 12 policë kufitarë

Mësohet se 12 policët e arrestuar kanë qenë pjesë e një njësiti patrullues në pikën kufitare në rajonin e Lindjes.



Drejtoria për krime ekonomike dhe korrupsion në kuadër të Policisë së Kosovës, ka arrestuar 12 zyrtarë policorë me dyshim të keqpërdorimit të pozitës zyrtare dhe marrjes së ryshfetit.


Drejtoria për krime ekonomike dhe korrupsion në kuadër të Policisë së Kosovës, ka arrestuar 12 zyrtarë policorë me dyshim të keqpërdorimit të pozitës zyrtare dhe marrjes së ryshfetit.
Lajmin e bëri të ditur, në një konferencë të jashtëzakonshme për media, drejtori i përgjithshëm i Policisë së Kosovës, Sheremet Ahmeti, i cili njoftoi se policët e arrestuar kanë qenë të angazhuar në kuadër të policisë kufitare - rajoni i Lindjes.
“Arrestimi është bërë me urdhër të Prokurorit të Qarkut të Gjilanit dhe ata janë në paraburgim. Paralel me atë, Policia e Kosovës udhëheq edhe hetimet e brendshme, të cilat janë inicuar menjëherë ndaj këtyre zyrtarëve policorë. Ata janë suspenduar nga puna, ndërsa lënda i është dorëzuar edhe inspektoratit policor të Kosovës, i cili tash udhëheq hetimet e brendshme ndaj këtyre zyrtarëve policorë”, u shpreh Ahmeti, për të shtuar se arrestimi është bërë pas më se dy muajsh të hetimeve.
Mësohet se 12 policët e arrestuar kanë qenë pjesë e një njësiti patrullues në pikën kufitare në rajonin e Lindjes.

Thyhet zyra e AAK së në Drenas

Mbrëmë vonë, nga persona të panjohur, është thyer zyra e AAK-së në Drenas.



Zyra e AAK-së Drenas

Zyrtarët e Aleancës për Ardhmërinë e Kosovës kanë njoftuar se mbrëmë vonë, në rrethana të pasqaruara dhe nga persona tash për tash të panjohur, është thyer zyra e këtij subjekti politik në Drenas.
Sipas zyrtarëve të Degës së AAK së në Drenas, ky sulm me qëllime të paracaktuara politikisht, ka ndodhur në orët e vona të mbrëmjes së djeshme, thuhet në njoftim.
Me këtë rast, AAK e ka dënuar fuqishëm sulmin në selinë e partisë dhe ka kërkuar identifikimin e menjëhershëm të tyre dhe marrjen e masave ligjore.
Ndër të tjera, zyrtarët e AAK së vlerësojnë se pavarësisht këtyre sulmeve, siç thonë nga rivalët politik në Drenas, por edhe në qendra të tjera të vendit, ndëshkimi më i madh ndaj veprimeve të tilla të ulëta me motive të dobëta do të jetë vota e qytetarëve të Kosovës.

Policia fillon kontrollet për sigurinë e transportit publik





Policia rrugore e Kosovës

Policia rajonale e trafikut rrugor në Mitrovicë, në bashkëveprim edhe me inspektorët komunal dhe ata të ministrisë së Transportit dhe Telekomunikacionit nga dita e sotme deri më 23 tetor, do të zbatojnë planin e veprimit për kontrollin e veçantë.Plani i veprimit për kontrollin e veçantë synon ngritje të sigurisë në transportin publik.Qëllimi i zbatimit te këtij plani do te jetë identifikimi dhe eliminimi i parregullsive në transportin publik, sigurimi i transportit të sigurt të udhëtarëve, identifikimi dhe marrja e masave ndaj te gjithë atyre që ushtrojnë ketë veprimtari pa i plotësuar kushtet e parapara me ligjin e sigurisë në komunikacion. Policia e Kosovës kërkon mirëkuptimin dhe bashkëpunimin e të gjithë pjesëmarrësve në komunikacionin rrugor

Tri akte kriminale gjatë vikendit



Një vozitës në Krushë të Madhe, ka fyer një patrullë policore, e cila e kishte ndaluar për shkak të tejkalimit të shpejtësisë. Policia tha se reagimi i vozitësit ishte i ashpër dhe tejet fyes për organet e rendit. I njëjti u dënua me gjobë në të holla nga Gjykata për Kundërvajtje në Rahovec. Ndërsa, në orët e hershme të mëngjesit të sotëm, është evidencuar një vjedhjeje e rëndë në supermarketin që ndodhet në rrugën “Xhelal Hajda” të Rahovecit. Policia arriti që mallin e vjedhur ta kthejë dhe ta arrestojë njërin prej dy të dyshimtëve. Policia e Kosovës në Prizren, njoftoi edhe për një sulm fizik që tre persona bënë ndaj një personi tjetër në Rahovec. Viktima po mjekohet në spitalin e Gjakovës, në gjendje shëndetësore jashtë rrezikut për jetë.
M. Shasivari

Zhduket në rrethana misterioze një 58-vjeçare




Policia shqiptare


Tiranë, Shtetasja Nadire Dervishi, 58-vjeçare, është larguar nga banesa pa lënë asnjë adresë konkrete se ku do të shkonte, çka ka bërë që të shqetësohen së tepërmi bashkëshorti dhe anëtarët e tjerë të familjes së saj. Mungesa e saj, e ka detyruar burrin e saj, Zyber Dervishin, që ta paraqes rastin në Policinë e Tiranës. Kallëzuesi i ka sqaruar policisë se qe tri ditë e shoqja e tij ishte larguar nga shtëpia, por nuk ishte kthyer më. Për orë të tëra, z.Dervishi, 62-vjeçar, nuk ka reshtur kërkimet nëpër të afërm dhe të njohur, por përpjekjet e tij kanë rezultuar të kota. Policia tha se po punohet për gjetjen e saj, për çka ka kërkuar edhe ndihmën e Prokurorisë së Tiranës. Policia tha se fotografia e së zhdukurës u është shpërndarë të gjitha komisariateve të Tiranës, me qëllim lehtësimin e identifikimit të saj.

I mashtron për gjetjen e të humburve më 9 janar, pranga



Lezhë – Forcat e policisë së komisariatit të Lezhës me anë të një operacioni të koduar “Grepi”, kanë arrestuar shtetasin Gjin Ndrecaj, 51-vjeç, lindur dhe banues në fshatin Spiten, Komuna Zejmen.
Ky shtetas është prezantuar si polic i interpolit, me një emër të rremë, të quajtur Gjon Marku, dhe duke përfituar nga gjendja emocionale e të gjithë familjarëve të Qarkut Lezhë të cilët kanë humbur femijët në tragjedinë e 9 Janarit, në kanalin e Otrantos, ka filluar të kontaktojë me ta duke kërkuar për çdo rast sasi të konsiderueshme parash, në këmbim të gjetjes së eshtrave të femijëve të tyre.
Gjatë kontrollit në momentin e kapjes, ju gjet dhe sekuestruan me cilesinë e provës materiale një granatë dore sëbashku me ndezësin, një pasaportë në emër të shtetasit Nikolin Ndoj, një kartë identiteti të një vajzë nga kallmeti, telefona, fletore me adresa, të cilat i mbante më vete në një çantë dore.
Grupi hetimor i Drejtorisë së Policisë së Qarkut Lezhë po punon per dokumentimin e cdo rasti mashtrimi qe mund te kete kryer ky shtetas, dhe për sqarimin e plotë të kësaj ngjarje.

Plagosje si në filma në Prizren


Nga Express

Sikur në skena filmi është plagosur një shtetas në Prizren, pasi tre persona të panjohur ia kanë bllokuar në rrugë veturën e tij, ndërsa pasi e kanë nxjerrë nga vetura, e kanë qëlluar viktimën me armë në këmbë.

Zëdhënësi rajonal i policisë në Prizren, të mërkurën, njoftoi se rasti ndodhi në orët e hershme të ditës në rrugën “Edit Durham”, me ç’rast një shtetas përderisa po lëvizte me veturën e tij, është ndaluar nga tre persona të dyshuar, të panjohur për viktimën dhe pasi është nxjerrë nga vetura është qëlluar me një plumb në këmbën e majtë.

Ai tha se pas këtij akti, sulmuesit kanë ikur në drejtim të panjohur, ndërsa i lënduari është dërguar në emergjencën e spitalit rajonal në Prizren, nga një shok i viktimës, i cili ndodhej me të gjatë incidentit.

Policia nuk bëri të ditur identitetin e viktimës, përderisa nuk njoftoi as për motivet e rastit, që ndodhi në një nga rrugët në afërsi të qendrës tregtare “Qylhan”. “Policia ka dalë në vendin e ngjarjes dhe ka kryer procedurat hetimore të vendit të ngjarjes, ku edhe është sekuestruar një gëzhojë e kalibrit dhe llojit të panjohur”, tha zëdhënësi Berisha.

Arrestohen edhe 4 veta për 1 kg kokainë


Nga Express

Pas arrestimit të pesë personave, në fillim të javë së kaluar, njësitet kundër krimit të organizuar të Policisë së Kosovës kanë ndërmarrë një operacion kontrolli e bastisjeje në rajonin e Prizrenit dhe të Pejës, me ç’rast kanë arrestuar edhe katër persona të dyshuar për përfshirje në krim të organizuar

“Sot më datën 21. 10. 2009, rreth orës 13:30, Njësia për Hetime Transkufitare në kuadër të Drejtorisë Kundër Krimit të Organizuar, ka realizuar një operacion në Rajonin e Drejtorisë Rajonale të Prizrenit dhe Pejës, ku janë arrestuar edhe katër persona si të dyshuar, të përfshirë në veprën penale krim i organizuar. Ky operacion ka qenë vazhdimësi e operacionit të datës 12. 10. 2009, ku janë arrestuar pesë persona të dyshuar, me ç’rast është konfiskuar rreth një kilogram substancë narkotike, që dyshohet të jetë kokainë”, thuhet në një komunikatë shtypi, të lëshuar sot nga Policia rajonale në Prizren.

Gjatë aksionit të sotëm janë arrestuar: A. Sh. (1977), S. L. (1977), Xh. K. (1984), të tre shtetas të Kosovës dhe R. P. (1977), shtetas i Shqipërisë.

Deri më tani, numri i të arrestuarve në këtë rast ka arritur në nëntë persona.

Gjoka: E hodha djalin nga ura për inat të ish-gruas



Policia e Shkodrës ka sqaruar plotësisht rrethanat e një ngjarjeje të ndodhur dy ditë më parë, kur një burrë hodhi nga ura fëmijën e tij 2-vjeçar.
Policia arrestoi të shtunën në mesditë, Eduard Gjokën në një zonë rreth 12 km larg Shkodrës. 32-vjeçari ishte fshehur në shtëpinë e disa të afërmve të tij në këtë zonë.
Burime pranë grupit hetimor pohojnë se Gjoka ka deklaruar gjatë marrjes në pyetje, se të birin e hodhi nga ura pasi dyshonte se djali nuk ishte i tij. "Më erdhi keq për djalin, por e hodha poshtë nga ura në shenjë hakmarrjeje ndaj ish-gruas sime që më ka divorcuar. Gjatë gjithë kohës kam pasur përbrenda një dyshim të tmerrshëm, atë që djali nuk ishte i imi", u shpreh burri në polici. Sipas informacioneve policore, Gjoka kishte qenë edhe përdorues droge.
"Martesa ime me Eduart Gjokën nuk ka funksionuar. Jam martuar tre vjet më parë dhe që në fillim kisha probleme, pasi Eduarti nuk punonte dhe pinte alkool. Shtatë muaj më parë u divorcuam", ka deklaruar ish-bashkëshortja e Gjokës, 24-vjeçarja, Mirela Ndocaj. Ajo tashmë është martuar në Serbi, ku fill pas ngjarjes ka udhëtuar drejt Shkodrës për të marrë djalin e saj 2-vjeçar.

Vetëvritet ish-oficeri i policisë



Një ish-oficer policie, tashmë biznesmen, i ka dhënë fund jetës pasi vuante nga një sëmundje e rëndë. Në moshën 72 vjeçare, Beqir Ahmetaj, është hedhur nga ballkoni i apartamentit të tij në katin i pestë të pallatit ku banonte prej vitesh. Veprimi i të dielës, ishte i dyti brenda javës, kur ish- oficeri Ahmetaj u mundua të vriste veten nëpërmjet kësaj forme. Tentativë vetëvrasjeje viktima tentoi ta kryente edhe të premtën, po në shtëpinë e tij. Herën e parë ai u zbulua në kohë nga familjarët e tij të cilët arritën t'i shpëtojnë jetën Ahmetajt në mënyrë të përkohshme. Për këtë shkak pas ngjarjes së parë të afërmit e ish- oficerit të policisë, u munduan t'i qëndrojnë pranë, duke ditur edhe sëmundjen e rëndë nga e cila vuante dhe dhimbjet i kishte të rënda.

Fier, rrëzohen nga 25 m lartësi, gërvishtet vetëm makina



Tre familjarë që udhëtonin me një autoveturë në aksin Fier-Ballsh kanë rënë në humnerë nga 25 metra lartësi, në vendin e quajtur “Kthesa e Visokës”, duke mos pësuar as më të voglin lëndim.
Autovetura tip "Nisan" me targa NZA 94-24, drejtohej nga Bledar Shanaj, me banim në qytetin e Vlorës, i cili udhëtonte së bashku me bashkëshorten dhe kunatën e tij. Pas disa rrotullimeve, automjeti ka përfunduar në një ledh në fund të humnerës, me pjesën e përparme të ngulur në tokë.
Personat që ndodheshin brenda saj kanë dalë shëndoshë e mirë, duke u kujdesur të mbyllnin dyert e makinës dhe të vëzhgonin me endje disa gërvishtje që ajo kishte marrë në pjesën e parme.
Të shokuar, pasagjerët "fatlumë" të mjetit tip "Nissan" e përfunduan udhëtimin drejt Vlorës me furgonë të rastit.

Filloristi me revole në shkollë!



PRIZREN - Dukuria brengosëse e “nxënësve të armatosur”, ka kohë që është prezente edhe në rajonin jugor të vendit. Në këtë kontekst, pëfaqësuesi për informim në Drejtorinë rajoale të Policisë në Prizren, togeri Hazir Berisha, ka njoftuar se një akt i tillë, është evidencuar në shkollën fillore të fshatit Damanek të komunës së Malishevës, kur drejtori i asaj shkolle, ka pikasë një revolver të llojit “Zastava” tek një nxënës i klasës së nëntë. Me disa përpjekje, personeli i atyshëm arsimor, arriti që ta sekuestrojë armën nga filloristi, ndërkaq që me rastin e intervistimit nga ana e organeve policore, ai ka deklaruar se armën e kishte gjetur teksa po e kulloste bagëtinë.
Myrfet Shasivari

Dajti njihet me akuzën përfundimtare



Dritan Dajti, i dyshuar për "vrasjen" e katër policëve dhe shokut të tij Ledion Mara, me 7 gusht të këtij viti në Durrës, refuzoi të japë shpjegime pasditen e djeshme para hetuesve të çështjes, të cilët më pas i komunikuan akuzat e vrasjes së pesëfishtë dhe plagosjes së F.S. 17-vjeçar. Një veprim i tillë është kryer nga organi i akuzës kur hetimi ndaj Dritan Dajtit dhe kunatit të tij është drejt përfundimit. Lajmi konfirmohet nga burime të Qendrës Spitalore të Burgut, që pohuan se pas konsultimit me mjekët e tyre, prokurorët e çështjes dhe avokati i Dajtit, Arben Qeleshi, vizituan të pandehurin, ku ai mjekohet që prej arrestimit të tij. Qëllimi i vizitës së prokurorëve mësohet se ka qenë komunikimi i akuzës ndaj tij në përfundim të hetimit me qëllim që atij t'i jepet mundësia të japë versionin e tij mbi ngjarjen. Dajti i këshilluar nga avokati i refuzoi të japë shpjegime për akuzat, duke pretenduar se do të flasë gjatë gjykimit. Pas refuzimit, prokurori Ardian Nezha dhe hetuesi i çështjes i komunikuan akuzat të pandehurit Dritan Dajti, për veprat penale të "vrasjes në rrethana të tjera cilësuese" ndaj katër efektivëve të policisë, "vrasjes në rrethana të tjera cilësuese" në mënyrë të rrezikshme për jetën e shumë personave ku ka mbetur i vrarë shoku i tij Ledion Mara si dhe "vrasjen në rrethana të tjera cilësuese" në mënyrë të rrezikshme për jetën e shumë personave të mbetur në tentativë, ndaj F.S. 17- vjeçar, që mbeti i plagosur. Veç këtyre akuzave, prokurori i komunikoi atij edhe atë të "armëmbajtjes pa leje". Pak ditë më parë, prokurori Nezha nën shoqërinë e avokatit Qeleshi kanë marrë takim edhe me kunatin e Dajtit, të pandehurin Ergest Xhoxhi. Edhe ai nuk ka pranuar të japë shpjegime përpos atyre që ka dhënë menjëherë pas arrestimit, duke refuzuar të flasë, por ka pranuar të njihet me akuzat përfundimtare ndaj tij.

Sulm ndaj një kompanie tregtare!



Se sulmet me armë të zjarrit, nga llojet e zakonshme siç janë pushkët e revolverët, tanimë në Kosovë, u bënë “monotone”, tregon edhe një ngjarje, e cila sipas policisë së Kosovës në Prizren, është evidencuar të ketë ndodhë në fshatin Gelancë të komunës së Suharekës. Në fakt, në orët e mesnatës së djeshme, nga persona ende të pidentifikuar, është sulmuar QT “Tafaj 3 H”, i cili rezultoi vetëm me dëmtime materiale, përderisa autorët e këtij sulmi të pazakontë, supozohet të jenë larguar në drejtim të Prizrenit. Policia është duke e hetuar rastin.
M.SH.