Në Maqedoni pritet të mbahet një tjetër protestë e qytetarëve

nga **Agim Gashi** Fri Feb 18, 2011 11:19 pm

Në Maqedoni pritet të mbahet një tjetër protestë e qytetarëve

Burime nga Ministria e Brendshme e Maqedonisë jozyrtarisht kanë njoftuar për “ABC News” se janë shtuar masat e sigurisë në vendkalimet kufitare me Serbinë, pasi dyshohet se protestuesit maqedonas kanë kërkuar përkrahje edhe nga Serbia, për një protestë të caktuar për të shtunën.
Edhe pse po bëhen gati një javë nga incidenti në Kalanë e Shkupit, tensioni që ai ka shkaktuar ekziston ende në kryeqytetin e Maqedonisë.
Një numër i konsiderueshëm i policëve po sigurojnë Kalanë e Shkupit, pjesët e qytetit dhe objektet fetare ku jeton popullatë e përzier shqiptare dhe maqedonase.
Tensionin e shtojnë edhe aktivitetet e nacionalistëve maqedonas të cilët përmes rrjeteve sociale në internet, kanë bërë apel për një protestë të re në fundjavë në Kala, si hakmarrje për incidentit e javës së kaluar.
Ministrja e punëve të brendshme Gordana Jankullovska si dhe autoritetet e tjera kanë bërë thirrje të vazhdueshme që qytetarët të mos i përgjigjen apeleve për protesta të reja.
Ndërkohë, Lëvizja Qytetare “Zgjohu” ka paralajmëruar se vendimin për ndërtimin e kishës në Kala do ta ankimojë në Gjykatën Kushtetuese, pasi sipas saj ndërtimi i saj bie ndesh me parimet laike të shtetit.
Lëvizja Zgjohu po ashtu është distancuar nga përgjegjësia për incidentin e së dielës së kaluar, duke sqaruar se ata kishin si qëllim të organizojnë vetëm një konferencë për shtyp, ndërsa sipas tyre, incidentin e kanë shkaktuar disa ekstremistë maqedonas të cilët shkuan në Kala për të penguar konferencën për media.
Gjithashtu lëvizja “Zgjohu” tha se nuk planifikon protesta të tjera gjatë fundjavës duke i bërë thirrje qytetarëve shqiptarë, të mos bien pre e manipulimeve.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31