Pro hyrjes në BE, 72 % e qytetarëve të Kosovës

nga **Agim Gashi** Tue Aug 07, 2012 7:40 pm

Pro hyrjes në BE, 72 % e qytetarëve të Kosovës

Në një referendum rreth anëtarësimit në Bashkimin Europian, 72% e qytetarëve të Kosovës do të përgjigjeshin me po. Kështu thonë të gjeturat kryesore në një anketë vetëdijesimi për BE-në dhe Integrimin Europian në Kosovë. Shumica e qytetarëve të Kosovës besojnë se integrimi në Be do të kishte përparësi për vendin, prandaj janë 72% e tyre që do të votonin pro anëtarësimit në BE. Veç kësaj, qytetarët shprehen edhe shumë optimist për sa i përket kohës së anëtarësimit në BE, thotë Melvin Asin, zëvendësi shef i operacioneve të zyrës së Be-së.

“Qytetarët e Kosovës janë shumë optimist për sa I përket afateve për anëtarësim në BE. 56% mendojnë se Kosova tash është e gatshme ti bashkohet BE-së, 34% besojnë se Kosova do ti bashkohet Kosovës në vitin 2014, kurse 54% mendojnë se Kosova do të bëhet anëtare e Be-së në 5 vitet e ardhshme”, tha Asin.

Mirëpo vet Asin theksoi se integrimi në BE është proces i gjatë e kompleks dhe një proces i bazuar në reforma. Edhe zëvendësministri i Integrimeve Europiane Gëzim Kasapolli, thotë se afatet mund të ndryshojnë varësisht nga reformat.

“Edhe njëherë dua të përmend, nuk ka të bëjë me afate kohore. Në momentin e përmbushjes së obligimeve të cilat dalin para nesh, besoj se edhe BE do të gjej mundësi që afatet të shkurtohen apo edhe nëse ne nuk i plotësojmë të zgjaten” , tha Kasapolli.

Nga të gjeturat e tjera të anketimit, del se gazetarët janë bindshëm më të besueshëm në opinionin publik, me 58%, përderisa politikanët dhe biznesmenët janë në nivelin shumë të ultë të besueshmërisë, me 5% përkatësisht 4%.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30