Topi: Shqipëria ka qenë, është e do të jetë në krah të Kosovës

nga **Agim Gashi** Wed Feb 23, 2011 8:20 pm

Topi: Shqipëria ka qenë, është e do të jetë në krah të Kosovës

Presidenti i Republikës së Shqipërisë, Bamit Topi ka përshëndetur konstituimin e institucioneve kryesore drejtuese të Republikës së Kosovës.
"Në emër të shtetit shqiptar dhe në emrin tim personal i dërgoj përshëndetjet dhe urimet më të përzemërta Presidentit, Kryetarit të Parlamentit, Kryeministrit, qeverisë dhe Parlamentit të Kosovës me rastin e konstituimit të institucioneve kryesore drejtuese.
Inaugurimi i Parlamentit të ri dhe zgjedhja e Presidentit dhe e qeverisë i japin një provë të re demokratike popullit të Kosovës dhe njëherësh hapin një kapitull të ri politik për Kosovën dhe shtetin e saj.
Unë kam besim të palëkundur se institucionet e Kosovës do të dinë të orientojnë të gjitha energjitë e tyre në drejtim të axhendës prioritare për forcimin e shtetit të së drejtës dhe të demokracisë funksionale, për zhvillim ekonomik dhe bashkëjetesë paqësore ndëretnike, për njohje të reja të shtetit të ri të Kosovës, për anëtarësim të pritshëm në OKB, si dhe për hapa të sigurtë drejt integrimit të plotë euroatlantik.
Në të gjithë këtë proces historik ju siguroj se Shqipëria ka qenë, është e do të jetë në krah të Kosovës, institucioneve dhe qytetarëve të saj, në mbështetje të procesit të gjithanshëm demokratik dhe integrues", thuhet përshëndetjen e presidentit Topi.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30