Hasan QYQALLA;Dy poezi NJË JETË

nga **Agim Gashi** Fri Feb 25, 2011 11:39 pm

Hasan QYQALLA

Dy poezi NJË JETË

MOS MË VRITNI ...

1.
Fjollë bore bie prajshëm
Në bjeshkë të larta në një shtojerë
Gjaku mbuloi trupin e nënës së re
E foshnja kërkonte qumështin e gjirit të saj
Përpëlitet, zhagitet, dënesë e qan...
Duart lëviz nga instikti
Njërën dorë ia mbulon bora
E tjetrën ku ta ngrohë?!
... Jo më në gjirin e nënës
As uri të shuaj në burimin e qumështit
Veç ndjen a s’ndjen !?
Qyrkun e gjakut të trupit të nënës
Që sa vdoq duke pëshpëritur...!
Kush ç’deshi të thotë?
Fjalë që askush s’i kuptoi
As polici blu-barbar...!
As ushtari gri-gjakatar...!
Por mimika e buzëve të saj, thua se foli:
“Mos më vritni!...e kam të vetmin vajzë e djalë”...
...Dhe mbylli sytë me meteorin në lartësi
E në qepallat e saj u tret një fëmijë...!

2.
Thua murrlan e tufan bashkë u bënë
Plasi vajin voglushi i uritur
Lëpin borën e gjakosur pak nga pak
Akull ngrirë cep më cep
Ngrin çuni i mërdhirë
I uritur e plangzbrazur
Në një bjeshkë të Kosovës
Buzët tharë nga etja
Për pak ujë e qumësht
Rrugëtim jetësor, ... përjetësie.

18. 1. 99.

DIALOG ME FISHTEN

1.
Tërë natën u grinda me gjergj Fishtën
Shtruar kishim dolli, deri në pangopësi
Trageti shkundej nga valët e stuhishme
Gjykoja thënjen e kohës
Mes vapës e dëborës
“le ta dijë gjithë bota mbarë... se Gjergj Fishta....”

Buzëqeshi tinëzisht, m’uroi pjekuri
Kurrë mos prekësh
Shëmti kohe panjerëzi!

2.
Më tej më dëftoi
Një anekdotë të vjetër:
“Gomarit samarari i hapen dyert e Pallatit Mbretëror...
...dhe prap ngel gomar kur pallet ai horror”!

3.
Mbrëmë u zura ngushtë
Skuq jam deri në vesh
Thënja Fishtjane
Na servohet sot përshesh!

21. 02. 11.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30