Mentor Thaqi:EH, PASHA SHTATË COPË LLUKAT!

nga **Agim Gashi** Sat Feb 26, 2011 7:59 pm

Mentor Thaqi:EH, PASHA SHTATË COPË LLUKAT!

Historia, po mos t´jetë Legjendë,
Kapitujt së prapthi, lexohen!,
paskësh thënë ai Plaku Llukjan mjekërrbardhë,
që në tre shekuj, jetën bëri,
e që Bardh Lluka i paskëshin thënë!

Lëmshit, fija i qe humbur,
e kur fijen gjetëm,
lëmsh më nuk patëm as pamë,
zdërvjellja, rrugë kish marrë!

Ah, Tanzimat hë taksirat,
që s´mund u mbajtëm më gjatë!
Plakut, vendi vend,
plot shtatë ditë e shtatë net, s´i zihej,
gjumi, i huaj në sy qe bërë.
- Qebesa, gja as bereqet,
qallmashëve s´u ipet!

- Heu Sulltan, koken tënde hëngësh,
me tokë e det, u shofsh përjetë!
O At i Shenjtë në Vatikan,
Imzot Pjetër Bogdani, kërkoi armatim
e jo vetëm bekim,
se Zoti bekon vetë,
ata që mbrojnë vend e milet!
Po, është e drejtë, t´na quash të shenjtë,
por, nga Oborri Yt,
dikush na pat rrejtë!
O At,
një Dhuratë me Uratë,
e ne do mbahemi gjatë!

Tak e tuk, mëngjes me krisma
aty nën Belishe, në Kodren e Kodralisë,
e sytë e Bardh Llukës, drejtuar Përëndisë,
që ia dëgjoj lutjet n´drejtim të Shenjtërisë!

Së pari tri krisma pushke,
e tevona, mbinë prej fushe,
e nisën, thanë, Lluka,
djemt e Mjekërrbardhit,
po gjëmonte Huta,
gjërë n´Brigje t´Lumbardhit!

Asqer e Nizam, me bishtat nën shalë,
armatimin lanë, po lanë dhe një fjalë:
- Aty ku këndon Huta, luftojnë shtatë copë Lluka!

Veç tre e filluan, treqind iu bashkuan,
tre djem t´pa hesapë, shënuan Etapë
dhe nderë e lavdi, të lanë o Shqipni,
se dardha pikë nën dardhë,
e nderi, nga faqja e bardhë!
Shekujve këndoj huta,
ke Verrat e Llukës,
pasha Shtatë Copë Lluka,
s´ú ndal Kënga e Luftës,
se pat kush t´këndoj,
dhe kur ish kohë t´merri,
dhe pat kush t´dëgjoj,
se si ruhet nderi!

Mentor Thaqi VS., 25.02.2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30