Mentor Thaqi:BOMBAT E LIRISË!

nga **Agim Gashi** Thu Mar 24, 2011 12:50 pm

Mentor Thaqi:BOMBAT E LIRISË!

"Marsi, Marsi, muaj i tretë,
i çuditshëm, me t´vërtetë..."!

Eh, njëherë jo fort moti,
në kulmin e çmendurisë së endacakëve,
Jeta më e rëndë se vdekja,
mbi supet e dërmuara!

Fishkje e vyshkje, me bollëk,
dikush na servoi,
arrogantë me propagandë,
e ne, duarthatë
por, zemërplot!

Në zor qemë qebesa,
po kush të na besonte?!
As plagën na e shihnin,
as lotin vazhgëve,
rënkimet na qenë mbytur,
pa kohë për kuje,
e edhe të gjymtuar, vertikal!

Po më mirë ujk një ditë,
se qen përditë!
Provave të alternativave të para,
në Qytetërimin tonë të lashtë paqësor,
Urti e Mençuri në anën tonë,
Vlera i patëm e matëm.

Dhe, erdhi ajo që prisnim
e duhej pa shteg tjetër.
Dikush tha: O hunin o tirqit!
Ne, të dyat bashk, se fundit s´i dihej.
E zap këndej, e hop andej,
alternativë mundësie, sipas takatit,
hë Zoti pa miq mos na lëntë!

Ia behën. Erdhën se i prisnim!
Avaks në fillim, Tornado në vijim
dhe F2 me 16 Flatra Dyshe,
se nuk bëhej ndryshe!
Ne këngë,
qiellit gjëmim,
tjerët rënkim, sharje, hidhërim,
se Zoti, lutjet e mbrapshta ua braktisi!

O Zoti ynë!
Jemi po ai Populli, i pari,
por, tash pak më ndryshe,
të kthyer së mbari,
kah Rrugë e Pavarësisë, e Përëndisë,
me Uratë,
për Bombat e Lirisë!
Dhe 24 karatëshi i pastërtisë,
është 24 Marsi, Vdekja e Hegjemonisë!

Mentor Thaqi VS., 23.03.2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30