Banorët e Kosovës Lindore duan bashkim me Kosovën

nga **Agim Gashi** Mon Mar 28, 2011 11:08 pm

Banorët e Kosovës Lindore duan bashkim me Kosovën

Mbi 1000 të anketuarë i thonë PO bashkimit të Luginës së Preshevës me Kosovën.

Ekipi hulumtues i AIK "Presheva Jonë" njofton se dje redaksisë i ka arritur formulari i fundit me numrin 1028 i sondazhit gjithëpopullor organizuar nga agjencia jonë me qytetarët e Luginës së Preshevës lidhur me perspektivën dhe statusin e tri komunave (Preshevës, Bujanocit dhe Medvegjës) të banuara me shqiptarë etnikë.

Kjo anketë me qytetarët e Preshevës, Bujanocit dhe Medvegjës është me rëndësi, jo vetëm për shkak të fillimit të dialogut ndërmjet mes Kosovës dhe Serbisë por edhe për shkak të disa deklarata të fundit dhe dilemave të disa liderëve politik e përfaqësuesve të Luginës së Preshevës si dhe komandantëve dhe nga ana e OVL të UÇPMB-së rreth dialogut dhe të ardhmes së Luginës së Preshevës. Sondazhi me 1028 qytetarë nga Presheva, Bujanoci dhe Medevegja dëshmon se popullata mendon krejt ndryshe nga politika ditore në Luiginën e Preshevës. Derisa të anketuarit, pjesa dërmuese thonë se janë për bashkim me Kosovën, strukturat politike në Luginën e Preshevës kanë mendime të larmishme, madje tek ta vërehet edhe një labilitet rreth statusit të së ardhmes së këtyre viseve të banuara me shqiptarë etnikë.

Do theksuar se nga shënimet që kanë dhënë të anketuarit tanë në formularin e sondazhit vërehet se shumica janë nxënës, studentë, profesorë e intelektualë të profileve të ndryshme. Shumica e këtyre formularëve që kanë arritur janë të plotësuara nga të rinjtë nga mosha 18 deri në oshën 35 vjeçare me mbi 700 formularë. Ndërsa, mbi 300 janë të moshës mbi 36 vjet dhe se është për t’u përshëndetur fakti e rreth 450 fletë (apo 40 për qind) janë femra. Sa i përket nacionalitetit të qytetarëve pjesa dërmuese apo 98 për qind nga 1028 formularë janë shqiptarë, ndërsa për çudi në redaksi na kanë arritur edhe dhjetë formularë nga pjesëtarë joshqiptarë. Prej tyre 6 fleta me emra të serbëve (3 nga Bujanci, 2 nga Medvegja dhe 1 nga Presheva) dhe kemi edhe 2 letra-formularë të plotësuar në shqip, por të cilët deklarohen si turq. Këto dy të anketuar vijnë nga Bilaci. Serbët kanë shkruar në formularët e tyre se "Lugina e Preshevës po se po, por edhe Kosova është tokë serbe...". (?!) madje një serbe nga Bujanci me inicialet V.S. ka shkruar: "ne pranojmë që Presheva dhe Bujanoci të shkojë me Kosovën, por duke na dhënë Mitrovicën dhe Pasjanin...". Por ka edhe nga të anketuarit shqiptare që kanë shkruar se "Presheva, Bujanoci e Medvegja janë tokë shqiptare dhe asnjë pëllëmbë nuk e japin e as nuk e këmbejnë me asnjë territor të Kosovës...".

Një profesor nga Medvegja ka shkruar se "Presheva, Bujanoci dhe Medvegja janë do të jenë pjesë e Kosovës herdokur..,por Serbia na mbetet serish borxh deri te Molla e kuq, deri në Nish...".

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31