PDK shtyn Kvendin zgjedhor

nga **Agim Gashi** Sun Apr 17, 2011 10:25 pm

PDK shtyn Kvendin zgjedhor

PDK shtyn Kvendin zgjedhor 18hashim-thaci4444

Hoxhaj mohon të ketë frikë brenda PDK-së për mbajtjen e një Kuvendi të rregullt zgjedhor, me gjithë faktin se pas zgjedhjeve të fundit nacionale, në PDK është rritur pakënaqësia, sidomos tek disa eksponentë të fuqishëm politikë të saj.

Partia Demokratike e Kosovës edhe pse kishte parlajmëruar se do të mbante Kuvendin e ri zgjedhor të partisë gjatë kësaj vere, ajo është shtyrë për një afat të pacaktuar.

Sekertari për marrdhënie me publik i kësaj partie, Enver Hoxhaj tha se Kuvendi zgjedhor mund të mbahet në vitin 2012, ose më së largu në pranverën e vitit 2013, varësisht se kur do të mbahen zgjedhjet e përgjithshme.

Sipas Hoxhajt, energjitë shtetformuese dhe qeverisëse që ka PDK-ja në këtë faze, do të duhej të koncentroheshin në punën e Qeverisë, ndërsa për zgjedhjet e brendshme të mendohet për vitin tjetër.

“Me sa e di unë, ka qenë një ide që të organizohet një proces zgjedhor partiak në përputhje me dokumentet e partisë dhe në përputhje me vendimet që marrin organet e partisë, por unë nuk mendoj që është në interes të qytetarëve, nuk mendoj që është në interes të PDK-së dhe nuk mendoj që është koha në 2011-në, që ne si njerëz që kemi përgjegjësi në Qeveri dhe shumë deputetë që janë në Kuvendin e Kosovës për herë të parë, energjitë tona më të mira t’i kanalizojmë në procedurat partiake”, ka thënë Hoxhaj.

Hoxhaj mohon të ketë frikë brenda PDK-së për mbajtjen e një Kuvendi të rregullt zgjedhor, me gjithë faktin se pas zgjedhjeve të fundit nacionale dhe koalicionit me AKR-në, në PDK është rritur pakënaqësia, sidomos tek disa eksponentë të fuqishëm politikë të saj.

Më 24 tetor të vitit të kaluar, PDK ka mbajtur Kuvendin e jashtëzakonshëm zgjedhor, ku është konfirmuar mandati i Kryetarit Hashim Thaçi dhe Kryesisë së partisë, por nuk kishte zgjedhje të rregullta nëpër degë, nëndegë e seksione.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30