Pacolli mungon në mbledhjet e Qeverisë

nga **Agim Gashi** Thu Apr 21, 2011 1:52 am

Pacolli mungon në mbledhjet e Qeverisë

Në kohën kur Qeveria po mblidhej në mbledhjen e pasdites, zëvendëskryeministri i parë, Behgjet Pacolli, po pinte kafe me bashkëpartiakët dhe me miqtë e tij në njërin nga lokalet në qendër të Prishtinës, disa dhjetëra metra larg ndërtesës së ekzekutivit. Ai ka përshëndetur zëvendëskryeministren Mimoza Kusari-Lila, e cila është nisur për në mbledhje, kurse ai ka vazhduar pushimin. Pacolli prej që është emëruar zëvendëskryeministër i parë nuk ka marrë pjesë në mbledhjet e Qeverisë, ndërkaq nga zyrtarët qeveritar mungesa e tij është arsyetuar me mungesën fizike në Kosovë, por të mërkurën, kjo nuk ishte arsye.

Behgjet Pacolli është emëruar zëvendëskryeministër i parë, pas marrëveshjes së re të koalicionit qeveritar bashkë me LDK-në për zgjedhjen e presidentes konsensuale. Zyrtarët qeveritarë nuk shohin dualizëm të kompetencave të politikës së jashtme me këtë rast, megjithatë, vetë Pacolli ka kërkuar që të ketë qartësim të kompetencave të tij.

Ndërkohë, edhe çështja e ridizajnimit të Qeverisë pas kësaj marrëveshje të re ende ka mbetur pezull.

Sipas marrëveshjes së re, Aleanca për Kosovë të Re kërkon që t’i ketë edhe dy ministri të reja dhe tre zëvendësministra, mirëpo burimet qeveritare bëjnë të ditur se PDK-ja insiston që mos t’i jap më shumë se një ministri partnerit të koalicionit dhe dy zëvendësministra.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30