Shkodër, dy familje i japin fund gjakmarrjes në ditën e Pashkës

nga **Agim Gashi** Mon Apr 25, 2011 11:43 pm

Shkodër, dy familje i japin fund gjakmarrjes në ditën e Pashkës

Festa e Pashkëve është festuar në mënyrë të vecantë këtë vit në fshatin Grudë e Re, pasi është shënuar pajtimi i hasmërisë mes dy familjeve të këtij fshati. Bëhet fjalë për familjet Kasneci dhe Deda ku 45 pjesëtarë të këtyre dy familjeve ndodheshin prej tre vitesh të ngujuar.

Ky pajtim është shënuar gjatë ceremonisë së meshës së shenjtë të zhvilluar në fshatin Grudë e Re të Shkodrës. Prifti i Kishës së Grudës, Xhovani Kolombo ka bërë të ditur gjatë meshës pajtimin e këtyre dy familjeve, duke e cilësuar si një ngjarje shumë të rëndësishme, në një ditë të shenjtë sic është festa e Pashkëve.

“Krishti u ngjall nga vdekja, po kështu edhe komuniteti jonë përmes pajtimit të këtyre dy familjeve. Sot me të vërtetë jeta ka fituar mbi vdekjen. Kemi pasur një shembull konkret në fillimin e së nesërmes. Për këto lloj shembujsh kemi nevojë në jetën tonë”,- u shpreh prifti.

Më pas anëtarët e dy familjeve janë mbledhur në një darkë të përbashkët tek familja Deda, ku është bërë zyrtarisht pajtimi i hasmërisë, me simbolin e shtrëngimit të duarve, mes dy anëtarëve të këtyre familjeve.

Dy familjet Kasneci dhe Deda prej 3 vitésh ndodheshin të ngujuar, pasi njëri prej anëtarëve të familjes Kasneci kishte aksidentuar për vdekje njërin prej anëtarëve të familjes Deda, e më pas ishte larguar nga vendi i ngjarjes pa i dhënë ndihmën e nevojshme të aksidentuarit, i cili humbi më pas jetën në spital. Pas 3 vitesh me ndërhyrjen e pleqve të pajtimit, u bë i mundur kthimi i paqes e harmonisë mes familjeve në hasmëri.

nga **Agim Gashi** Mon Apr 25, 2011 11:44 pm

Ky është shembulli më i mirë se si duhet punuar për çrrënjosjen e kësaj plage shekullore!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Shkodër, dy familje i japin fund gjakmarrjes në ditën e Pashkës

Shkodër, dy familje i japin fund gjakmarrjes në ditën e Pashkës

Re: Shkodër, dy familje i japin fund gjakmarrjes në ditën e Pashkës