“Nuk po ma japin tenderin se nuk po ju jap ryshfet!”

nga **Agim Gashi** Wed Jan 11, 2012 9:09 pm

“Nuk po ma japin tenderin se nuk po ju jap ryshfet!”

Ismail Shabani

“Nuk po ma japin tenderin se nuk po ju jap ryshfet!” Images

Gazeta “Bota sot” siguron edhe fakte të tjetra për ryshfet me tenderë! Rrëfen për gazetën një nga biznesmenët që nuk fitoi tenderin sepse nuk deshi të japë ryshfet.

Pas publikimit të artikullit të djeshëm me titull “Ti ma jep mua ryshfetin, unë ta jap tenderin” në gazetën “Bota sot”, një kompani nga Prizreni (emri i pronarit është i njohur për gazetën) ka shprehur interesim të deklarohet se ai ka vështirësi të marrë tenderë prej institucioneve shtetërore pa dhënë ryshfet.

Edhe pse ai deklaroi se pati fituar një tenderë në të kaluarën, edhe pse e drejta e tij është konfirmuar nga Organi Shqyrtues i Prokurimit dhe Gjykata Supreme, ai kurrë nuk ka arrit të nënshkruajë kontratën me autoritetin kontraktues. Ky pronar thotë se rastin e ka paraqitë edhe në Agjencinë për Kundër Korrupsion.

“Gjithë ky problem që po më bëhet ndaj meje për mos nënshkrim të kontratës, lind dyshimi se nga unë kërkohet përqindje apo edhe ryshfet, por rastin në fjalë e kam paraqitë në Organin Shqyrtues të Prokurimit, Gjykata Supreme dhe Agjencia për Kundër-korrupsion”, thotë ai për gazetën tonë.

Edhe drejtues të Organit Shqyrtues të Prokurimit, kanë pranuar për gazetën tonë se janë në dijeni për ryshfetin ose përqindjen e kërkuar nga autoritet kontraktuese për operatorët ekonomik. Hysni Hoxha, kryetar i OShP-së, thotë për gazetën “Bota sot”, se shumica e përmbajtjeve të ankesave nga ana e operatorëve ekonomik janë për shkak të mos respektimit të kritereve të autoriteteve kontraktuese të cilat ato vet i hartojnë, mbase kemi të bëjmë për Ligjin e Prokurimit në dy kritere me çmim më të lirë ose kriteri me çmim më favorshëm.

“Ankesa kemi më shumë kur autoritetet kontraktuese përcaktojnë çmim më të lirë dhe në fakt nuk e zbaton atë, duke bërë eliminimin e operatorëve ekonomik të cilët janë me çmim më të lirë dhe u jepen tenderët atyre kompanive që janë me çmim më të shtrenjta me arsyetime të ndryshme të cilat janë pa bazë”, thotë Hoxha, duke shtuar se kjo është ajo e cila ballafaqohemi më së shumti.

(Shkrimin e plotë mund ta lexoni nesër në gazetë)

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30