Rexhepi: “S'ka hair prej EULEX-it”

nga **Agim Gashi** Wed Apr 27, 2011 12:29 pm

Rexhepi: “S'ka hair prej EULEX-it”

Vënia e veriut të Kosovës si prioritet i EULEX-it nga shefi i këtij misioni nuk po ndodh në realitet.

Misioni që udhëhiqet nga gjenerali francez Ksavie dë Marnak, nuk po arrin që të instalojë sundimin e ligjit në atë zonë të Kosovës. Përkundrazi, realiteti në pjesën më problematike të Kosovës, vetëm sa po devalvon. Që nga koha kur Marnak e ka vënë veriun si prioritet të parë të misionit, ai ka pranuar se nuk ka fuqi që ta kthejë stafin lokal në Gjykatën e Qarkut në veri të Mitrovicës, strukturat paralele serbe kanë uzurpuar edhe ndërtesën e Gjykatës në Zubin Potok, ndërkaq që të njëjtat struktura kanë shpërndarë me të madhe tabelat e reja për automjete të lëshuara nga Serbia. Në të gjitha rastet, misioni i BE-së nuk ka reaguar siç obligohet me mandatin që ka, shkruajnë mediet.

E gjithë kjo situatë, e sidomos shpërndarja e tabelave, për të cilat ai ka dhënë urdhër të konfiskohen gjithandej Kosovës, i kanë ardhur në majë të hundës ministrit të Punëve të Brendshme të Kosovës, Bajram Rexhepi.

Rexhepi thotë se ka kërkuar nga EULEX-i që të konfiskohen tabelat, por ka marrë përgjigje negative.

"Urdhri im është valid. Ne e dimë se kanë shpërndarë tabela, dhe ato do të konfiskohen kudo që ne kemi qasje. Prej EULEX-it..., s`ka hair prej tyre, runa Zot prej EULEX-it", citohet të ketë thënë Rexhepi, ndërkohë që media nuk ka aritur të marrë përgjigje për mosefikasitetin në veri nga misioni i BE-së për sundimin e ligjit.

EULEX-i që nga themelimi, e ka një zëdhënës të veçantë për veriun e Kosovës, të cilin tashmë edhe e ka zyrtarizuar në faqen e internetit. Ndonëse edhe veriu është pjesë e Kosovës, EULEX-i nuk ka dhënë sqarime se pse e ka caktuar këtë zëdhënës për atë pjesë. Njeri që flet në media vetëm për çështjet ne veri, nuk ka pasur as UNMIK-u.

Ish misioni i OKB-së në fillimet e veta ka pasur zëdhënës të veçantë për regjione, por nuk ka pasur një njeri që flet vetëm për veriun, konstatojnë mediet.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30