Bumçi: Basha ka përmbysur rezultatin

nga **Agim Gashi** Mon May 09, 2011 8:39 pm

Bumçi: Basha ka përmbysur rezultatin

Basha: Premisat janë premtuese, do të respektojmë procesin e numërimit dhe shpalljen zyrtare të rezultatit

(I plotësuar)-Kanë nisur tashmë deklaratat dhe kundër-deklaratat nga dy kampet politikë ndonëse procesi i numërimit të votave ende nuk ka përfunduar.

Deputeti i PD-së Aldo Bumçi deklaroi kandidati i “Aleancës për Qytetarin” për bashkinë e Tiranës, Lulzim Basha ka përmbysur rezultatin.

"Kandidati i “Aleancës për Qytetarin” Basha ka arritur rezultate mjaft të mira duke përfituar terren deri në masën 50 përqind” theksoi Bumçi.

Më tej deputeti Bumçi theksoi se edhe pse PD-ja është optimiste për rezultatin përfundimtar ajo do të presë rezultatin përfundimtar.

* * * * * *

Basha: Premisat janë premtuese, do të respektojmë procesin e numërimit dhe shpalljen zyrtare të rezultatit

Numërimi i votave të 8 Majit për Tiranën është në fillimet e tij. Lulzim Basha deklaroi edhe një natë më parë para mediave se pas një procesi me standarde mjaft të larta të votimit, do të presë deri në fund procesin e numërimit dhe shpalljes zyrtare të rezultatit. Ne ju kërkojmë të bëni durim dhe të mos shqetësoheni nga rezultatet e para që dalin në media. Aktualisht shifrat e mëngjesit po përmbysen dhe kemi një situatë mjaft optimiste. Pjesëmarrja e jashtëzakonshme në zgjedhje dhe shumë premisa të tjera janë shumë premtuese për projektin e ndryshimit të Tiranës. Lulzim Basha është i vendosur të respektojë deri në fund standardet europiane të këtyre zgjedhjeve për të pritur procesin e numërimit dhe shpalljes zyrtare të rezultatit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30