Dëshmitari “M”: Takimi me Azem Sylën dhe urdhri i tij për të më liruar nga arresti

nga **Agim Gashi** Thu May 19, 2011 8:49 pm

Dëshmitari “M”: Takimi me Azem Sylën dhe urdhri i tij për të më liruar nga arresti

Tetuta Rexhepi Bota sot

Dëshmitari “M”: Takimi me Azem Sylën dhe urdhri i tij për të më liruar nga arresti Gjykata%20Q

Dëshmitari i mbrojtur me kodin “M” të enjten është paraqitur në Gjykatën Supreme të Kosovës për të dhënë dëshminë e tij në gjykimin kundër Sabit Gecit, Rizah Aliajt dhe Haki Hajdarit, i njohur si “Haki Drenica”, Sali Rexhepi dhe Shaban Hotit, të cilët ngarkohen për veprat penale krime lufte kundër popullatës civile gjatë vitit 1999 në kampin e Cahanit, Shqipëri. Dëshmitari “M” i cili deri në vitin 1990 ka punuar polic në Sekretariatin për Punë të Brendshme në Prishtinë gjegjësisht në Shërbimin Publik. Ai ka treguar mënyrën si ishte larguar nga Kosova pas bombardimeve të NATO-s dhe arrestimin e tij në Shqipëri nga ana e Shërbimit Informativë të Kosovës.

Pastaj dëshmitari ka treguar se si ishte takuar me Azem Sylën dhe se si e kishte liruar ky i fundit pas një bisede të shkurt. “Kur arritëm në Krumë në një zyrë në një shtëpi ka ardhur Azem Syla ka bërë një bisedë të shkurtë më pyeti nëse e njihja i thash po shok ministër (e dija se ishte ministër i Mbrojtjes në Qeverinë e Përkohshme) pastaj ai shkoi me një dhomë tjetër”, u shpreh ai. Pas pak kohe ai tha se Azem Syla ishte kthyer në zyrën ku ishte dëshmitari me deklaratën e tij në dorë që e kisha shkuar(emrat e bashkëpunëtorëve të Serbisë). Pas një ore sa kishte qëndruar aty dëshmitari tha se e kishin dërguar në Kukës te Shërbimi Informativ Shqiptar nga ku pas tri ditësh e kishte liruar Azem Syla. “Aty më kanë përgatitur një shtrat në një zyrë dhe aty kam qëndruar tri ditë ku pas tri ditësh ka ardhur Azem Syla së bashku me kryetarin e SHIK-ut të Kukësit. Pas asaj bisede të shkurtër afërsisht një orë Azem Syla më ka thënë je i lirë të shkosh në shtëpi. Unë i kam kërkuar që të më jap një vendim diçka kurse ai më ka thënë s’ka nevojë nëse të ndal kush, thuaju se kam fol me Azem Sylën dhe nuk do të kesh problem. Avokati Millaku i ka drejtuar një mori pyetjesh dëshmitarit në lidhje me deklaratën që dëshmitari kishte dhënë më 11 mars 2010 para prokurorit. I pyetur nëse kishte marr pjesë në arrestimin e ndonjë personaliteti sa ke punuar polic gjatë vitit 1990, dëshmitari është përgjigjur jo asnjëherë. Ndërsa, kur është pyetur nëse kishte marrë pjesë në arrestimin e Smajl Haradinajt dhe të bashkëshortes së tij për veprimet antikushtetuese të Jugosllavisë, dëshmitari tha se kishte marr pjesë në bastisjen e shtëpisë së tij. Seanca e radhës pritet të mbahet më 23 maj ku pritet të dëshmojë dëshmitari “N”.

(Me gjerësisht mund të lexoni në numrin e nesërm të gazetës)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30