Berisha: Të rivlerësohet çdo votë e kontestuar

nga **Agim Gashi** Mon May 30, 2011 10:11 pm

Berisha: Të rivlerësohet çdo votë e kontestuar

Kryeministri Sali Berisha tha sot se numërimi i votave të kontestuara është një e drejtë që çdo force politike ja jep Kodi Zgjedhor. Në mbledhjen e Grupit të PD-së, Berisha u shpreh se sistemi zgjedhor ka në themel të tij kundërshtimin. “Ne kërkuam rivlerësimin e votave të kontestuara, sepse sistemi ynë aktual zgjedhor ka si shtyllë të parë, të drejtën e kundërshtimit. Ky sistem, në dallim nga ai i mëparshmi, që në rezultat të ngushtë autorizonte rinumërimin, është ndryshe, nuk lejon të prekësh asnjë votë, për të cilën komisionerët dhe grupet e numërimit kanë qenë dakord. Ato nuk preken”, tha Berisha.

Ai u shpreh se kreu i PS-së mund të kishte bërë padi për të gjitha çështjet që e kanë shqetësuar gjatë zgjedhjeve në Tiranë. “Ti mund të kishe bërë padi për 2 mijë kuti, por bërë akuza vetëm pasi u mbyll procesi i ankimimit”, tha Berisha duke ju drejtuar kreut të opozitës.

Kryeministri shtoi se mazhoranca ka bërë një përjashtim në futjen e fletëve të kontestuara. Ai ka përmendur dy kutitë ku është votuar se bashku me kundrafletët e votimit. Berisha shtoi se këto fletë nuk janë kontestuar sepse nuk mund t’i thuhej qytetarit se vota e tij është e pavlefshme për një gabim të komisionerit.

“I kemi lejuar vetes vetëm një përjashtim; fletët që janë gjetur me kundra fletë, me shumë të drejtë komisionerë e të dy anëve i kanë quajtur të kontestuara. Por nëse ne do ishim marrë me to, kandidati tjetër do të ishte me minus 300-400 vota. Por qytetarët kishin folur hapur. Nuk mund t’i thoshim qytetarit vota jote nuk vlen”, tha kryeministri.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30