Gratë e heronjve Gërvalla e Ramadani vizituan grevistët e UÇK-së

nga **Agim Gashi** Thu Jun 02, 2011 10:52 am

Gratë e heronjve Gërvalla e Ramadani vizituan grevistët e UÇK-së

Rexhep Rifati Bota sot

Gratë e heronjve Gërvalla e Ramadani vizituan grevistët e UÇK-së Fotogreva%201

Gratë e heronjve Gërvalla e Ramadani vizituan grevistët e UÇK-së

Gjatë një vizite veteranëve-grevistë nën shatorin që përcëllonte sa nga vapa aq edha mospërfillja institucionale, bashkëshortet e dy heronjve të kombit Jusuf Gërvalla dhe Agim Ramadani, zonjat Suzana Gërvalla e Shukrije Ramadani, pos që u solidarizuan me kërkesat e tyre u angazhuan edhe për një pozitë më të mirë te kategorive te dala nga lufta

Gjatë një vizitë të shkurtër që i bëmë veteranëve të Ushtrisë Çlirimtare të Kosovës, që tash 10 ditë kanë hyrë në grevë, patëm rastin të shohim nga afër sesi ata nën tendën qe përcëllonte nga vapa e përjetonin shumë rëndë këtë gjendje të tyre. Me këtë rast pame me dhjetëra veteranë në gjendje relativisht të rëndë shëndetësore, për më tepër të pezmatuar e të mllefosur me institucionet gjegjëse qeveritare për mungesë vullneti për të përfillur kërkesat e tyre, që i konsiderojnë legjitime. Aty pos një ekipi të ndihmës se shpejt takuam edhe bashkëshortet e dy heronjve të kombit Jusuf Gërvalla dhe Agim Ramadani, zonjat Suzana Gërvalla e Shukrije Ramadani. Ardhja e tyre ishte pritur me përzemërsi nga ish-luftëtarët e UÇK-së, tash në pozitë të palakmueshme të grevistëve.

Mesa pame, vizita dy grave të heronjve ishte një moment tejet mbresëlënës, por edhe i dhembshëm e shqetësues , sepse të shihje ata që dhanë aq shumë për pavarësinë dhe lirinë e këtij vendi në një grevë urie ishte më se dëshpëruese e pikëlluese. Me këtë rast midis veteranëve grevistë e mysafireve të rralla, u zhvillua një bashkëbisedim e përafërt , ndërsa që Shukrije Ramadani u tha atyre që kishin ardhur për ti vizituar dhe solidarizuar me kërkesat e tyre te drejta e të ligjshme dhe se qëndrojnë përkrah tyre derisa të plotësohen ato si dhe u angazhuan edhe për një pozitë më të mirë te kategorive te dala nga lufta. Ndërsa që veteranët u thanë grave te dy heronjve tanë se ata nuk e kanë ndërmend të dalin nga greva pa u plotësuar kërkesa për përshpejtimin e miratimit të Ligjit për veteranët e UÇK-së, pavarësisht gjendjes së përkeqësuar shëndetësore të disave nga ta.

Ndërkaq, Xhevdet Qeriqi, kryetar i Këshillit për Mbrojtjen e të Drejtave të Luftëtarëve të UÇK-së na shpjegoj se gjendja e grevistëve është duke u bërë çdo ditë e më keq dhe se vazhdimisht ka probleme shëndetësore, për shkak të motit të ndryshueshëm, porse ata janë të vendosur e këmbëngulës në kërkesat e tyre , sepse ato i konsiderojnë të arsyeshme e të mundshme për tu realizuar.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30