3 qershori, dita kur u shkrepën plumbat e vrasjes së Bardhyl Ajetit

nga **Agim Gashi** Sat Jun 04, 2011 12:28 am

3 qershori, dita kur u shkrepën plumbat e vrasjes së Bardhyl Ajetit

Bota sot

Gjashtë vjet më parë, një dorë tinëzare shtiu dhe plagosi për vdekje kolegun tonë redaktorin e kolumnistin tonë të njohur Bardhyl Ajetin. Lajmi për plagosjen e bardhylit ishte një “sulm” i papritur për familjen e Bardhylit, për kolegët e redaksisë dhe për mbarë opinionin shqiptar që patën rastin të lexojnë shkrimet dhe kolumnet e Bardhylit përmes gazetës kombëtare “Bota sot”.

Plagosja e Bardhylit ishte tinëzare sepse u bë në mbrëmje të 3 qershorit të vitit 2005. pas 22 ditëve të përpjekjeve për jetë a vdekje, Bardhyli u nda prej nesh në spitalin e Milanos. Plumbat e plagosjes ishin vdekjeprues.

Gjashtë vjet pas vrasjes së Bardhylit, askush nuk është hetuar, askush nuk është arrestuar dhe askush nuk është dënuar. Madje edhe hetimet që filluan para gjashtë vjetësh janë “vjedhur” nga dhoma e dëshmisë dhe sot askush nga organet kompetente, Prokuroria dhe Policia nuk japin përgjigje për hetimet për vrasjen e Bardhylit.

Gazeta “Bota sot” disa herë ka kërkuar nga organet kompetente që të hetohet vrasja e Bardhylit por gjithmonë ka marrë përgjigje se “hetimet vazhdojnë” dhe asgjë më shumë.

Vrasja e Bardhylit është vrasje e fjalës së lirë!

Vrasja e Bardhylit është vrasje e fjalës së guximshme!

Vrasja e Bardhylit duhet të hetohet,e kriminelët duhet të dalin para drejtësisë dhe të marrin dënimin e merituar.

Nuk do ta harrojmë kurrë kolegun tonë Bardhyl Ajetin!

IN MEMORIAM PER BARDHYL AJETIN

Kur vritet gazetari
Vritet dhe liria,
Qajnë shkronjat e Dhaskal Todhrit
Qajnë edhe fëmija.

Kur vritet gazetari
Nga arma e krimit,
Ndjen dhëmbje Karadaku
Dhe Rrafshi i Dukagjinit.

Kur vritet gazetari
Me grykën e pushkës,
Mbi qiellin e Kosovës
Ofashama e Ali Ukës.

Kur vritet gazetari
Nga arma e ulokut,
Mbi bjeshkët e Kosovës
Hija e Enver Malokut.

Kur vritet gazetari
Në midis t´Kosovës,
Dridhet Vicianumi
I Shefki Popovës.

Kur vritët gazetari
Nën hijen e natës,
Në varr ngrinë kujtimet
E Xhemail Mustafës.

Kur vritet gazetari
Ndalet rruga e fatit,
Qahet n´tkatër anët
Drenica e Bekim Kastratit.

Shko Bardhyl Ajeti
Prehu në qetësi,
Tek shokët e penës
Që ratë për liri.

2005-06-29
Düren
Botuar në "Bota sot"

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30